浦东1号2号航站楼站

浦東1號2號航站樓站，本名浦東國際機場站，2024年9月21號改個名字^[1]。伊垃拉上海浦東國際機場一期東面，連接機場航站樓，是上海磁浮示範運營線搭上海軌道交通2號線個終點站，還是上海軌道交通市域線機場聯絡線個一座地下車站。

浦東1號2號航站樓站站廳垃拉1號搭2號航站樓中間二層，搭兩座航站樓6座長150米個廊道相連，步行辰光約5分鐘。磁浮搭地鐵車站站廳分列拉中間廊道個左右兩側。市域機場線則出站換乘，預留國鐵跨線業務。