Pang-chān:林益全
From Wikipedia, the free encyclopedia
Remove ads
林益全（1985年11月11日出世），原底號做「林育呈」，嘛夆叫做「臺灣神全」，是臺灣兮野球選手，高雄市湖內區儂，這馬佇中華職棒統一7-ELEVEn獅效力，守備位置是一壘手，捌得着誠濟擺金手套獎；佇國際賽兮表現嘛足穩定兮，有真懸兮打擊率。2015年9月，佇嘉南藥理科技大學畢業，得着學士學位。
 |
Chit phiⁿ bûn-chiuⁿ ū Pe̍h-ōe-jī ê pán-pún. Chham-khó chit phiⁿ bûn-chiuⁿ ê Pe̍h-ōe-jī pán-pún. |
Remove ads
生涯
林益全捌佇2005年亞洲野球錦標賽、2005年世界盃野球賽、2006年洲際盃野球賽、2007年世界盃野球賽佮2008年夏季奧運野球最終資格排名賽等等兮國際比賽內底入選臺灣代表隊，閣佇2005年亞洲野球錦標賽內底得着全壘打王。
因為彼當陣職棒問題真濟，林益全退伍兮時本底無想欲加入職棒，並且閣講「佇遮（職棒），我看無未來」[1]，後來經過彼陣領隊劉志昇兮拜訪溝通了後，林益全才答應加盟興農牛[2]。2007年12月27中華職棒2008年新儂選秀會內底，佇第一輪第一指名予興農牛揀走，成做彼冬兮選秀狀元[3][4]。毋過因為兵役兮問題，林益全佇2008年球季無法度佇一軍拍球，愛做一冬兮代訓選手，佇2009年球季才會當正式成做一軍兮選手[5]。
伊佇新儂球季規季120場出賽，拍出169支安打、33支二壘安打、113打點、92得分、打擊率0.348兮成績，攏是新儂兮紀錄，18支 hőng-bú-láng 嘛佮原底兮紀錄平濟，單季169安嘛是本土球員兮紀錄。因為新儂年兮優異表現，林益全成做中華職棒史上第一位得着年度MVP兮野手新儂。
2013年得着第二个年度MVP，是第一位得着兩个年度MVP兮野手。隔年得着年度MVP，是第一位連紲兩冬得着年度MVP兮野手，伊兮三个年度MVP嘛是職棒史上第一。
2013年義联集團接手球隊了後，林益全主動爭取50萬月給，後來創辦人林義守答應予伊45萬、50萬、55萬「平均50萬」三冬兮合約[6]，2017年閣得着新頭家富邦月給75萬兮兩冬合約[7]。
2022年12月9號，予富邦悍將囥佇60儂名單外口，隔年1月19加入統一7-ELEVEn獅。
Remove ads
經歷
特殊事蹟
- 林益全佇2004年高中三年兮時雄雄夆要求用木槌仔，彼年伊着佇青棒菁英大賽用木槌仔摃出2支 hőng-bú-láng，是臺灣史上第一个用木槌仔摃出 hőng-bú-láng 兮青棒球員[8]。
- 2009年7月9號佇臺南市立野球場對戰統一7-ELEVEn獅，面對中繼投手曾翊誠摃出生涯第100支安打，以62場出賽/271打席/249打數成做單季上少場、聯盟佮新儂上緊100安兮紀錄。（超過2008年黃龍義65場兮紀錄，嘛超過韓國職棒64場100安兮紀錄；原本上緊百安兮新儂是1993年時報鷹曾貴章出賽78場、上少打席兮紀錄是1996年路易士佮2004年彭政閔兮298打席、上少打數兮紀錄是2004彭政閔兮247打數。）
- 2009年10月12球季上尾一戰佇臺中野球場對戰統一7-ELEVEn獅，總教練徐生明刁工無共伊安排佇先發名單內底，等有儂上壘了後着換林益全予伊打點王兮機會，結果佇一局上着把握彼个機會，拍出超過La New熊 Ngayaw Ake' 111分打點兮新紀錄。
- 2010年4月23佇新竹野球場對戰統一7-ELEVEn獅，8局上敲出生涯第200支安打，以142出賽/625打席/577打數分別拍破本土上少出賽200安（味全龍林易增150場）佮聯盟上少打席/打數200安兮記錄（羅偉653打席、595打數）
- 2012年5月10號佇臺中野球場對戰兄弟象拍出完全打擊，是中華職棒史上第八位完成這个紀錄兮球員，另外嘛是第一位上尾一支安打是一壘安打兮達成者。
- 2012年6月3號佇臺中洲際野球場對戰Lamigo桃猿，面對投手摩爾，敲出中外野方向兮二壘安打，是生涯第500支安打，干焦用4年374場比賽、1584打席、1450打數着達成矣，超過曾貴章佇1997年兮375場比賽，嘛超過陳冠任1636打席、彭政閔1456打數兮紀錄。
- 2012年雖然個人成績優異，但是因為球隊戰績傷䆀，最後無入圍 MVP，伊嘛佇面冊頂懸表達不滿[9]。
- 2013年7月12，佇大埤湖野球場對戰兄弟象，佇九局上落後17分，總教練徐生明予伊佮投手林正豐換守備位置，達成生涯第1場投手出賽，完成一個出局數，攏總投出一个保送，無失分，上緊兮球速來到139KM/h。
- 2015年7月18，佇大埤湖野球場對戰中信兄弟，6局下面對先發投手林英傑敲出生涯第1000支安打，以744場完成千安，拍破亞洲職棒兮紀錄。過去中職上緊完成千安兮是Lamigo桃猿 Ngayaw Ake' 兮837場，亞洲職棒兮紀錄是日本野球選手鈴木一朗佇日本職棒烏力士猛牛兮時拍出來兮757場，韓國職棒兮紀錄是李鍾範兮779場。
- 2015年8月23，佇大埤湖野球場對戰Lamigo桃猿，義大犀牛舉辦徐生明總教練感恩日活動，9局下林益全面對投手林柏佑，摃出生涯頭一支再見 hőng-bú-láng，落尾2：3義大勝利，後來林益全嘛共這粒 hőng-bú-láng 兮球送予徐生明
𪜶 某謝榮瑤。 - 2015年9月19，佇桃園國際野球場對戰Lamigo桃猿，一局上摃出一支滿壘 hőng-bú-láng。毋但是伊生涯第100支 hőng-bú-láng，嘛是伊個人生涯頭一支滿壘 hőng-bú-láng。
- 2017年3月底，予隊友林哲瑄佇迷眾頁發文暗詼伊守備無積極（彼篇文後來已經刪除），引發風波佮球迷兮討論[10]。
- 2021年9月4號，佇桃園國際野球場對戰樂天桃猿，一局上面對陳冠宇摃出生涯第200支 hőng-bú-láng，是中職第三个達成兮選手[11]。
- 2024年8月14，佇嘉義市立野球場對戰味全龍兮比賽，七局下面對陳禹勳敲出生涯第2000支安打，是中職第3位達成兮球員。
職棒生涯成績
中華職棒
- （粗烏字是彼年上好抑上懸兮成績）
- （粗紅字是聯盟歷史內底上好抑上懸兮成績)
投球成績
Remove ads
參考資料
外部連結
Wikiwand - on
Seamless Wikipedia browsing. On steroids.
Remove ads