江湾五角场

江灣五角場，通稱五角場（上海話拼音：hhngokshan，發音：[ɦǹ̩kőʔzã᷆]）,來勒上海市區東北角個楊浦區，是四平路、黃興路、翔殷路、淞滬路搭邯鄲路5條幹道個交匯處。因此地原屬寶山縣江灣鄉，故咾叫江灣五角場。

五角場地標

歷史

民國初年，五角場一帶是上海江灣鎮東面個荒野，行政浪是上海縣引翔鄉、寶山縣殷行搭江灣分別管一部分。上海建市以後，伊分別屬於引翔區、江灣區、殷行區^[1]。

1920年代，復旦大學搬到箇面。^[2]

1930年代，上海市政府為了同租界競爭，勒拉黃浦江下游開闢新區，修仔交交關關路，5條幹道就是伊個辰光修個，形成交通樞紐。根據孫中山《建國大綱》，上海特別市政府勒拉1929年通過「大上海計劃」，拿箇面當新上海市中心區。抗戰前勒拉五角場個東北方造出市政府、博物館、圖書館等中國古典式建築，搭江灣體育場。

抗戰個辰光，日本人勒拉箇面造有恆產株式會社（現南京政治學院分院）等。後些來變成文教區，附近有國防醫學院搭繼承伊校址個中國人民解放軍海軍軍醫大學、復旦大學邯鄲校區搭江灣校區、同濟大學、上海財經大學、上海體育學院、中國人民解放軍南京政治學院分院，加浪長海醫院等。

1990年代以後，5條幹道交匯處附近陸續開仔一批商店^[3]。

現狀

現在個楊浦五角場是上海市敲定個上海十大商業中心之一，同徐家匯、四川北路、淮海路、中山公園等商業中心齊名。現在個五角場跟「徐家匯繁華商業副中心」，「浦東花木高尚居住副中心」，「普陀真如交通樞紐副中心」一淘排拉「上海四大城市副中心」里向，提供現代化高端商業服務，是北上海旗艦型高端商業中心。五角場還同復旦大學、同濟大學等高校合作，形成校區、知識產業園區、現代生活區同商業區融拉一淘，相互呼應發展個綜合模式化城市副中心。

江灣歷史文化風貌區

江灣歷史文化風貌區規劃範圍是中原路－虬江－黑山路－政通路－國和路－翔殷路－黃興路－國權路－邯鄲路－淞滬路－閘殷路－世界路－嫩江路圈起來個大幅，總面積有457公頃（當中核心保護範圍有63.5公頃）^[4]。

參見

• 五角場鎮→長海路街道
• 五角場街道