Pang-chān:臺灣民主國
Ûi-ki Mûi-thé éng-kiú liū ia̍h-bīn From Wikipedia, the free encyclopedia
Remove ads
臺灣民主國是1895年5月25佇臺灣成立个共和國。彼當陣拄當清國根據《馬關條約》共臺灣割予日本，日本欲來佔臺灣个時。
 |
Chit phiⁿ bûn-chiuⁿ ū Pe̍h-ōe-jī ê pán-pún. Chham-khó chit phiⁿ bûn-chiuⁿ ê Pe̍h-ōe-jī pán-pún. |
.svg)
1895年10月21，日軍拍入去臺南，臺灣民主國滅亡，攏總才百五工。
臺灣民主國个成立，只是欲趕走日本儂爾爾，毋是真正欲獨立。這款講法對年號、旗仔佮𪜶發个公告、銅線批攏看會出來。年號「永清」，意思著是「『永』遠效忠『清』國」，𪜶个旗仔嘛是對應著清國个黃龍旗造出來个。
Remove ads
歷史
背景
1894年，清國佮日本發生甲午戰爭，清國拍輸，佇日本馬關簽訂《馬關條約》，共規个福建臺灣省割予日本。臺灣儂知影了後反對這个決定，毋過清國政府無插𪜶，煞舉薦前臺灣巡撫唐景崧做總統，成立臺灣民主國。
建立民主國
5月15，唐景崧發佈《臺民布告》，大意是講：「阮臺灣已經予清國統治200外冬矣，竟然欲
臺灣儂閣發銅線批予清國个一寡官員：
伏 查 臺灣 為 朝廷 棄 地 ，百姓 無 依 ，惟 有 死 守 ，據 為 島國 ，遙 戴 皇靈 ，為 南洋 屏蔽 。（翻譯：臺灣這馬是朝廷無愛个所在，百姓無物件通依靠，只好死守臺灣，成做一个島國來幫助清國守護南洋）
乙未戰爭
- 詳細請看：乙未戰爭
5月29日，日軍佇澳底（
6月初3拍敗个兵退入去臺北，造成紛亂。6月初4欲暗仔，總統唐景崧化妝做阿婆，紮錢溜旋出去。6月初6，唐景崧坐德國个船鴨打號（Arthur），對淡水走去廈門。有儂著因為按呢共彼工講做是臺灣民主國滅亡个日子。6月初7，副總統丘逢甲知影唐景崧已經離開臺灣了後，嘛決定綴伊走路，紮十萬兩銀角仔个緣金[1]走去廣東嘉應。6月11日，艋舺士紳迎接日本軍入去臺北城。𫝛時，軍務大臣、義勇軍大統領無欲放棄繼續備戰。
6月19日，日軍開始南下欲拍桃園、新竹。22號前鋒部隊佔領竹塹城時，開始受著客儂个反抗[2]。另外，佇三角湧日軍嘛受著在地儂个突襲，死傷百外儂。
6月26日，賰个儂佇臺南舉薦民主國大將軍劉永福做第二任大總統，首都牽去臺南，號做「南都」，總統府設佇大天后宮。為著趁著經費，甚至捌發行銀票佮切手。學者共劉永福佇臺南建立个政權號做「臺南共和」（Tainan Republic）[3][4][5]或者「第二共和」（Second Republic）[6]。
8月底，兩爿攏各自佇八卦山附近集合。27號，日軍開始砲擊八卦山个抗日軍陣地。29號半暝開始進攻，經過八點鐘个戰鬥，佇彼工下早八點提著勝利。這是乙未戰爭上大个會戰，號做「八卦山之役」。
因為戰況無想个遐爾仔好，日軍增加軍隊，佇嘉義布袋佮屏東枋寮登陸。10月初3起，開始攻佔臺灣南部逐个城市。
10月11日，嘉義嘛予日軍佔去，劉永福知影無法度抗日矣[7]，著叫鄭超英守安平、柯月坡守炮臺，並且分兵駐紮佇罾門溪頂頭[8]。 10月16日，日軍攻擊旗後炮臺，守護炮臺个將軍劉成良（劉永福个義子）佮𪜶互相砲擊兩點外鐘，炮臺予日本儂佔去，伊著走去臺南。10月18日，日軍行甲臺南。鄭青佇二層行溪對抗𪜶，聽著劉已經走路了後，著共橋用斷退入去山內[8]。
滅亡
鎮守臺南个劉永福嘛佮臺北个唐景崧、臺中个丘逢甲仝款猶未拍著走路矣。 10月20日，劉永福看無希望矣，著佮義子劉成良坐英國商船「爹利士輪」（Thales）走去廈門。逐家人心惶惶, 攏欲坐船去廈門，臺南城內規个亂操操。
10月21日辰時，在地士紳陳修五、吳道源請英國牧師巴克禮、宋忠堅等等去佮日軍交涉，巴克禮佮教徒提英國國旗，佇暗時前往軍營，𤆬日軍和平入城，日軍對小南門順利入去臺南城，民主國正式滅亡。
Remove ads
研究佮評論
英語名
| 臺灣 |
 |
概況
|
|---|
藝術
|
地理
|
 臺灣主題 |
「臺灣民主國」所用个英語名是「The Republic of Formosa」。後來劉永福𤆬頭个「第二共和」政府是用「The Taiwan Republic」這个名[9]。
毋過，佇英語文獻內底，逐家對「民主國」用个翻譯著足濟無仝个所在，除了「The Republic of Formosa」[10]佮「The Taiwan Republic」[3] [4][11]以外，嘛有「The Formosan Republic」[12]、「Republic of Taiwan」[13]佮「The Formosan Democratic Republic」[14]。
臺灣民主國个切手翻做「Formosan Republic」[15]。
亞洲第一個共和國个疑義
臺灣民主國个出現比仝款是共和國个中華民國早16冬，著
另外，比臺灣民主國晏3冬，佇菲立賓嘛有仝款活
各界對民主國个看法
對這个佇臺灣歷史上捌存在一下仔个政權，逐个學者對伊个本質一直有無仝个看法。
第一，全世界大多數个學者，看起來攏強調這个「共和國」个「人為性（artificiality）」。𪜶認為民主國是清朝官方佮臺灣官員用來提著國際支持、欲予日本放棄攻佔臺灣个作法，繼續維持𪜶對清國个忠心。有學者著講：「臺灣民主國
第二，較支持中國民族主義个儂，認為民主國是中國儂對抗日本帝國主義个其中一个運動。為著強化𪜶臺灣主權屬於中國个結論，𪜶定定會強調「抗日運動」內底个「中國性（Chineseness）」。賴建國著對「民主國」个看法是：「臺灣民主國个政治地位，是屬於清朝或者中國下跤个，無俱備獨立个地位；伊是一種過渡性个組織爾爾，臺灣還予中國个任務完成了後，伊著會家己結束。」
嘛有一寡支持臺獨个學者个看法佮頂懸講个相𫝛。史明認為：「『臺灣民主國』个宗旨雖然是講欲獨立建國，但是，伊所代表个思想，無一定佮臺灣在地儂相合……𪜶个政治目標嘛無脫離清國統治之下个封建中國。」另外，王育德嘛認為臺灣民主國个獨立宣言格調無懸，主要是宣言內底个「恭奉正朔，遥作屏籓」這句，予伊懷疑民主國敢是真正欲獨立。
嘛有支持臺獨个學者，共民主國看做一个「事實（de facto）」獨立个國家，共伊囥佇臺灣儂對十七世紀以來反抗異族統治个狀況來解釋[18][19]。黃昭堂著認為，佮臺灣歷史上進前个政治運動比起來，臺灣民主國有下跤个三个特點：
Remove ads
註解
參考文獻
外部連結
註跤
Wikiwand - on
Seamless Wikipedia browsing. On steroids.
Remove ads