Pang-chān:胡金龍

From Wikipedia, the free encyclopedia

Remove ads

胡金龍1984年2月2日出世),是佇臺灣臺南市出世兮野球選手,這馬佇中華職棒統一7-ELEVEn獅效力。胡金龍捌佇美國拍球,是臺灣第5个𬦰 (peh)去哩大聯盟兮球員,𫝛時嘛是大聯盟史上姓兮字母上少兮球員(Hu)。2012年年底轉來臺灣參加中華職棒選秀會,予義大犀牛揀着,成做中職24年兮選秀狀元,並且予義大犀牛揀做隊長,閣共佇美國早着咧舉辦兮「菜鳥日」引入來臺灣[1]。佮佇美國兮時陣無仝,佇中華職棒兮時主要是做外野手抑是指定打擊。胡金龍捌佇2015到2018年做第四屆中華職棒球員工會理事長,佇2016年義大犀牛賣掉了後成做富邦悍將球員[2][3]。2021年尾予富邦悍將釋出了後佮統一7-ELEVEn獅簽約,成做統一獅兮球員。

Quick facts 胡金龍, 統一7-ELEVEn獅 – No. 51 ...
Remove ads

生涯

胡金龍佇高中兮時着已經拍了誠好,讀南英商工兮伊逐年攏入選青棒代表隊,有一擺亞洲青棒賽佮兩擺IBA世界青棒賽兮出賽紀錄。高中一年兮胡金龍主要擔任二壘手,二年了後去補sia̋n-pái陳江和兮位置擔任游擊手,嘛捌插花仔做投手,球速會當超過140 km/h,閣投出𣍐 ()䆀兮成績,予伊捌煩惱過欲做野手抑是投手。

旅美時期

2002年胡金龍高中畢業,加入野球名校文化大學,以 (it)年球員兮身份成做先發球員,擔任一番游擊手。仝年11月,洛杉磯 Dodgers佮胡金龍簽落合約,臺灣文化大學嘛以交換學生兮方式協助伊解決兵役問題。伊嘛是美國職棒洛杉磯 Dodgers簽兮第三个臺灣選手(頭兩个是陳金鋒郭泓志),嘛是第二位臺灣野手

Thumb
洛杉磯 Dodgers小聯盟時期。

野球美國 [en]》佇2003年到2006年,連紲四冬共胡金龍選做洛杉磯 Dodgers 小聯盟系統兮最佳防守游擊手,而且伊打擊率嘛誠懸。

Thumb
2007年,佇洛杉磯 Dodgers時期。

2007年佇小聯盟明星賽 [en]得着單場MVP,並且夆選做 Dodgers 2007年度小聯盟兮最佳球員。9月1號,胡金龍正式成做頭一位𬦰 (peh)去哩美國職棒大聯盟兮臺灣內野手。仝一日,伊佇 Dodgers 佮San Diego 教士兮比賽內底上場代打,一打數無安打,成做第二位佇大聯盟出賽兮臺灣野手(頭一位是陳金鋒)。9月11,佇面對San Diego 教士隊兮比賽當中上場代打,摃出大聯盟生涯頭一支安打佮孤分hőng-bú-láng。

Thumb
洛杉磯 Dodgers 時期,上場摃球兮胡金龍。
Thumb
2009年,胡金龍佇洛杉磯 Dodgers 大聯盟春訓。

2010年12月28,Dodgers 因為游擊區長期予明星球員Furcal [en]佔咧,閣加上胡金龍本身打擊能力較䆀,着共伊交易去大都會隊。

Thumb
2011年,佇紐約大都會時期。

2011年開季兮時捌入去25儂名單,但是因為打擊較䆀兮關係,佇5月17比賽結束了後夆放落去,並且佇球季結束了後夆釋出。後來伊去到澳洲野球聯盟 Adelaide 鯊魚隊,向望通予大聯盟球探注意着。

Thumb
Cleveland Indians時期

2012年1月13佮Cleveland Indians簽落小聯盟兮合約,3月27本底欲交易去費城儂,但是落尾佇29號取消交易,予Cleveland Indians釋出。

Thumb
胡金龍佇Cleveland Indians大聯盟春訓打擊練習。

中職時期

2013年轉來臺灣加盟中華職棒,予義大犀牛揀着,是中華職棒24年兮選秀狀元。

Thumb
義大犀牛時期兮胡金龍

2014年佮2015年,連紲兩冬得着「安打王」佮「打擊王」,其中2014年球季閣得着「最佳十人獎倒外野手」。2015年除了創造中職上少場次300安佮400安兮紀錄以外,嘛達成個人200得分佮300場出賽,閣佇國慶日彼工佇延長賽十局下摃出再見滿壘全壘打(中職史上第7儂),8月6號閣達成完全打擊(中職史上第10儂、本土第7儂)。

2016年季初兮時佮陽冠威高孝儀做伙完成中職史上第五擺兮「連紲3打席摃出hőng-bú-láng」(Back-to-Back-to-Back),嘛用中職上緊兮速度完成個人500安。

2020年4月18,佇桃園國際野球場對戰樂天桃猿,八局上面對林柏佑拍出生涯第1000支安打,並且用出賽704場、3062打席、2809打數成做中職上緊達成1000安兮紀錄(原紀錄是林益全兮744場、3168打席、彭政閔兮2838打數)。

2022年1月4號,統一7-ELEVEn獅正式宣布佮伊簽落一年兮合約。2025年胡金龍宣佈欲佇這年球季結束了後引退。

Remove ads

成棒國手經歷

職棒生涯成績

美國職棒佮澳洲職棒

小聯盟、獨立聯盟佮澳洲聯盟

  • 小聯盟平均打擊率/上壘率/長打率分別是0.296/0.339/0.412,攏總有901支安打,其中47支是hőng-bú-láng。
  • 佇獨立聯盟佮澳洲聯盟攏總拍出123支安打,其中7支是hőng-bú-láng。

大聯盟

More information 年度, 球隊 ...

中華職棒

  • 粗烏字是彼年上好抑上懸兮成績)
More information 年度, 球隊 ...

爭議事件

  • 2020年6月25,有網友佇PTT分享一个私人群組號做南英商工野球隊校友會兮截圖,內底有一个口座號做Clhu15兮儂留話講:「共富邦拍佮糜糜卯卯換總兮!各位校友加油!」夆認為是富邦悍將球員胡金龍。經紀公司發表聲明講雖然截圖內底兮是胡金龍本儂兮口座,但是彼是胡金龍兮小弟用伊兮手機仔發兮,胡金龍兮小弟嘛已經敲電話予南英陳献榮教練佮富邦悍將總教練洪一中會失禮[4][5]。毋過隔日胡金龍隨夆放落去二軍[6],閣予球團規个冷凍起來,禁止伊隨隊佮參加球隊任何活動,一直到2021年2冬兮合約行了球季結束了後離開富邦。

參考資料

外部連結

Loading related searches...

Wikiwand - on

Seamless Wikipedia browsing. On steroids.

Remove ads