上海市域铁路车票与票价

票价标准

金山铁路

2012年，金山铁路设定票价标准，最高10块，最低3块，好享受地面公交换乘优惠^[1]，必过换乘上海其他轨交线路弗好连续计价。

其他市域线路

根据上海市发展和改革委员会、上海市交通委员会《关于上海市轨道交通市域线票价机制有关事项个通知》（沪发改价调〔2024〕54号，以下简称“54号文”），2024年及以后开通个，由申通地铁集团运营个市域线（包含市域铁路、轨道快线（含地铁22号线）），适用更高个费率：^[2]^[3]^[4]

设计最高时速160公里及以上个市域线，每人公里基准费率0.45元；
设计最高时速160公里以下个市域线，每人公里基准费率0.37元；
每人次起步价4块；
假使乘客来勒市区线路搭市域线（含轨道快线）之间换乘，市区线路票价搭市域线（含轨道快线）票价直接累加。

票种

单程票

车站卖个当天单程票卡，来勒发售当天来勒卖票车站进站乘车。出站个辰光，车钿要小于等于车票额定个钞票，弗然要去服务中心补钞票。同时支持地铁单程票乘车子。

上海公共交通卡

主文章：上海公共交通卡

持有上海公共交通卡（含实体卡、虚拟卡）个乘客好享受虚拟换乘优惠帮自然月里向乘上海市域铁路实际累积消费满70块个优惠。

上海公共交通卡个实体卡好来勒各站个CVM充值机（非售票机）进行办理、充值、圈存。部分型号智能手机个用户好通过内置个应用程序或上海交通卡APP自助开通虚拟交通卡乘地铁（需要开启手机NFC功能），优惠政策帮实体卡一式一样个。

电子计次票

电子计次票采取实名制购买，只限制同一账户使用，有效期里向只好买一张，以20趟为一只“基本套餐”，一趟个优惠幅度差弗多是7折（弗低过地铁市区线最低票价3块）。电子计次票买仔以后，用户要来勒7天里向手动激活才好用，到辰光没激活个会得自动失效外加退钞票，激活以后30天里向侪好用个。使用电子计次票个乘客要刷对应个“二维码电子凭证”才好乘车，同时弗好享受其他优惠。^[4]

Remove ads

优惠

申通地铁集团补充实施个些优惠规则：^[5]

公交换乘优惠：沿用地铁优惠规则。用公交卡（包括虚拟公交卡）个乘客，来勒公交消费以后120分钟里向乘地铁，或来勒地铁出站以后120分钟里向来勒公交高头消费侪好优惠1块。
折扣：除开金山铁路侪沿用地铁优惠规则。每个自然月里向用同一张上海公共交通卡或同一渠道同一账号个上海公共交通乘车码乘上海市域铁路实际累积消费满70块，个只号头里向，满70块个个笔搭挺下来个消费侪打九折，第二个号头重置。