南浦站（上海市）

南浦火车站勒垃上海市徐汇区龙华地区兆丰路200号，是座已经拆脱个综合一等站，停脱前负责管理松江火车站等客运站^[1]搭仔部分货运站。

拆脱前个南浦站

历史

上海南站货场卫星地图（1966年）

南浦火車站清光緒三十三年（1907年）造个，伊辰光叫日晖港货栈，是伊辰光上海地区唯一自家有专用码头个火车站，主要做黃浦江丄个貨物裝卸，搭上海南站分別负责沪杭铁路个貨運、客運。1908年4月20号，沪杭铁路头一部上海南站到松江站个客车开行，上海南站、日晖港站正式開通。民國廿六年，八一三事變爆發，日本人轰炸上海南站，日暉港貨棧接收貨運搭仔小部分客運业务，改名日暉港站。1958年改名上海南站，1978年开始因为新客站，上海南站接收原上海東站个水陸聯運等貨運業務。^[2]1983年，上海南站个浦江码头进行大规模改造，码头好停排水量2000吨级个货轮。

2000年1月份，新上海南站造好，故咾箇站改名南浦站。^[3][4]:2282005年5月16号，原松江车务段、金闵支线铁路车站划畀南浦直属站管理^[5]。

因为南浦站勒垃2010年上海世界博覽會規劃展區範圍里向，故咾2009年6月28号车站关脱，货场设备搭仔直属站整建制搬去闵行站^[6]。

另见

• 上海西岸