Pang-chān:林安可
From Wikipedia, the free encyclopedia
Remove ads
林安可（1997年5月19出世）是臺灣臺南市出身兮職業野球選手，這馬佇中華職棒統一7-ELEVEn獅，捌擔任過投手，守備位置是外野手。
 |
Chit phiⁿ bûn-chiuⁿ ū Pe̍h-ōe-jī ê pán-pún. Chham-khó chit phiⁿ bûn-chiuⁿ ê Pe̍h-ōe-jī pán-pún. |
Remove ads
生平
林安可兮阿爸是臺灣儂，阿母是阿根廷儂，佇國小四年兮時加入野球隊。三級野球時期投打攏有誠好兮表現，進入文化大學了後主要擔任投手，嘛足期待會當以投手兮身份去國外發展。2018年11月捌去日本接受日本職棒東北樂天金鷲兮測試，但是落尾因為體檢無過無法度簽約[1]。
2019年7月佇中華職棒季中選秀會內底予統一7-ELEVEn獅以第一輪第四位揀入去，仝月着完成簽約[2]，雖然以投手身分報名，但是因為半季加盟，所以先擔任右外野手為主，「投打二刀流」着佇隔年球季才欲試。9月20因為一軍打席數已經接近新人王兮資格，加上球隊戰績悽慘佮季後賽無緣，着夆放落去二軍來保留後一季兮資格。
2020年對春訓開始試看覓「投打二刀流」，但是3月初兮時因為教練團感覺控球佮球速攏通閣改善，猶𣍐當講是稱職兮投手，所以決定予林安可本季專任野手，「投打二刀流」來年才閣挑戰[3]。但是2021年林安可春訓着無閣試二刀流矣，專任野手。
Remove ads
經歷
- 臺南市安南區安慶國小少棒隊
- 臺南市立建興國民中學青少棒隊
- 臺南市私立南英高級商工職業學校青棒隊
- 亞洲青棒錦標賽中華代表隊（2014）
- U-18世界盃野球賽中華代表隊（2015）
- U-23世界盃野球賽中華代表隊（2016）
- 臺北市中國文化大學野球隊（美孚巨人）
- 崇越隼鷹野球隊（2018年－2019年）
- 中華職棒統一7-ELEVEn獅（2019年7月23－）
職棒生涯成績
中華職棒
- （粗烏字是彼年上好兮成績）
特殊事蹟
- 2017年第十九屆梅花旗全國大學野球錦標賽MVP、投手獎。
- 2019年8月11，佇花蓮縣立德興野球場頭一擺先發，面對Lamigo桃猿，守備位置是右外野手。隔日佇仝一个地場再度先發，頭一个打席得着四歹球保送，頭一擺徛去--lih壘包，佇第二打席面對先發投手冠猛拍出生涯頭一个安打。第四打席面對賴智垣摃出左外野方向三分打點兮hőng-bú-láng，是伊生涯第一hong[4]。
- 2019年8月22，佇臺南市立野球場對戰Lamigo桃猿，佇延長賽兮第11局面隊洪聖欽拍出個人職棒生涯頭一支再見安打，予統一7-ELEVEn獅落尾以8比7拍贏Lamigo桃猿[5]。
- 2020年4月30，佇臺南市立野球場對戰中信兄弟，佇五局下面對彭識穎摃出個人職棒生涯頭一支滿壘全壘打。[6]
- 2020年5月1號，臺南市立野球場對戰富邦悍將兮比賽當中，二局下面對對方先發投手Sosa摃出三分砲，連紲四場摃出hőng-bú-láng，佮中職新人紀錄平濟（2016年王柏融）。[7]
- 2020年球季，因為COVID-19兮關係，世界上所有兮職棒賽事攏暫停，干焦中華職棒通繼續比賽，透過全球英語轉播，予世界攏關注着臺灣兮野球，有一半阿根廷血統兮林安可，閣受着阿根廷媒體兮專訪報導。[8]
- 2020年6月20，佇新莊野球場對戰富邦悍將兮比賽當中，摃出個人職棒生涯頭一擺兮單場雙響砲。[9]
- 2020年6月21，佇新莊野球場對戰富邦悍將兮比賽當中，達成個人職棒生涯一場6分打點兮新紀錄，而且連紲兩工單場雙響砲，並且連紲四場摃出hőng-bú-láng。[10]
- 2020年6月27，佇桃園國際野球場對戰樂天桃猿，達成本季第三擺兮單場雙響砲（嘛是近五戰兮第三擺）。[11]
- 2020年7月1號，佇臺南野球場對戰富邦悍將，面對楊彬拍出個人職棒生涯第100支安打。[12]
- 2020年8月6號，佇臺中洲際野球場對戰中信兄弟，八局上面對陳柏豪摃出右外野方向兮滿壘全壘打，是個人生涯（嘛是本季）第2支滿壘全壘打。
- 2020年9月29，佇臺南野球場對戰中信兄弟，面對官大元摃出彼季第30支hőng-bú-láng，嘛創造新人年上濟全壘打兮紀錄（原紀錄是王柏融佇2016年兮29支）。嘛是上少年達成30 hong 兮打者、統一獅頭一位達成一季30 hong 兮本土打者。[13]
- 2020年11月5號，中職臺灣大賽第三場對戰中信兄弟，2局下面對對方先發投手Miranda拍出生涯佇臺灣大賽兮頭一支三壘安打。
- 2020年臺灣大賽對戰中信兄弟，七場比賽攏是先發出賽，拍出全隊上濟兮10支安打，打擊率0.370全隊第二懸，是統一7-ELEVEn獅得着總冠軍兮重要功臣之一。
- 2021年7月21，佇桃園國際野球場對戰樂天桃猿，面對張喜凱拍出個人職棒生涯兮第200支安打。
- 2024年4月12，佇臺南野球場對戰台鋼雄鷹，面對雷公摃出再見滿壘全壘打，是生涯頭一支再見滿壘全壘打。
- 2025年6月28，佇臺南野球場對戰富邦悍將，四局下面對力亞士摃出中外野方向兩分打點兮 hőng-bú-láng，達成生涯百轟[14]。
Remove ads
參考資料
外部連結
Wikiwand - on
Seamless Wikipedia browsing. On steroids.
Remove ads