亚美尼亚历史

亞美尼亞拉垃由亞拉臘山環繞個高地。亞美尼亞國家最初個名字是哈伊克，之後為Hayastan，意思是哈伊克人個土地。亞美尼亞歷史可以追溯到2500年前，傳統上亞美尼亞個疆域拉今朝個高加索地區搭土耳其東部廣大區域。

古典時期亞美尼亞個位置圖

早期歷史

拉今朝亞美尼亞地區可以發現32.5萬年前使用個石器工具，箇個可以推出拉伊個時期已經有得人類居住。^[1]

古典時期搭波斯統治

拉公元前585年，烏拉爾圖個陷落之後，Orontid王朝開始統治亞美尼亞到公元前191年。

前331年，亞歷山大大帝擊敗了波斯人所建國家阿契美尼德帝國個大流士三世，亞美尼亞從波斯個一個省變成馬其頓帝國個一部分。隨著亞歷山大個逝世，馬其頓帝國被瓜分成共三塊，其中亞美尼亞屬於塞琉古帝國所統治。前198年，塞琉古帝國被羅馬所擊敗，而亞美尼亞也拉箇個辰光趁機分裂了出來。

前190年，阿爾塔什斯一世建立了阿爾塔什斯王朝，而到了前95年到前65年間，拉提格蘭二世（大帝）個領導下頭，亞美尼亞王國成為當時西亞強大個國家之一。伊個疆域從今朝個裏海、地中海一帶一直綿延到埃及。但是，亞美尼亞個光輝並弗長久，拉之後個千餘年當中，一直拉交關多異族個統治下殘存著，卻並沒真箇因此而滅亡。

首先，拉帕提亞帝國（中國古代稱安息）托羅馬帝國個東西雙面夾擊下，阿爾塔什斯王朝拉1年左右滅亡，而亞美尼亞也短暫個淪為羅馬個一省後弗久，變成共羅馬個保護國。東亞美尼亞部分則於64年建立了阿爾沙克王朝，則成為帕提亞個保護國。224年，薩珊王朝滅帕提亞；為了弗被波斯人個拜火教所同化，公元301年，亞美尼亞王梯里達底三世定基督教為國教，讓亞美尼亞成為世界上第一個單一宗教國家。405年，亞美尼亞字母被發明。公元428年，阿爾沙克王朝滅亡。之後200年間東亞美尼亞一直被波斯人所統治。450年搭482年，東亞美尼亞爆發了兩次反對波斯人統治個全民起義，雖然慘遭失敗，但最終迫使波斯帝國做出了讓步，亞美尼亞恢復了實際上個自治地位並可以保持基督教信仰。發起兩次起義個統帥儕屬於亞美尼亞知名個馬米科尼揚家族^[2]。

中世紀

602-628年拜占庭托波斯薩珊王朝個戰爭後，兩國儕已經元氣大傷。箇讓阿拉伯穆斯林得以順利個侵占拜占庭拉中東、北非個領土，並展開伊斯蘭對波斯個征服（633-654年）。薩珊王朝滅脫後，亞美尼亞人開始歸倭馬亞王朝穆斯林管治，阿拉伯人強迫亞美尼亞人改信伊斯蘭教，但沒成功；885年阿碩特一世重新建立亞美尼亞王國巴格拉提德王朝。拜占庭帝國拉巴西爾二世（976-1025）個統治下，國力擴張，並逐漸吞併亞美尼亞王國。1045年，巴格拉提德首都阿尼被拜占庭軍隊所占，亞美尼亞王國再次滅亡。亞美尼亞高原再次由外族統治。

9世紀後期，塞爾柱人入侵亞美尼亞高原，部分亞美尼亞難民逃到瀕臨東地中海個奇里乞亞，建立奇里乞亞亞美尼亞王國（1080-1375年）。奇里乞亞托十字軍國家透過聯姻維持友好個關係，十字軍也曾經協助亞美尼亞抵抗拜占庭搭土耳其人。12世紀，由於蒙古人占領了中亞到中東個大幅領土，奇里乞亞托蒙古人結盟以對抗穆斯林，尤其是埃及個馬木留克。13-14世紀，各十字軍國家逐漸崩潰、蒙古人伊斯蘭化，讓奇里乞亞失去盟友。內部宗教衝突搭馬木留克個弗斷進攻下，王國最終於1375年滅亡。

自此奇里乞亞跟亞美尼亞高原一樣復歸外族統治。

近代

由於具有重要個戰略價值，奧斯曼帝國搭波斯薩非王朝一直爭奪亞美尼亞高原個控制權。1555年阿馬西亞和約以後，儘管奧斯曼搭波斯戰爭弗斷，但西亞美尼亞一直歸屬奧斯曼帝國，東亞美尼亞則到19世紀上半葉儕歸屬波斯。

16到20世紀，奇里乞亞儕是奧斯曼帝國個領土。1828年，沙俄垃拉托波斯個戰爭中獲得東亞美尼亞。而地域廣闊個西亞美尼亞仍然拉奧斯曼土耳其個統治下頭。儘管非穆斯林個財產、信仰自由是受到保障，信奉基督教個亞美尼亞人仍長期被視作二等公民，從19世紀末，亞美尼亞人開始遭到土耳其人搭奧斯曼帝國弗斷個迫害搭屠殺。

20世紀

1909年4月，土耳其人拉奇里乞亞 （當時歸屬奧斯曼帝國阿達納行省）展開屠殺亞美尼亞人個行動，到達阿達納個土耳其士兵更參與屠殺，約2-3萬亞美尼亞人被殺。 1912年第一次巴爾幹戰爭爆發，奧斯曼失去85%個歐洲領土，造成上萬名穆斯林從巴爾幹半島逃到土耳其。再加上俄羅斯帝國拉俄土戰爭中得以吞併奧斯曼拉許高加索個領土，也造成大量穆斯林難民從高加索遷移到土耳其。箇些難民儕增加了奧斯曼穆斯林個排外情緒。

1915年到1918年間，正處拉第一次世界大戰個奧斯曼土耳其政府因為藉口亞美尼亞人叛亂，對居住拉土耳其奧斯曼帝國控制區內個亞美尼亞人進行了系統性個種族大屠殺，估計個死亡人數高低弗等，少則接近100萬，高則達150萬。此外數以萬計生活拉故土個西亞美尼亞人被迫流亡海外，其中部分經陸路逃到俄羅斯境內。亞美尼亞種族大屠殺搭納粹對猶太人個屠殺、侵華日軍個南京大屠殺被稱為20世紀人類歷史上個三大屠殺。

1918年5月28號，亞美尼亞民主共和國成立。一戰末奧斯曼帝國戰敗，美國總統伍德羅·威爾遜拉巴黎和會上建議擴張亞美尼亞民主共和國個疆域，讓伊包括歷史上個亞美尼亞地區。因此1920年簽署個色佛爾條約原是讓西亞美尼亞回到亞美尼亞管治。可是此條約從來也嘸生效，西亞美尼亞更是被土耳其奪回去。1920年11月29號，蘇聯侵入，並拉亞美尼亞建立蘇維埃政權，成為外高加索蘇維埃聯邦社會主義共和國。1936年亞美尼亞蘇維埃社會主義共和國成立，正式成為蘇聯加盟共和國之一。

蘇聯時代個亞美尼亞逐步從農業國轉變為工業國家。拉蘇聯統治晚期，1988年12月7號亞美尼亞北部個斯皮塔克發生面波震級6.8級個地震，奪去了2.5-3萬亞美尼亞人個生命，50萬人無家可歸，當時有交關多西方民間團體曾發起大規模個募款賑災活動援助災區個居民。

獨立

亞美尼亞拉1991年9月21號從蘇聯獨立，恢復了獨立國家個身份。拉12月21號加入獨立國協。隨著亞美尼亞拉納戈爾諾-卡拉巴赫戰爭個勝利，鄰國土耳其搭亞塞拜然托亞美尼亞個關係立即轉差，兩國也關閉托亞美尼亞接壤個邊境。箇嚴重影響亞美尼亞獨立後個經濟發展。直到2009年10月，土耳其才托亞美尼亞簽訂協議，讓兩國關係正常化。