翔殷路

翔殷路是上海市杨浦区北部一条干道，中环线一部分，东起军工路，西到五角场，全长2975米，宽19米到36米。

翔殷路1922年修个，因为伊横跨引翔、殷行故咾叫个个名字，伊个辰光路包括五角场以西个邯郸路，总长5630米，宽7米到25米。1929年，上海市政府通过《大上海计划》，个𡍲变成新市区，根据计划，1931年到1932年，配合第一届全国运动会勒垃上海江湾召开，陆续开辟去上海公共租界个黄兴路、其美路，连同淞沪路，形成五角场环岛。上海市政府又勒垃伊东面修虬江码头，1936年完成第一期工程。1939年，东洋人改名明治通。1941年改名共存路、共荣路。1946年恢复翔殷路原名。1947年西段用美国空军中国战区参谋长魏德迈叫伊魏德迈路（Wedemeyer Road），1950年伊变成邯郸路。2002年7月，翔殷路拓宽到36米。