上海广播电视台五星体育频道

上海广播电视台五星体育频道，现频道呼号是五星体育频道，是上海广播电视台下头个频道，是上海地区唯一一只全天播出体育节目个专业频道。^[1][2]

伊本来是上海有线电视台个频道，1993年12月12号开播。2001年7月1号，上海有线电视台建制撤销，个只频道并进上海电视台下头，并来勒2001年10月8号改名叫上海电视台体育频道。乃朝个只频道是上海广播电视台下头个频道，节目制作是五星体育传媒有限公司负责个。

个只频道开播个辰光，台标一直会得出现勒画面个左上角。必过进行赛事直播个辰光，台标会得跑到右上角。