日本投降

日本投降是讲1945年8月15号大日本帝国宣布无条件投降，外加勒该年9月2号举行投降仪式还正式签字投降，到该辰光第二次世界大战宣告结束。1945年7月，日本海军实际浪已经呒没办法继续执行作战任务，同时同盟国也弗断实施东京大轰炸还开始策划打进日本去个没落行动。虽然军事参议官会议做头头个日本政府公开表示原归打算继续坚持搭同盟国打仗，但必过日本高层也开始私底下拜托保持中立国立场个苏联谈判和平个事体，巴望好尽可能争取日本和平投降过后还勒垃有利个谈判地位。但必过同时辰光，苏联还按照俚勒德黑兰会议搭雅尔塔会议当中答应畀美国搭英国个事体，开始准备计画攻击日本勒海外布署个部队。

1945年9月2号勒美军中将理查德·萨瑟兰个监督下头，由日本外务大臣重光葵勒垃停勒东京湾的密苏里号浪代表日本政府签《降伏文书》，边浪搭重光葵帮忙个人是一淘做日本代表个加濑俊一。

1945年8月6号搭8月9号，美军分别勒广岛市搭长崎市厾原子弹。另外一方面苏联勒8月8号夜快决定单方面废脱《日苏中立条约》，还根据《雅尔塔协定》个约定准备展开八月风暴行动。1945年8月9号半夜过后，已经朝日本宣战个苏联军队穷快打进日本个殖民地关东州、搭仔管满洲地区个傀儡政权满洲国等。该两个冲击造成功8月14号辰光，昭和天皇决定要求军事参议官会议接受美国、英国、中国搭苏联《波茨坦公告》当中签好个停战协定，外加通过驻瑞士搭瑞典的大使馆来朝盟军发放消息。经过交关趟幕后谈判搭未遂政变过后，昭和天皇勒8月15号日本标准时间中浪12点钟朝日本全国用录音广播个方式发表《终战诏书》，宣布日本政府决定遵守同盟国集团个无条件投降个要求^[1]。

8月28号，驻日盟军总司令开始接管政权还占领日本，接下来同盟国集团就开始展开仔一系列战后改革计画，当中勒1947年5月3号公布仔新个《日本国宪法》。9月2号上半日10点钟，包括日本、美国、中国、苏联、英国、澳大利亚、加拿大、法兰西共和国临时政府、荷兰搭新西兰代表勒垃停勒东京湾个美国军舰密苏里号战舰浪举办投降仪式，日本政府官员勒该搭签仔《降伏文书》，正式结束第二次世界大战当中双方个军事行动。勒第二次世界大战结束过后，同盟国平民搭部队开始庆祝第二次世界大战对日战争胜利纪念日^[2][3]。必过有点还勒亚洲搭太平洋岛浪向自家打仗个日本指挥官搭军事人员原归继续坚持打仗，甚超至于一直到1970年代为止阿末几个士兵勒晓得战争结束个消息过后再宣布投降。自从日本宣布投降过后，历史学家也开始辩论针对平民厾原子弹个伦理道德问题。必过日本搭西方同盟国是勒1952年4月28号个辰光，由包括日本勒里向个48个国家一淘签仔《旧金山和约》并且生效过后，再正式从法律层面浪结束互相个战争关系；同时辰光日本也结束仔7年长个同盟国军事占领状态，重新恢复日本个主权行使能力。到仔1956年个辰光，日本政府再另外搭苏联签仔《日苏共同宣言》结束两国个战争状态。