真北路

真北路勒垃中國上海市普陀區西部，是條南北走向個道路，路高頭是上海中環線高架。民國21年（1932年）一二八戰爭個辰光，國民革命軍十九路軍勒垃當年2月底修仔箇條路，伊辰光南起北新涇，北到楊家橋，老底子是條土路。民國24年（1935年）曾計劃拓寬改造，必過嘸沒成功。中華人民共和國成立仔麼，拓寬到11米，改造成煤屑路。1964年，南段改走新造個北新涇橋到蘇州河南面隻北翟路丄。1967年改造成瀝青混凝土路面。1985年，曹安路望北路面拓寬到40.5米，北段改道穿真北路立交橋仔麼再望北延伸到真南路^[1]。