Aluken Fanu

Aluken Fanu^[1]（1987 nî 5 goe̍h 15 chhut-sì ）^[2], Hàn-miâ Tiuⁿ Chì-hô (張志豪), sī Tâi-oân A-bí-cho̍k ê iá-kiû soán-chhiú, bo̍k-chiân tī Tiong-hôa Chit-pāng Tiong-sìn Hiaⁿ-tī tūi, siú-pī ūi-tì sī gōa-iá-chhiú, it-lúi-chhiú, sī chêng chit-pāng kiû-oân Tiuⁿ Chèng-úi ê chek-peh-sió-tī, mā sī Bī-choân Liông táⁿ-kek kàu-liān Tiuⁿ Thài-san ê ti̍t-á, gōe-seng sī Sim Êng-hông, piáu-sió-tī sī Tiuⁿ Chó͘-un, sī Tâi-tang Iôⁿ--ka ê sêng-oân chi-it. Tiuⁿ Chì-hô seng-gâi phah-chhut 68-ki sam-lúi an-táⁿ, sī Tiong-hôa Chit-pāng bo̍k-chiân siōng chē--ê.

Pún bûn-chiuⁿ sī koan-hē Tâi-oân ê iá-kiû-oân. Chhōe kî-thaⁿ kāng-miâ ê lâng, khòaⁿ Tiuⁿ Chì-hô.

Aluken Fanu Tiuⁿ Chì-hô (張志豪)
Tiong-sìn Hiaⁿ-tī – No. 7
gōa-iá-chhiú, it-lúi-chhiú
Chhut-sì: 1987 nî 5 goe̍h 15 ji̍t （1987-05-15）(38 hòe)  Tiong-hôa Bîn-kok Tâi-tang-koān Tang-hô-hiong
Táⁿ-kek: tò Tâu-kiû: chiàⁿ
Chho͘-chhù chhut-sài
2010 nî 3 goe̍h 20, tī Hiaⁿ-tī Chhiūⁿ
Seng-gâi sò͘-kì thóng-kè (chì 2024 nî ûi-chí)
Táⁿ-kek-lu̍t	0.275
An-táⁿ	1240
Choân-lûi-táⁿ	179
Táⁿ-tiám	731
Thau-luí	149
Tūi-ngó͘
Hiaⁿ-tī Chhiūⁿ (2010－2014) Tiong-sìn Hiaⁿ-tī (2014－)
Seng-gâi cheng-chhái piáu-hiān kah ti̍t-chióng
Tiong-hôa Chit-pāng nî-tō͘ chóng-koan-kun: 2010, 2021, 2022, 2024 Tiong-hôa Chit-pāng Choân-lûi-táⁿ-ông: 2018 Tiong-hôa Chit-pāng Thau-luí-ông: 2012 Tiong-hôa Chit-pāng Chòe-ka 10-jîn Chióng (gōa-iá-chhiú): 2017 Tiong-hôa Chit-pāng Kim-chhiú-thò Chióng (gōa-iá-chhiú): 2013, 2017, 2018, 2019 Tiong-hôa Chit-pāng tan-goe̍h MVP: 2020/05, 2023/06 Tiong-hôa Chit-pāng Bêng-chheⁿ-sài: 2010～2019, 2023 Tiong-hôa Chit-pāng Bêng-chheⁿ-sài MVP: 2011, 2019 Tiong-hôa Chit-pāng nî-tō͘ Chòe-ka Bí-ki Chióng: 2015 Tiong-hôa Chit-pāng chóng-koan-kun-sài Iu-siù Kiû-oân-chióng: 2017, 2019 Tiong-hôa Chit-pāng sú-siōng tē-19-ūi kòng-chhut 100-ki hőng-bú-láng ê soán-chhiú (2019 nî 4 goe̍h 13 ta̍t-sêng) Tiong-hôa Chit-pāng sú-siōng tē-7-ūi oân-sêng chhian-an pah-hong pah-thau ê soán-chhiú (2020 nî 5 goe̍h 16 ta̍t-sêng)

Seng-gâi bat chham-ka kòe 3-pái soán-siù, tē-1-kái sī 2007 nî-té ê thè-tāi-e̍k soán-siù-hōe, hō͘ Tiong-sìn Keng tī tē-4-lûn kéng-tio̍h. Āu--lâi Bí-te̍k-a Pō-liông hőng tû-miâ kah Tiong-sìn Keng kái-sàn, éng-hióng tio̍h Tiuⁿ Chì-hô phah chit-pāng ê ì-goān, sui-jiân La New Hîm tī tē-2-kái soán-siù － 2009 nî ê te̍k-pia̍t soán-siù-hōe lāi-té í tē-3-lûn kéng tio̍h Tiuⁿ Chì-hô, tān-sī i iá-sī koat-tēng kè-sio̍k-tī gia̍p-î phah-kiû.^[3]2009 nî té, Hiaⁿ-tī Chhiūⁿ chóng-kàu-liān Tân Sūi-chín chhin-sin pài-hóng sòe-ho̍k i liáu-āu, Tiuⁿ Chì-hô chiah tap-èng chham-ka tē-3-kái soán-siù^[4], lo̍h-bóe tī tē-2-lûn hō͘ Hiaⁿ-tī Chhiūⁿ (chit-má--ê Tiong-sìn Hiaⁿ-tī) kéng-tio̍h.

Keng-le̍k

• Tâi-tang-koān Thài-goân Kok-sió Siàu-pāng-tūi
• Tâi-tang-koān Thài-goân Kok-tiong Chheng-siàu-pāng-tūi
• Ko-hiông-chhī Ko-oán Kang-siong Chheng-pāng-tūi
• Kok-li̍p Tâi-oân Thé-io̍k Ūn-tōng Tāi-ha̍k Iá-kiû-tūi
• Ha̍p-chok Kim-khò͘ Iá-kiû-tūi
• Tiong-hôa Chit-pāng Tiong-sìn Keng tāi-hùn kiû-oân
• Ha̍p-chok Kim-khò͘ Iá-kiû-tūi
• Tiong-hôa Chit-pāng Hiaⁿ-tī Chhiūⁿ (2010 nî 1 goe̍h 4 hō－2014 nî 1 goe̍h 4 hō)
• Tiong-hôa Chit-pāng Tiong-sìn Hiaⁿ-tī (2014 nî 1 goe̍h 5 hō－)

Sêng-pāng Kok-chhiú Keng-le̍k

• 2015 nî Sè-kài Iá-kiû 12-kiông Sài Tiong-hôa-tūi
• 2017 nî Sè-kài Iá-kiû Keng-tián-sài Tiong-hôa-tūi
• 2019 nî Sè-kài Iá-kiû 12-kiông Sài Tiong-hôa-tūi

Chit-pāng Seng-gâi Sêng-chek

• (Chho͘-o͘-jī sī hit1-nî siōng-koân ia̍h-sī siōng-hó ê sêng-chek)

Nî-tō͘	Kiû-tūi	Chhut-sài	Táⁿ-sò͘	An-táⁿ	Hőng-bú-láng	Táⁿ-tiám	Tit-hun	Thau-luí	Sì-sí	Sa̋n-sín	Lúi-táⁿ-sò͘	Siong-sat	Táⁿ-kek-lu̍t	Chiōⁿ-lúi-lu̍t	Tn̂g-táⁿ-lu̍t	OPS
2010	Hiaⁿ-tī Chhiūⁿ	107	264	67	1	25	36	13	23	67	99	0	0.254	0.314	0.375	0.689
2011		106	379	113	3	59	79	21	46	75	161	12	0.298	0.371	0.425	0.796
2012		113	405	111	3	43	64	22	48	92	149	7	0.274	0.347	0.368	0.715
2013		103	382	103	3	30	60	13	40	71	141	9	0.270	0.336	0.369	0.705
2014	Tiong-sìn Hiaⁿ-tī	112	401	105	10	52	52	20	31	73	173	5	0.262	0.312	0.431	0.743
2015		91	327	97	14	45	64	12	31	57	171	3	0.297	0.356	0.523	0.879
2016		70	292	94	17	70	73	7	29	61	176	6	0.322	0.375	0.603	0.978
2017		80	310	93	24	72	63	11	32	86	189	6	0.300	0.363	0.610	0.973
2018		110	384	103	22	61	65	4	31	110	196	2	0.268	0.322	0.510	0.832
2019		109	327	84	26	74	63	10	39	97	166	3	0.257	0.330	0.532	0.862
2020		107	369	110	27	88	66	4	46	78	208	8	0.298	0.373	0.564	1.020
2021		40	144	39	5	24	24	4	20	42	66	1	0.271	0.365	0.458	0.823
2022		42	123	26	3	14	17	1	14	23	39	5	0.211	0.284	0.317	0.601
2023		79	236	58	12	44	34	6	39	67	109	5	0.246	0.348	0.462	0.810
2024		62	175	37	9	30	30	1	25	63	75	3	0.211	0.309	0.429	0.737
Ha̍p-kè	15-tang	1331	4518	1240	179	731	790	149	469	1062	2126	75	0.275	0.343	0.471	0.814

Te̍k-sû Sū-chek

• 2010 nî 3 goe̍h 20 tī Tiong-hôa Chit-pāng 21 nî khai-bō͘-chiàn tùi-chiàn Thóng-it 7-ELEVEn Sai thâu-chi̍t-pái chiūⁿ-tiûⁿ, tam-jīm sian-hoat tē-2-pāng tiong gōa-iá-chhiú, koh phah-chhut chit-pāng seng-gâi thâu-chi̍t-ki an-táⁿ.
• 2010 nî 3 goe̍h 26 tī Sin-tek Iá-kiû-tiûⁿ tùi-chiàn La New Hîm, bīn-tùi tâu-chhiú Koeh Kiàn-hông kòng-chhut móa-lúi hőng-bú-láng, sī i ê thâu-chi̍t-ki hőng-bú-láng.
• 2010 nî 9 goe̍h 11 tī Thian-bú Iá-kiû-tiûⁿ tùi-chiàn Hèng-lông Gû, phah-chhut seng-gâi thâu-chi̍t-ki chài-kiàn an-táⁿ.
• 2010 nî 9 goe̍h 30 tī Thô-hn̂g Kok-chè Iá-kiû-tiûⁿ tùi-chiàn Thóng-it 7-ELEVEn Sai, 7-kio̍k-hā phah-chhut 3-hun táⁿ-tiám ê tiong-gōa-iá sam-lúi an-táⁿ, sī pún-kùi tē-10-ki sam-lúi an-táⁿ, chiâⁿ-chò liân-bêng tē-3-ūi ta̍t-sêng tan-kùi 10-ki sam-lúi an-táⁿ (1996 nî Roa, 2002 nî Lîm Bêng-hiàn) ê soán-chhiú; sin-lâng kiû-kùi 10-ki sam-lúi an-táⁿ sī liân-bêng tē-it lâng.
• 2011 nî 7 goe̍h 25 tit-tio̍h Tiong-hôa Chit-pāng Bêng-chheⁿ-sài MVP。
• 2015 nî 4 goe̍h 16, tī Tâi-tiong Chiu-chè Iá-kiû-tiûⁿ tùi-chiàn Lamigo Thô-oân, phah-chhut 4-ki tn̂g-táⁿ, pau-koat 2-ki sam-lúi-táⁿ, koh ū jī-lúi-táⁿ, choân-lúi-táⁿ kok 1-ki, chha chi̍t-ki it-lúi an-táⁿ tio̍h ē-sái ta̍t-sêng oân-choân táⁿ-kek kì-lo̍k, pēng-chhiáⁿ tit-tio̍h tan-tiûⁿ MVP. Sài-āu hőng mn̄g-tio̍h tī 6-kio̍k-hā phah-chhut tan-tiûⁿ tē-2-ki sam-lúi an-táⁿ ê sî-chūn, kám bat siūⁿ--kòe tī it-lúi thêng lo̍h-lâi oân-sêng oân-choân táⁿ-kek ê kì-lo̍k? Tiuⁿ Chì-hô èng kóng "Bô ha̍p ūn-tōng cheng-sîn ê tāi-chì góa bē chò", hőng hō-chò "chhiau-oa̍t oân-choân táⁿ-kek ê cha-po͘-lâng".^[5]
• 2018 nî 5 goe̍h 4 hō, tī Tâi-tiong Chiu-chè Iá-kiû-tiûⁿ 9-kio̍k-hā tāi-táⁿ, bīn-tùi Thóng-it 7-ELEVEn Sai ê Khu Hō-kun kòng-chhut chi̍t-ki hőng-bú-láng, sī seng-gâi thâu-chi̍t-ki chài-kiàn hőng-bú-láng.
• 2018 nî 6 goe̍h 19, tī Thô-hn̂g Kok-chè Iá-kiû-tiûⁿ bīn-tùi Lamigo Thô-oân, tan-tiûⁿ kòng-chhut 3-ki hőng-bú-láng, sī seng-gâi thâu-chi̍t-pái tan-tiûⁿ saⁿ-hiáng-phàu.
• 2019 nî 4 goe̍h 13, tī Tâi-lâm Chhī-li̍p Iá-kiû-tiûⁿ bīn-tùi Thóng-it 7-ELEVEn Sai ê tiong-kè tâu-chhiú Ông Kèng-bêng, kòng-chhut 400 eng-chhioh ê ko͘-hun choân-lúi-táⁿ, oân-sêng seng-gâi pah-hong, mā chiâⁿ-chò Tiong-hôa Chit-pāng sú-siōng tē-19-ūi kòng-chhut 100-ki hőng-bú-láng ê soán-chhiú.
• 2019 nî 7 goe̍h 28得著Tiong-hôa Chit-pāng Bêng-chheⁿ-sài MVP。
• 2019 nî 8 goe̍h 10 hō, tī Tâi-pak Chhī-li̍p Thian-bú Iá-kiû-tiûⁿ bīn-tùi Hù-pang Hān-chiòng tiong-kè tâu-chhiú Tân Bêng-hian, kòng-chhut pún-kùi tē-20-ki hőng-bú-láng, sī Tiong-chit sú-siōng tē-2-ê liân-sòa 3-ê kiû-kùi lóng 20 hong í-siōng, nā pún-thó͘ kiû-oân i sī tē-1-lâng.
• 2020 nî 5 goe̍h 16, tī Tâi-lâm Chhī-li̍p Iá-kiû-tiûⁿ bīn-tùi Thóng-it 7-ELEVEn Sai sian-hoat tâu-chhiú Roenicke ê sî, tī 4-kio̍k-siōng kòng-chhut chi̍t-ki iū-gōa-iá hong-hiòng ê 2-hun-phàu, sī i seng-gâi tē-1000-ki an-táⁿ, oân-sêng chhian-an, chiâⁿ-chò Tiong-chit tē-7-ūi "chhian-an, pah-hong, pah-thau" ê kiû-oân, mā sī sú-siōng tē-it-ê iōng choân-lúi-táⁿ ta̍t-sêng chhian-an ê kiû-oân.
• 2020 nî 8 goe̍h 9 hō, tī Tâi-tiong Chiu-chè Iá-kiû-tiûⁿ bīn-tùi Lo̍k-thian Thô-oân, chhut-hiān i seng-gâi tē-5-pái ê liân-sòa 2 táⁿ-se̍k hőng-bú-láng.^[6]
• 2020 nî 8 goe̍h 16, tī Thô-hn̂g Kok-chè Iá-kiû-tiûⁿ bīn-tùi Lo̍k-thian Thô-oân sian-hoat tâu-chhiú Carpenter, kòng-chhut pún-kùi tē-20-ki hőng-bú-láng, sī Tiong-chit sú-siōng thâu-chi̍t-ūi liân-sòa 4 ê kiû-kùi 20 hong í-siōng.
• 2023 nî 8 goe̍h 8 hō, tī Thô-hn̂g Kok-chè Iá-kiû-tiûⁿ bīn-tùi Lo̍k-thian Thô-oân kòng-chhut 3-ki hőng-bú-láng, sī seng-gâi tē-2-pái tan-tiûⁿ saⁿ-hiáng-phàu.

Khai-bō͘-chiàn Khí Liân-sio̍k An-táⁿ Tiûⁿ-chhù

• 2016 nî 5 goe̍h 3 hō tī Tâi-tiong Chiu-chè Iá-kiû-tiûⁿ tùi-chiàn Gī-tāi Sai-gû, chhòng-chō khai-kùi liân-sòa 22-tiûⁿ an-táⁿ ê kì-lo̍k, phah-phòa Tēⁿ Hēng-seng ê Soa-hî Chiòng-gāi chiâⁿ-chò Tiong-hôa Chit-pāng ê sin kì-lo̍k.
• 2016 nî 5 goe̍h 22 tī Thô-hn̂g Kok-chè Iá-kiû-tiûⁿ bīn-tùi Lamigo Thô-oân, in-ūi lo̍h-hō͘ ê koan-hē, pí-sài kan-na phah 5-kio̍k tio̍h chhâi-tēng kiat-sok, khai-bō͘-sài khai-sí liân-sio̍k 30-tiûⁿ an-táⁿ ê kì-lo̍k mā tn̄g-khì--ah, khai-kùi liân-sòa 30-tiûⁿ an-táⁿ ê "Chì-hô Chiòng-gāi" chiâⁿ-chò Tiong-hôa Chit-pāng liân-bêng ê sin kì-lo̍k, lēng-gōa tī tan-kùi kì-lo̍k mā kan-na su hō͘ Lamigo Thô-oân Koeh Giâm-bûn ê liân-sio̍k 33-tiûⁿ an-táⁿ niā-niā.^[7]