Pang-chān:林子偉

From Wikipedia, the free encyclopedia

Remove ads

林子偉武崙語Tahai Isliduan1994年2月15出世),是臺灣兮職業野球選手,捌佇美國職棒波士頓紅襪仔紐約大都會小聯盟、獨立聯盟長島鴨[1]中華職棒台鋼雄鷹效力,這馬佇中華職棒樂天桃猿,守備位置是內野手外野手,有較濟守備位置,所以佇美國兮時嘛捌以家私儂兮身分爭取上場兮機會。

Quick facts 林子偉, 樂天桃猿 – No. 15 ...
Quick facts 得到兮獎, 男子野球 ...

另外伊嘛是統一7-ELEVEn獅球員林岱安兮叔伯小弟、富邦悍將球員蕭憶銘兮阿舅。

Remove ads

生涯

林子偉捌得着IBAF 2010年最佳青棒球員[2]。佇2010年世界青棒錦標賽得着MVP、打擊王、得分王佮最佳守備獎。佇2012年佮美國職棒波士頓紅襪仔簽約,包含4萬美金兮學費攏總209萬美金[3][4]

波士頓紅襪仔

2017年6月24,紅襪仔因為內野手Josh Rutledge [en]着傷,對2A予林子偉上大聯盟,成做臺灣第13位𬦰 (peh)起哩大聯盟兮球員,並且佇彼工對戰洛杉磯天使兮比賽,九局上半接替捕手Christian Vázquez [en]擔任代走[5],是佇大聯盟頭一擺出賽。6月29,擔任先發二壘手,第二擺佇大聯盟先發,單場摃出2支安打,包含生涯頭一支長打(三壘安打)[6]。7月3號,擔任先發游擊手,單場敲出三支安打、走轉來兩分,是臺灣頭一个佇大聯盟單場三安兮球員。7月4號擔任先發九番三壘手,面對德州遊騎兵日籍先發投手達比修有。林子偉單場三支安打,拍出佇大聯盟生涯兮頭兩分打點,嘛走出大聯盟生涯頭一擺偷壘成功,紅襪仔落尾以11:4拍敗遊騎兵。7月14,伊對原底兮73號改做5號,是紅襪仔隊史第35位穿5號球衫兮球員,前一位是游擊手Nomar Garciaparra

2018年9月21,林子偉面對印地安儂摃出生涯頭一轟,是隔11年了後閣一擺有臺灣球員佇大聯盟摃出ホンブラン (hőng-bú-láng),頂擺是2007年佇 Dodgers 兮胡金龍,林子偉嘛是佇郭泓志佮胡金龍了後,第三位摃出ホンブラン (hőng-bú-láng)兮臺灣選手。

2019年,林子偉佇開季兮時先佇3A,後來因為有儂着傷兮關係,林子偉佇4月捌轉去到大聯盟。因為球隊內底干焦有兩个捕手,伊嘛有予前捕手Jason Varitek訓練,成做緊急第三捕手[7]。2020年8月14,佇紅襪仔對戰光芒兮比賽內底頭一擺以捕手身份上場。

2020年10月26,予紅襪仔囥佇40人名單外口,並且佇11月2號成做自由球員[8][9]

接續球隊/聯盟

2020年12月3號,佮明尼蘇達雙城簽落小聯盟合約。並且佇2021年4月23𬦰 (peh)起哩大聯盟[10]。2022年落去小聯盟了後,2月因為着傷規季報銷,季後成做自由球員,加入紐約大都會小聯盟了後佇8月12予大都會釋出,閣一擺成做自由球員,並且佇後來加盟獨立聯盟長島鴨,2022年10月18去到澳洲職棒奧克蘭 Tuatara,2023年2月22閣轉去長島鴨[1]

台鋼雄鷹

2023年7月3號,林子偉正式宣布參加彼年兮選秀會。7月12選秀會頂懸,林子偉佇頭一輪得着台鋼雄鷹第一指名,成做彼年兮選秀狀元。

樂天桃猿

2023年8月10號,林子偉予台鋼雄鷹交易去樂天桃猿,換來王溢正翁瑋均藍寅倫三个選手佮旅日選手王柏融兮契約權[11][12]。8月16,林子偉正式加盟樂天桃猿,簽落2年4.5個月兮合約,合約攏總有3100萬,月給超過百萬。8月19,林子偉佇樂天桃園野球場頭一擺佇中職上場比賽,先發六番游擊手,有兩支安打,另外閣有一擺失誤[13][14]

Remove ads

職棒生涯成績

美國職棒

More information 年度, 球隊 ...

中華職棒

More information 年度, 球隊 ...
Remove ads

成棒國手經歷

參考資料

外部連結

Loading related searches...

Wikiwand - on

Seamless Wikipedia browsing. On steroids.

Remove ads