真北路

真北路勒垃中國上海市普陀區西部，是条南北走向个道路，路高头是上海中環線高架。民国21年（1932年）一二八战争个辰光，國民革命軍十九路军勒垃当年2月底修仔箇条路，伊辰光南起北新泾，北到杨家桥，老底子是条土路。民国24年（1935年）曾计划拓宽改造，必过呒没成功。中華人民共和國成立仔么，拓宽到11米，改造成煤屑路。1964年，南段改走新造个北新泾桥到苏州河南面隻北翟路丄。1967年改造成沥青混凝土路面。1985年，曹安路望北路面拓宽到40.5米，北段改道穿真北路立交桥仔么再望北延伸到真南路^[1]。