真耶稣教会

真耶穌教會，是基督教新教五旬節教派個一支，由中國人 張靈生（原名彬）搭魏保羅（原名恩波）勒1917年創始，勒中國北京設立教會。箇個教會認為別個各個教派對《聖經》個解釋儕有錯誤，所以渠拉個目標是更正箇眼錯誤，拿渠拉認為拯救萬民個真福音傳遍世界，乃麼好迎接耶穌再來。今朝主要分布勒上海, 台灣、新加坡、香港搭仔中國各地。

十大信條

1. 信聖靈: 信受聖靈是得天國基業個憑據，並拿講靈言作為受聖靈個明證。
2. 信浸禮: 信水浸是免罪再生個典禮，要叫已經受過水靈兩浸者，奉主耶穌聖名，勒拉活水當中畀受浸者低下頭個全身浸禮。
3. 信洗腳禮: 信洗腳禮是搭主有分個，搭仔教訓相愛、聖潔、謙卑、服事、饒恕個典禮。對每一個受浸者，要奉主耶穌聖名撥俚汏腳一趟，至於講相互之間汏腳，必要辰光也是好個。
4. 信聖餐禮: 信聖餐是為仔紀念天主個死，一道領受主個肉、主個血，搭主聯合，好得着永生，是勒拉末日復活個典禮。要常莊舉行，必過板定要用一個無酵餅搭仔葡萄汁舉辦。
5. 信安息日: 信安息日（禮拜六）為神賜福個日腳。要勒恩典之下紀念創造搭仔救贖個恩，還要巴望下世人生永遠安息而遵守個。
6. 信耶穌: 信耶穌是道成肉身，為拯救有罪個人代死勒勒十字架浪向，第叄日復活、升天；渠是人唯一個救主，天地個主宰，獨一個真神。
7. 信聖經: 信新/舊約聖經是神暗底里頒布，是證明真道個唯一根據，搭仔信徒生活個準則。
8. 信得救: 信得救是歸因於一種恩典，也是因為信仰。但搿個必須依靠聖靈追求聖潔、實踐經訓，敬神愛人。
9. 信教會: 信本教會是耶穌基督借晏雨聖靈再設立個，為仔復興使徒時代個真教會。
10. 信審判: 信主耶穌肯定會勒世界末日，從天降臨，審判萬民；義人得永生，惡人受永刑。

五大基本教義

五大基本教義為：洗禮、洗腳禮、聖餐禮、安息日搭聖靈。

• 洗禮。渠拉認為洗禮除開象徵搭耶穌同死、同葬、同復活等意義外，也含有赦罪、重生、成聖搭得救個實質功效。由於教會提倡「一神觀」，故只奉耶穌個名為信徒施洗。勒受洗時，主張信徒以面朝下個低頭方式全身浸入水中。
• 洗腳禮。聖職人員要奉主耶穌個名為信徒行一次洗腳禮。渠拉主張洗腳禮是對主個愛搭謙卑服事個表現，從而「搭主有分」。
• 聖餐禮。每年舉行次數不限。
• 安息日。渠拉認為勒禮拜六，個咾崇拜勒搿天舉行。安息日是神勒萬物造好個辰光設立個。
• 聖靈。主張真正個教會必須得着聖靈個浸。教會認為神所應許個聖靈分兩次賜下：頭一趟勒使徒時代個聖靈稱為「秋雨」（或「早雨」）；第二趟則勒末世主再臨前賜下，稱為「春雨」（或「晚雨」）。唯有切望受聖靈個人才有神個生命。受了聖靈個信徒禱告時，會講方言，還會震動身體。

外部連結

• 真耶穌教會
• 真耶穌教會歷史史跡考