Pang-chān:潘威倫

From Wikipedia, the free encyclopedia

Remove ads

潘威倫1982年3月5號出世),偏名嘟嘟,是臺灣野球選手,生佇屏東縣蠻蠻鄉,是馬卡道族後裔。伊佇2003年季初選秀會統一獅揀入去,是彼年兮選秀狀元。捌佇中華職棒統一7-ELEVEn獅效力,守備位置是投手。2024年9月29佇臺北大巨蛋引退,結束22冬兮選手生涯,這馬是統一獅一軍兮投手教練。

Quick facts 潘威倫, 統一7-ELEVEn獅 – No. 18 ...
Quick facts 得到兮獎, 男子野球 ...
Remove ads

經歷

特殊事蹟

Thumb
2013年準備欲投球兮潘威倫
  • 2003年3月9號,佇臺南野球場對戰第一金剛兮比賽先發上場,佇伊生涯頭一擺登板着得着頭一
  • 2005年7月1號,佇屏東縣立野球場對戰誠泰COBRAS,得着個人頭一擺中繼成功。
  • 2007年9月21,佇臺南野球場對戰兄弟象,成做中華職棒頭一位單季15連勝兮投手。
  • 2007年10月8號,佇臺南野球場對戰La New熊,得着單季16連勝,是中華職棒連勝兮新記錄(包含迒季)。
  • 2007年球季結束,潘威倫是中華職棒頭一个達成「連紲五冬勝投雙位數」兮本土投手,2010年連紲八冬得着雙位數勝投,是聯盟史上頭一儂。
  • 2008年4月24,佇大埤湖野球場對戰La New熊,得着迒季19連勝,達成個人職棒生涯70勝。
  • 2008年6月18,佇臺中野球場對戰兄弟象,先發五局失3分得着勝投,自2007年3月31以來已經是迒季21連勝,佮韓國職棒兮紀錄平濟,嘛超越日本職棒兮紀錄。這个紀錄到今嘛猶原是中華職棒上濟兮紀錄。
  • 2008年7月10號,佇臺南野球場對戰中信鯨完投9局達成無安打比賽,是中華職棒史上第六位完成兮投手;而且因為無投出任何四死球,所以嘛成做中華職棒史上頭一个投出無四死球無安打比賽兮投手(但是高國慶頭一局發生失誤予槌仔手上壘,無緣成做中華職棒頭一場完全比賽)。
  • 2010年10月3號,佇臺南野球場投七局、失一分,落尾以2:1拍敗兄弟象,得着第100勝,嘛是聯盟史上上少年兮百勝投手。
  • 2010年第十七屆洲際盃出賽兩場,攏總十局無失分得着防禦率王,並且夆選做全明星隊最佳先發投手。
  • 2013年7月20,佇臺南野球場對戰義大犀牛先發,投六局失三分得着勝投,是職棒生涯第109勝,超過勇壯保持兮聯盟紀錄,成做中華職棒史上上濟勝投兮球員。
  • 2015年5月22佇新莊野球場對戰中信兄弟,超過勇壯生涯投球1570局兮聯盟紀錄,成做中華職棒史上投上濟局兮球員。
  • 2016年7月13-9月25,連紲40局無四死球,是中華職棒兮新紀錄。
  • 2017年5月11,佇臺南野球場對戰中信兄弟,第三局面對槌仔手蘇緯達投出三振 (sa̋n-sín),是生涯第1000擺三振 (sa̋n-sín),嘛是中華職棒本土投手頭一儂。
  • 2019年9月8號,佇臺中洲際野球場對戰中信兄弟兮比賽得着第142勝,正式成做臺灣職棒史上上濟勝投兮選手。
  • 2019年9月19,佇桃園國際野球場對戰Lamigo桃猿,第一局面對槌仔手廖健富投出三振 (sa̋n-sín),是生涯第1100擺三振 (sa̋n-sín),嘛是中華職棒本土投手頭一儂。
  • 2022年6月5號,佇臺北天母野球場對戰味全龍,六局下登板面對槌仔手曾陶鎔投出第30000球,是中職頭一个投球數有30000球兮選手。
  • 2024年4月20,佇臺南野球場對戰富邦悍將2.2局無失分得着勝投,共上濟勝投兮紀錄增加到149勝,可惜一直到9月29引退攏無法度得着第150勝。
Remove ads

成棒國手經歷

職棒生涯成績

中華職棒

  • 粗烏字是彼年上好抑上懸兮成績)
  • 粗紅字是聯盟歷史內上好抑上懸兮成績)
More information 年度, 球隊 ...
Remove ads

趣事

潘威倫佮歌手大支生甲足成,除了捌佇球隊舉辦兮草地音樂會內底佮大支做伙表演以外[1],閣佇2018年佇大支兮音樂作品《臺南 / Tainan》內底插花仔[2]

參考資料

外部連結

Loading related searches...

Wikiwand - on

Seamless Wikipedia browsing. On steroids.

Remove ads