西德

居篇文章主要是介紹1949年-1990年間存在勒今朝德國西半部、以西德之簡稱撥大家所熟事個德意志聯邦共和國，對於1990年兩德統一之後個同名國家，相關介紹請倷參考德國一文。

德意志聯邦共和國，簡稱西德或聯邦德國（德文：Bundesrepublik Deutschland或非官方縮寫BRD）建立勒1949年5月23號，其初期範圍包括二戰後由英國、美國搭法國一道占領個德國領土。勒1990年兩德統一還都到柏林之前，西德個首是勒勒鮑爾（Bonn）。而除落德國西許個領土之外，東德境內、德國原本個首都柏林市區西半部勒勒當時辰光也屬於西德領土，由於西柏林全境儕撥勒東德包圍，使得渠變成功一個孤立勒許別個國家境內個飛地。

歷史

第二次世界大戰納粹德國戰敗，根據戰時波茨坦會議（Potsdam Conference）英、美、法、蘇四國個秘約，決定勒德國戰敗之後拿其一分成四分別由四個戰勝國占領，並且合組一個頂高管理單位同盟管理議會（Allied Control Council，ACC）來治理德國事務。尚況由於理念浪個兩樣，勒戰後以美國為主個西方陣營搭以蘇聯為主個共產陣營慢慢叫茄門，1948年3月份個辰光，美、英、法三國勒倫敦舉行會議，初步決議要拿三國分別管理個德國領土合併，組成一個德國西部個政權，針對搿點蘇聯方面作出反制，首先是退出ACC，再進而宣布着手設立一個東德政權個計劃。

但直接導致東西德分離個導火線，是發生勒1948年6月20號，西方占領區境內個貨幣重整計劃。當時西方三國占領區內原本分開發行個貨幣進行仔整合動作，但卻排除蘇聯占領區，發行所謂個西德馬克，而蘇聯占領區也勒短短三日以後發行東德馬克，象徵東西德正式分離。東西德分離之後，東德方面曾勒1948年中開始，對用西德馬克個西柏林地區進行封鎖，為期11個號頭，希望通過此舉達到完全控制整個柏林地區個目的，但卻勒西方國家持續以空運方式所進行個柏林空運支持下頭朆實現。勒柏林封鎖解除（1949年5月12號）之後朆有多少辰光個5月23號，西德（德意志聯邦共和國）宣布正式成立。而東德方面也勒同年個10月7號宣布正式成立以德意志社會主義統一黨（Sozialistische Einheitspartei Deutschlands，SED）一黨專政個社會主義共和政體。

西德於1955年5月8號加入北約，相對個，由蘇聯扶植、共黨主政的東德（德意志民主共和國）則加入華沙條約組織，使得東西德個交界成為兩大對壘陣營個頂前線，冷戰個焦點。

勒1989年11月9號柏林牆倒落之後，兩德勒1990年10月3號重新統一成一個國家。1991年3月15號，四個占領國正式放棄對其占領權。統一後個德國保留原本屬於西德所使用個德意志聯邦共和國之名稱作為存續國家命名，因此除脫視為是一個分裂狀態下頭個獨立國家之外，勒某個方面來講西德也好撥看成功是今朝個德國勒歷史浪個一段時期。

相關條目

• 東德
• 德國
• 德國歷史