江苏历史

江蘇地域是中華民族誕生個搖籃之一。三千年來，經濟文化都處於中國個前列。江蘇省會南京號稱六朝古都，十朝都會，做過十二個朝代個都城，一直被視為中華正朔。「無錫」作為吳文化個發源地，「蘇州」作為吳文化最為代表城市，名揚海外。而境內個揚州、徐州勒歷史高頭也曾經是各割據政權個首都。

名稱由來

清朝康熙六年（公元1667年）,江南省分為「江蘇（包括上海）」搭安徽，江蘇（包括上海）始建省，省名取江寧府脫蘇州府名第一字為江蘇。箇就是江蘇名稱的由來。

上古時期

勒上古時代，江蘇南部遠離華夏古文明個中心陝西、河南，山西等，有著異於華夏古文明個文化。黃淮、江淮一帶地區是古代民族淮夷個家鄉。蘇錫常地區屬跨湖橋-馬家浜-松澤-良渚-馬橋文化。（參見：跨湖橋文化、馬家浜文化、松澤文化、良渚文化、馬橋文化。）南京，鎮江地區屬湖熟文化。

中國傳說歷史里向個華夏始祖，五帝之一帝堯。傳說出生勒三阿個南面（今江蘇高郵縣西北或天長市高郵湖區附近）。^[1]

周朝時，江蘇脫中原地區個接觸增多，勒江蘇南部興起了吳國 （定都姑蘇，乃朝蘇州），是春秋五霸之一。後吳國被越國所滅。越滅吳後一度遷都琅玡，後因琅玡被齊國攻破，遷都姑蘇（乃朝蘇州市）。

春秋戰國

春秋末期，吳國勒國王壽夢辰光成為強國，勒前484年擊敗來勒乃朝山東個北方強國齊國，稱霸中原。前473年，吳國被來勒乃朝浙江北部個越國所滅，前333年，越國又被西面個強國楚國所滅，最終秦國勒前221年消滅所有對手，形成統一個中國。

秦朝，西楚搭漢朝

• 秦漢之際，項羽曾以此西楚為國號，號稱西楚霸王，但未正式稱帝。 西楚以今朝江蘇淮安楚州為中心，範圍大概是今蘇北搭皖北;而最大城市彭城（今江蘇徐州市）以東到海被稱為東楚；楚國歷史上個中心，江陵到壽春被稱為南楚。楚漢之爭後項羽失敗自刎，漢朝建立。

• 漢初勒江浙一帶設立同姓諸侯國荊國，後「上患吳會稽個輕憚」（漢高祖劉邦害怕吳地、會稽個人不服從渠個皇權），於是派遣劉濞為吳王，統治（或者說鎮壓）今朝江蘇淮河以南搭浙江大部分地區。（實際上劉濞統治會稽郡、丹陽郡、廣陵郡個大部分地區）然而劉濞狼子野心，後來渠發動七國之亂，叛亂失敗後逃往勒拉今朝浙江省溫台地區個東甌國，然而東甌懼於漢朝壓力殺了劉濞，劉濞個兒子又逃往勒拉今福建省個閩越國（東越國），並且鼓動閩越王進攻曾殺害渠父親個東甌。後東甌畀閩越所滅，漢朝幫助東甌移民遷勒江淮之間個廬江郡（今朝屬安徽）。

六朝

三國辰光，江蘇南部屬吳國 (222年－280年)。中部搭北部屬曹魏。317年，西晉遭受北方游牧民族侵略，漢族 貴族逃亡到江南，勒建康(今南京)先後建立起東晉搭隨後個4個朝代 (南朝，420年－589年)。江北地區則成為南北進行拉鋸戰個場所，時而屬於南方，時而又屬於北方。