弗拉基米尔·普京

弗拉基米尔·弗拉基米罗维奇·普京（俄语：Влади́мир Влади́мирович Пу́тин，1952年10月7号生），乃兴任俄罗斯个总统，伊是俄罗斯第5、9任总理、第3－4、6－7任总统。前克格勃高官。普京乃朝已经离婚，弗过立在公开场化，还荐扬伊是东正教信徒。伊还是统一俄罗斯党个党魁。畀外界媒界公认为俄罗斯立在21世纪算起数到乃界个撑世面个人。

Vladimir Putin

个篇文章个标题用个是普通闲话个译名。

来勒2014年个乌克兰问题高头，普京一径采取强硬个功情。相帮克里米亚共和国从乌克兰独立，并且并入俄罗斯。2015年10月，普京督告派出飞机，轰炸伊斯兰国个势力，并公开帮衬叙利亚巴沙尔政权。弗过，根据报道，伊个交关轰炸是针对叙利亚反政府武装个。

信仰

普京自家讲从小吃着伊姆妈个影渐势，成为东正教个信徒。当仔俄罗斯总统以后，普京常桩头里参加教会礼拜活动，做场势邪气横勒势介。并好几趟参加平安夜弥撒搭复活节弥撒。还自家到仔耶路撒冷个圣墓教堂朝拜基督耶稣个受难处。弗过，也有讲法认为，伊想着借东正教聚拢来俄罗斯老百姓个民气，成为伊拉心里向搭老底子沙皇差仿弗多个角色。

对得同性恋个功情

普京认为同性恋拉弗好拨伊拉平权咾，觉着个个是违背礼体个。立在伊拨辣重新选为俄罗斯总统个后首，隔手推动立法，立在国家位处向，禁压“荐扬非传统性关系”。^[1]有观点认为，普京迭个做品，为仔人口长期负增长带来个过激出应，拨勒LGBT团体搭仔国际人权组织吃排头，认为普京违反俄罗斯伊歇《公民权利搭政治权利国际公约》及欧洲安全搭合作组织对人权搭基本权界个承诺^[2]。

相关领导人

• 内塔尼亚胡，以色列政客，搭普京相互对眼，并建立攻守同盟。
• 习近平，中国国家主席，搭普京邪气要好。
• 奥巴马，前美国总统。搭普京关系交关推板。
• 埃尔多安，暗地里向个伊斯兰国个土耳其独裁者，2015年11月24号，下令击落俄罗斯飞机，搭普京关系紧张。2015年12月2号，普京宣布伊既经捏牢仔伊搭伊斯兰国穿连裆裤子个“证据”。
• 亚历山大·格里戈里耶维奇·卢卡申科，白俄罗斯多年专权个总统，搭普京关系邪气好。
• 金正恩，朝鲜最高领袖，一径对普京示好，弗过有常时会得防普京一脚。
• 安倍晋三，日本首相，搭普京立在北方四岛位处上向有搅轧，弗过立在其他问题上向，是伊主动向普京示好。

别样主题

• 德米特里·梅德韦杰夫