租界

租界，指个是一国勒拉别国个通商口岸开辟、经营个居留搭贸易区域。租界个特点是畀外国人接管、有自家一套个行政管理权搭一星国家主权，主要是外国领事或者是侨民组织个工部局个市政机构行使上箇星权力，箇咾箇星地方弗受当地政府行政管理，外加还同别个国家有得交流。

20世纪初个上海公共租界外滩

租界按照开辟搭管理状况，好分成功两种。一种是由一個国家单独开辟管理个，叫专管租界；还有一种由多個国家一道开辟管理个，叫公共租界。

历史

因为租界勒拉历史浪个地位搭作用，大部分历史学家认为伊是殖民地、半殖民地国家特有个。历史浪，19世纪中期以前个日本、印度、伊朗侪有得过租界歇。按照租界个开辟搭管理情况，好分成两类：一类是，一個国家单独开辟管理个，叫“专管租界”；另外一类是多個国家一淘开辟、一淘管理个，叫“公共租界”^[1]。

1845年11月29日，中国第一块租界由宫慕久通过道台个名义搭告示形式公布《上海租地章程》朝后出现^[2][3][4]。

设拉中国个租界

从1845年英国根据《上海租界章程规定》捞到头一块租界，到1902年奥匈帝国设立天津租界，曾拢总出现过25個专管租界搭2個公共租界。某些合併哉，箇咾到清朝末期，中国拢总有22個专管租界搭2個公共租界^[1]:1。

各個国家勒拉中国个租界分布^{[1]:1-2、283-289}：

大不列颠及爱尔兰联合王国　7個，后些来减成6個： 上海英租界（后些来同上海美租界併成上海公共租界） 厦门英租界 天津英租界 镇江英租界 汉口英租界 九江英租界 广州英租界 还呒没造好个6個： 营口英租界 江宁英租界 宜昌英租界 芜湖英租界 温州英租界 烟台英租界[5]

大日本帝国　5個： 苏州日租界 杭州日租界 天津日租界 汉口日租界 重庆日租界 还有呒没造好个4個： 沙市日租界 福州日租界 厦门日租界 营口日租界

法兰西共和国　4個： 上海法租界 天津法租界 广州法租界 汉口法租界 还有呒没造好个2個： 烟台法租界[6] 江宁法租界

美利坚合众国　2個，慢慢交併成0個 上海美租界（后些来同上海英租界併成上海公共租界） 天津美租界（先还畀清政府，后些来畀併进英租界里向） 还有呒没造好个1個： 温州美租界

德意志帝国　2個： 汉口德租界 天津德租界

俄罗斯帝国　2個： 汉口俄租界 天津俄租界

意大利王国　1個： 天津意租界 奥匈帝国　1個： 天津奥租界 比利时殖民帝国　1個： 天津比租界

公共租界　2处： 上海公共租界 鼓浪屿公共租界（英、美、德、法、西、日、丹麦、荷兰、瑞典-挪威联合王国）

上海租界

上海法租界个图章

主文章：上海租界

• 上海英租界（后与上海美租界合并成上海公共租界）
• 上海美租界（后与上海英租界合并成上海公共租界）
• 上海公共租界（Shanghai International Settlement）
• 上海法租界（La concession française de Changhaï）

天津租界

主文章：天津租界

1931年中国收回天津比租界

天津租界地图：
海河东岸：
     天津奥租界      天津意租界      天津俄租界（分成两部分）      天津比租界
海河西岸：
     天津日租界      天津法租界      天津英租界      天津德租界

1860年，英国顶先勒拉天津设租界，顶多个辰光有9個国家勒拉天津设租界^[7]。天津也是中国顶早收回租界个城市之一。1945年日本投降以后，中国正式收回天津阿末两個租界，箇结束脱天津租界个历史^[7]。

汉口租界

主文章：汉口租界

汉口租界数量排拉中国第二，只排拉天津后头。甲午战争前，只有英租界；甲午战争后头（1898年－1917年），增加4個（法、日、俄、德），五国租界排拉江岸；1917年，汉口德租界畀北洋政府收转来；1924年，汉口俄租界也畀北洋民国政府收转来。1926年，汉口英租界畀北伐军国民革命政府收转来。箇咾1927年开始只有2個租界：汉口法租界搭汉口日租界。

厦门租界

• 厦门英租界
• 鼓浪屿公共租界

广州租界

参见：沙面

• 广州英租界
• 广州法租界

重庆租界

• 重庆日租界

杭州租界

主文章：杭州日租界

九江租界

主文章：九江英租界

九江英租界曾有过好几趟中外冲突事件。1927年3月15号，武汉国民政府拿九江英租界收转来。

苏州租界

主文章：苏州日租界

镇江租界

• 镇江英租界

收回租界

租界是中国近代史里向影响中国政局一個重要因素。弗执政个派别缩拉租界里向发展；政府眼睛里向租界是丧权辱国个象征，倒一直想拿伊收转来。下头是部分租界收转来个辰光表：

• 1917年，中国参加欧战协约国，对德意志帝国同奥匈帝国宣战，收转来汉口德租界、天津德租界搭天津奥租界。
• 1924年，苏联宣布放弃原来俄国勒拉中国个租界。
• 1927年1月3日，国民政府收回汉口英租界。
• 1927年1月10日，国民政府收回九江英租界。
• 1929年11月11日，国民政府收回镇江英租界。
• 1930年9月17日，国民政府收回厦门英租界。
• 1931年1月15日，国民政府收回天津比租界。
• 1943年3月30日，日本拿杭州、苏州、汉口、天津四个地方个日本租界交畀汪精卫政权。按照汪精卫政府要求，日本方面对法国维希政府施加压力，逼伊放脱伊勒拉中国个租界。
• 1945年中国抗日战争胜利后，国民政府宣布拿所有勒拉中国个租界全部收转来，勒拉中国个租界箇咾结束哉。

设拉日本个租界

设拉朝鲜个租界