弗拉基米尔·普京

弗拉基米爾·弗拉基米羅維奇·普京（俄語：Влади́мир Влади́мирович Пу́тин，1952年10月7號生），乃興任俄羅斯個總統，伊是俄羅斯第5、9任總理、第3－4、6－7任總統。前克格勃高官。普京乃朝已經離婚，弗過立在公開場化，還薦揚伊是東正教信徒。伊還是統一俄羅斯黨個黨魁。畀外界媒界公認為俄羅斯立在21世紀算起數到乃界個撐世面個人。

Vladimir Putin

箇篇文章個標題用個是普通閒話個譯名。

來勒2014年個烏克蘭問題高頭，普京一徑採取強硬個功情。相幫克里米亞共和國從烏克蘭獨立，並且併入俄羅斯。2015年10月，普京督告派出飛機，轟炸伊斯蘭國個勢力，並公開幫襯敘利亞巴沙爾政權。弗過，根據報道，伊個交關轟炸是針對敘利亞反政府武裝個。

信仰

普京自家講從小吃著伊姆媽個影漸勢，成為東正教個信徒。當仔俄羅斯總統以後，普京常樁頭裡參加教會禮拜活動，做場勢邪氣橫勒勢介。並好幾趟參加平安夜彌撒搭復活節彌撒。還自家到仔耶路撒冷個聖墓教堂朝拜基督耶穌個受難處。弗過，也有講法認為，伊想着借東正教聚攏來俄羅斯老百姓個民氣，成為伊拉心裡向搭老底子沙皇差仿弗多個角色。

對得同性戀個功情

普京認為同性戀拉弗好撥伊拉平權咾，覺着箇個是違背禮體個。立在伊撥辣重新選為俄羅斯總統個後首，隔手推動立法，立在國家位處向，禁壓「薦揚非傳統性關係」。^[1]有觀點認為，普京迭個做品，為仔人口長期負增長帶來個過激出應，撥勒LGBT團體搭仔國際人權組織喫排頭，認為普京違反俄羅斯伊歇《公民權利搭政治權利國際公約》及歐洲安全搭合作組織對人權搭基本權界個承諾^[2]。

相關領導人

• 內塔尼亞胡，以色列政客，搭普京相互對眼，並建立攻守同盟。
• 習近平，中國國家主席，搭普京邪氣要好。
• 奧巴馬，前美國總統。搭普京關係交關推板。
• 埃爾多安，暗地裡向個伊斯蘭國個土耳其獨裁者，2015年11月24號，下令擊落俄羅斯飛機，搭普京關係緊張。2015年12月2號，普京宣布伊既經捏牢仔伊搭伊斯蘭國穿連襠褲子個「證據」。
• 亞歷山大·格里戈里耶維奇·盧卡申科，白俄羅斯多年專權個總統，搭普京關係邪氣好。
• 金正恩，朝鮮最高領袖，一徑對普京示好，弗過有常時會得防普京一腳。
• 安倍晉三，日本首相，搭普京立在北方四島位處上向有攪軋，弗過立在其他問題上向，是伊主動向普京示好。

別樣主題

• 德米特里·梅德韋傑夫