盧浦大橋

卢浦大桥，勒拉中国上海市原卢湾区搭浦东新区之间个黄浦江浪，曾经是世界浪主拱桥顶长个拱桥、钢拱桥，渠勒2009年4月畀重庆个朝天门长江大桥超脱。

简介

卢浦大桥全长3900米，主拱桥长550米，拱顶高出江面100米，设双向6车道。比1977年建成个世界浪主拱桥第二长美国费耶特维尔新河谷桥长32米，勒2003年6月28号完工，建成时曾经号称“世界第一拱”。大桥建造耗资约25亿元人民币。

卢浦大桥个车行道弗是由拱拖起，而是由拱悬吊个，属于斜拉索、悬索、拱桥为一体个桥梁结构。车行道左右两边个拱几乎勒顶点相交，由钢箱梁搭27根水平索连接。

名称

卢浦大桥个名称来源于上海两个区个简称——北岸个卢湾区交南岸个浦东新区。黄浦江上前头造好个三座桥侪满足迭个命名原则——南浦大桥连接南市区(后并入黄浦区)交浦东新区，杨浦大桥连接杨浦区交浦东新区，徐浦大桥连接徐汇区交浦东新区。

逸闻

勒通车仪式浪，姚明参加仔第一组跑步穿过大桥个队伍。

外部链接

• 卢浦大桥

参见

• 南北高架路
• 南浦大桥、杨浦大桥、徐浦大桥