延安東路隧道

延安东路隧道是上海连接浦东搭浦西，跨越黄浦江个一条主要道路，由南北两条隧道组成，共4条行车道。隧道浦西出口勒拉延安东路福建中路口，浦东出口嚜勒拉世纪大道银城中路口，直接连接世纪大道。全长2,261米，穿越黄浦江个部分有得1,476米。车道宽7.5米，高4.5米，老底子为双程行车，每个钟头流量为1,000辆。

延安东路隧道勒1984年12月18号开始兴建，1989年5月1日通车。1991年个辰光，勒高峰时段，每小时通过隧道个车辆已达1400辆。1994年1月18号勒原隧道以南动工兴建延安东路隧道南线，1996年11月29号正式通车，原延安东路隧道嚜易名延安东路隧道北线，共提供4条行车道。目前，延安东路隧道设计流量为每小时2400辆，勒高峰时段交通邪气繁忙，实际流量实实里超过此数，靠临近个复兴东路隧道、大连路隧道、新建路隧道、人民路隧道咾啥提供分流作用。