盧浦大橋

盧浦大橋，勒拉中國上海市原盧灣區搭浦東新區之間個黃浦江浪，曾經是世界浪主拱橋頂長個拱橋、鋼拱橋，渠勒2009年4月畀重慶個朝天門長江大橋超脫。

簡介

盧浦大橋全長3900米，主拱橋長550米，拱頂高出江面100米，設雙向6車道。比1977年建成個世界浪主拱橋第二長美國費耶特維爾新河谷橋長32米，勒2003年6月28號完工，建成時曾經號稱「世界第一拱」。大橋建造耗資約25億元人民幣。

盧浦大橋個車行道弗是由拱拖起，而是由拱懸吊個，屬於斜拉索、懸索、拱橋為一體個橋樑結構。車行道左右兩邊個拱幾乎勒頂點相交，由鋼箱梁搭27根水平索連接。

名稱

盧浦大橋個名稱來源於上海兩個區個簡稱——北岸個盧灣區交南岸個浦東新區。黃浦江上前頭造好個三座橋儕滿足迭個命名原則——南浦大橋連接南市區(後併入黃浦區)交浦東新區，楊浦大橋連接楊浦區交浦東新區，徐浦大橋連接徐匯區交浦東新區。

逸聞

勒通車儀式浪，姚明參加仔第一組跑步穿過大橋個隊伍。

外部連結

• 盧浦大橋

參見

• 南北高架路
• 南浦大橋、楊浦大橋、徐浦大橋