Pang-chān:丘逢甲
From Wikipedia, the free encyclopedia
Remove ads
丘逢甲（1864年12月26號 — 1912年2月25號），客儂。佇福建省臺灣府淡水廳銅鑼灣（今苗栗縣銅鑼鄉竹森村）出世，籍貫彰化縣。是清朝官員、詩人、教育家佮革命家。
 |
Chit phiⁿ bûn-chiuⁿ ū Pe̍h-ōe-jī ê pán-pún. Chham-khó chit phiⁿ bûn-chiuⁿ ê Pe̍h-ōe-jī pán-pún. |
.svg){kind=link}
.svg){kind=link}
.svg){kind=link}
.svg){kind=link}
Remove ads
生平
丘逢甲佇同治三年（1864年）佇福建省臺灣府淡水廳苗栗堡銅鑼灣（今臺灣苗栗縣銅鑼鄉竹森村、客庄）出世。因為拄仔好是甲子年，所以號做逢甲。丘逢甲祖籍佇廣東嘉應州鎮平（今廣東蕉嶺），籍貫福建省臺灣府彰化縣猫霧東上堡東勢角。
自細漢伊着誠巧，𪜶老爸丘龍章着安排伊去三角仔呂氏筱雲山莊讀冊。十四歲考院試考牢第一名[1]，得着巡撫丁日昌兮賞識，呵咾伊是「東寧才子」；25歲去福州考試，佮呂汝修仝年考牢。隔年（光緒十五年 / 1889年），到北京考試，考牢進士。仝年夆任命佇工部做官，毋過丘逢甲無想欲佇京師做官，着講「爸母老矣需要照顧」，轉來臺灣。轉來以後別儂請伊教冊，丘逢甲捌去臺中「衡文書院」教冊，後來閣佇臺南佮嘉義舉辦新式學仔。
旋去廣東、參加反清
光緒二十年（1894年），甲午戰爭爆發。隔年，清軍拍輸，李鴻章佮日本簽訂《馬關條約》，共臺灣割予日本，臺灣儂足憤慨，丘逢甲嘛寫文予清朝政府反對割讓。條約行氣了後，丘逢甲提議成立民主國，引𤆬紳士共旗仔、璽佮總統印仔挈予巡撫唐景崧，閣贊聲義軍反抗。5月23號，唐景崧發表《臺灣民主國獨立宣言》。5月25，臺灣民主國成立，年號「永清」，唐景崧出任總統，劉永福做大將軍，李秉瑞做軍務大臣，丘逢甲是副總統兼團練使，扞頭義勇軍。[2]唐景崧駐守臺北，丘逢甲佇南崁設兵。[3]
5月29，日軍登陸，占領基隆，守軍拍𣍐過。6月4號，總統唐景崧坐德國兮船旋去廈門。丘逢甲知影了後，感覺欲趕走日本儂是無可能兮代誌，着𤆬規家伙仔旋去廣東嘉應州。[4]離開臺灣進前閣寫詩：「 宰相有權能割地，孤臣無力可回天；扁舟去作鴟夷子，回首河山意黯然。」這亇詩佇丘逢甲過身十外冬了後，𪜶囝丘念臺才共公布。
丘逢甲走去大陸了後，佇廣東繼續教冊、設立新式學仔。
丘逢甲後來積極支持反清兮革命活動。宣統三年（1911年），武昌起義爆發，中國足濟省嘛共響應，廣東宣佈獨立，胡漢民做都督。丘逢甲夆選做代表，選舉孫文做中華民國臨時大總統。
民國元年（1912年），丘逢甲積勞成疾，請假轉去南方。2月25，佇廣東鎮平縣（今梅州市蕉嶺縣）員山里過身，遺言講落土兮時陣愛向南方，因為伊猶閣掛念臺灣。[5]丘逢甲出葬兮時，幾若千儂攏咧哭。
Remove ads
作品
- 《嶺雲海日樓詩鈔》，包含《蟄庵詩存》、《柏莊詩草》、《羅浮遊草》、《元夕無月》
紀念
1961年佇臺灣中部起一間大學紀念丘逢甲，號做逢甲工商學院。1961年，學校正式創建佇臺中市北屯區大坑（今中臺科技大學校址），大坑原本是丘逢甲𪜶阿兄丘先甲開發徛起兮所在，墓仔埔嘛佇遐，丘逢甲嘛捌蹛過遮。後來逢甲工商學院徙去西屯區，1980年改做逢甲大學。
2006年5月，丘逢甲佇廣東兮故居予中華人民共和國國務院公布做全國重點文物保護單位[6]。
丘逢甲兮墓仔埔到今閣佇咧，佮逢甲紀念亭攏是梅州市文物保護單位。𫝛時，佇梅州閣有逢甲大道、逢甲大橋、逢甲冊房等來紀念丘逢甲。[7]
軍艦
- 中華民國海軍有對美國買兮軍艦以丘逢甲來號名。
歷史評價
好評價
歹評價
- Bi-long（美濃）舉人林金城（捌佇Bi-long、六堆佮日軍戰鬥兩擺），寫過聯對評價丘逢甲：
| “ | ” |
關於溜旋
關於敢有歪哥
Remove ads
趣事
光緒三年（1877年）丘逢甲佇臺灣府考院試，考官是福建巡撫丁日昌。傳說丘逢甲第一亇交卷，丁日昌自按呢注意着伊，着問伊的名姓、年紀；拄仔好丘逢甲生佇甲子年，閣號做逢甲，着講出：「甲年生甲子。」丘逢甲馬上着對出：「丁歲遇丁公。」（因為彼冬是丁丑年，考官閣姓丁）。丁日昌着共講：「免等閱卷，嘛知影你會使考牢。」院試放榜，丘逢甲果然考牢第一名[24]。
相關文章
註跤
參考
外部連結
Wikiwand - on
Seamless Wikipedia browsing. On steroids.
Remove ads