上海英租界

上海英租界（英語：British Concession in Shanghai），是上海道台宮慕久同英國領事巴富爾按照《中英南京條約》，勒拉1845年11月29號個辰光，勒拉上海洋涇浜北面開設個以英國僑民為主個居留地。伊是中國近代歷史上第一個居留地搭仔租界。

租界剛劃定個辰光僅規定仔東南北三面個邊界，到1846年纔明確規定英租界個西界。1848年，上海英租界擴張，11月27號新訂界址，向西擴張到今朝個西藏中路。1863年，英租界同上海美租界合併成上海公共租界。