Chiam Chú-hiân

Chiam Chú-hiân (1994 nî 2 goe̍h 24 chhut-sì ), sī-tī Tâi-lâm-koān chhut-sì ê iá-kiû soán-chhiú, mā hőng kiò-chò "Bûn-hòa Koa Iú-lûn", "Chiam-hông (詹皇)", "Chiam--ê", "Tiong-chit Niô͘ Tiâu-úi"..., táⁿ-kek chìn-chêng iô-kha-chhng-hoe ê chún-pī tōng-chok mā chok ū-miâ. Bo̍k-chiân sī Tiong-hôa Chit-pāng Tiong-sìn Hiaⁿ-tī ê gōa-iá-chhiú. Goân-té bat tam-jīm tâu-chhiú, tān-sī āu-lâi in-ūi tâu-kiû sit-ek-chèng, tī kàu-liān ê an-pâi chi-hā kái liān thûi-á-chhiú,^[1]mā in-ūi Bûn-hòa Tāi-ha̍k Liāu Bín-hiông kàu-liān ê tiâu-chéng, tau̍h-tau̍h-á chiâⁿ-chò bē-bái ê thûi-á-chhiú.

Chiam Chú-hiân 詹子賢
Tiong-sìn Hiaⁿ-tī – No. 39
gōa-iá-chhiú
Chhut-sì: 1994 nî 2 goe̍h 24 ji̍t （1994-02-24）(31 hòe)  Tiong-hôa Bîn-kok Tâi-lâm-chhī An-tēng-khu
Táⁿ-kek: chiàⁿ Tâu-kiû: chiàⁿ
Chho͘-chhù chhut-sài
2016 nî 8 goe̍h 21, tī Tiong-sìn Hiaⁿ-tī
Seng-gâi sò͘-kì thóng-kè (chì 2024 nî ûi-chí)
Táⁿ-kek-lu̍t	0.304
An-táⁿ	788
Choân-lûi-táⁿ	95
Táⁿ-tiám	444
Thau-luí	34
Tūi-ngó͘
Tiong-sìn Hiaⁿ-tī (2016 nî－)
Seng-gâi cheng-chhái piáu-hiān kah ti̍t-chióng
Tiong-hôa Chit-pāng nî-tō͘ chóng-koan-kun: 2021, 2022, 2024 Tiong-hôa Chit-pāng Sin-jîn-ông: 2017 Tiong-hôa Chit-pāng Chòe-ka 10-jîn Chióng (gōa-iá-chhiú): 2019, 2023 Tiong-hôa Chit-pāng Kim-chhiú-thò Chióng (gōa-iá-chhiú): 2020, 2021 Tiong-hôa Chit-pāng tan-goe̍h MVP: 2018/07, 2021/05 Tiong-hôa Chit-pāng Bêng-chheⁿ-sài: 2018, 2019, 2022, 2023 Tiong-hôa Chit-pāng Chóng-koan-kun-sài MVP: 2021

Chiam Chú-hiân

Tit-kàu ê chióng
Tāi-piáu  Tiong-hôa Tâi-pak
Lâm-chú iá-kiû
A-chiu Ūn-tōng-hōe
	2018 nî Jakarta	Thoân-tūi

I tī 2016 kùi-tiong soán-siù hō͘ Tiong-sìn Hiaⁿ-tī tī tē-2-lûn kéng-tio̍h, í 420-bān chhiam-iok-kim, 80-bān kek-lē chióng-kim, chi̍t-nî-pòaⁿ ha̍p-iok téng tiâu-kiāⁿ ka-bêng.^[2]In-ūi Tiong-sìn Hiaⁿ-tī táⁿ-sòaⁿ sī chó-táⁿ khah chē, Chiam Chú-hiân ê ka-ji̍p, hőng jīn-ûi ē-tàng tī táⁿ-sòaⁿ lāi-té cheng-ka chiàⁿ-chhiú kiông-táⁿ. Chêng Hiaⁿ-tī chóng-kàu-liān Ngô͘ Ho̍k-liân mā hi-bāng bī-lâi Chiam Chú-hiân ē-sái kah Khó͘ Ki-hông, Tân Chú-hô téng kiû-oân cho͘-sêng sin-ê táⁿ-sòaⁿ tiōng-sim.^[3]

Keng-le̍k

• Tâi-lâm-koān Siān-hòa-tìn Siān-hòa Kok-sió Siàu-pāng-tūi
• Tâi-lâm-koān Siān-hòa Kok-tiong Chheng-siàu-pāng-tūi
• Tâi-lâm-chhī Lâm-eng Siong-kang chheng-pāng-tūi
• Bûn-hòa Tāi-ha̍k iá-kiû-tūi (Bí-hu Kī-jîn)
• Tiong-hôa Chit-pāng Tiong-sìn Hiaⁿ-tī (2016 nî－)

Sêng-pāng Kok-chhiú Keng-le̍k

• 2017 nî A-chiu Chit-pāng Koan-kun Cheng-pà-sài Tiong-hôa-tūi
• 2018 nî A-chiu Ūn-tōng-hōe iá-kiû pí-sài Tiong-hôa-tūi

Seng-gâi Sêng-chek

Tiong-hôa Chit-pāng

Nî-tō͘	Kiû-tūi	Chhut-sài	Táⁿ-sò͘	An-táⁿ	Hőng-bú-láng	Táⁿ-tiám	Tit-hun	Thau-luí	Sì-sí	Sa̋n-sín	Lúi-táⁿ-sò͘	Siang-sat	Táⁿ-kek-lu̍t	Chiōⁿ-lúi-lu̍t	Tn̂g-táⁿ-lu̍t	OPS
2016	Tiong-sìn Hiaⁿ-tī	15	46	14	2	6	5	0	3	7	21	1	0.304	0.347	0.457	0.804
2017	Tiong-sìn Hiaⁿ-tī	83	277	97	17	60	43	3	27	53	169	4	0.350	0.403	0.610	1.013
2018	Tiong-sìn Hiaⁿ-tī	93	331	93	9	50	42	2	20	64	150	11	0.281	0.318	0.453	0.771
2019	Tiong-sìn Hiaⁿ-tī	111	348	122	26	75	74	6	37	55	222	9	0.351	0.408	0.638	1.046
2020	Tiong-sìn Hiaⁿ-tī	112	420	140	20	80	74	4	54	79	222	12	0.333	0.406	0.529	0.935
2021	Tiong-sìn Hiaⁿ-tī	105	364	100	10	62	36	3	47	55	151	14	0.275	0.356	0.415	0.771
2022	Tiong-sìn Hiaⁿ-tī	72	207	52	2	35	23	5	32	38	72	4	0.251	0.349	0.348	0.697
2023	Tiong-sìn Hiaⁿ-tī	106	349	106	8	48	40	10	58	58	143	8	0.304	0.401	0.410	0.811
2024	Tiong-sìn Hiaⁿ-tī	94	251	64	1	28	18	1	33	59	83	4	0.255	0.338	0.331	0.669
Ha̍p-kè	9-tang	791	2593	788	95	444	355	34	311	468	1233	67	0.304	0.375	0.476	0.851

Te̍k-sû Kì-lo̍k

• 2016 nî 8 goe̍h 26 tī Sin-chng Iá-kiû-tiôⁿ bīn-tùi Gī-tāi Sai-gû tâu-chhiú N̂g E̍k-chì phah-chhut chit-gia̍p seng-gâi thâu-chi̍t-ki an-táⁿ.
• 2016 nî 9 goe̍h 1 hō tī Sin-chng Iá-kiû-tiôⁿ bīn-tùi Thóng-it 7-ELEVEn Sai tâu-chhiú Kang Sîn-àn (āu--lâi kái-miâ chò Kang Sêng-gān) kòng-chhut chit-gia̍p seng-gâi thâu-chi̍t-ki hőng-bú-láng.
• 2017 nî 6 goe̍h 20 tī Sin-chng Iá-kiû-tiôⁿ bīn-tùi Hù-pang Hān-chiòng kòng-chhut chit-gia̍p seng-gâi thâu-chi̍t-pái 3-hiáng-phàu, sī Tiong-hôa Chit-pāng sú-siōng tē-22-ūi, in-ūi kiû-kùi tú-khai-sí ê sî kah Chan Tô-iông, Tân Chú-hô lóng m̄-sī sian-hoat, chū-chheng sī "tāi-táⁿ 3-ki phàu". In 3-ê tī kâng-chi̍t-nî lóng ū tan-tiôⁿ 3-hiáng-phàu ê piáu-hiān, sī Tiong-hôa Chit-pāng sú-siōng thâu-chi̍t-pái^[4]。
• 2017 nî 9 goe̍h 29 tī Chiu-chè Iá-kiû-tiôⁿ bīn-tùi Thóng-it 7-ELEVEn Sai tâu-chhiú Liāu Bûn-iông, kah Tân Chú-hô, Khó͘ Ki-hông ta̍t-sêng sú-siōng siōng siàu-liân ê liân-sòa 3-táⁿ-se̍k hőng-bú-láng^[5].
• 2018 nî 7 goe̍h 17 tī Chiu-chè Iá-kiû-tiôⁿ bīn-tùi Hù-pang Hān-chiòng hiō-oān tâu-chhiú Koeh Hông-chì, kòng-chhut seng-gâi thâu-chi̍t-ki chài-kiàn hőng-bú-láng, ū 3-hun ê táⁿ-tiám; 2019 nî 4 goe̍h 21 Tân-kang-hô ín-thè hit-kang, 11-kio̍k-hā tī Thian-bú Iá-kiû-tiôⁿ bīn-tùi Thóng-it 7-ELEVEn Sai āu-oān tâu-chhiú Chinen Kohya kòng-chhut seng-gâi tē-2-ki chài-kiàn hőng-bú-láng, kāng-khoán ū 3-hun táⁿ-tiám; 2019 nî 6 goe̍h 8 hō tī Chiu-chè Iá-kiû-tiôⁿ, 10-kio̍k-hā bīn-tùi Lamigo Thô-oân hiō-oān tâu-chhiú Ông Io̍k-lîm, kòng-chhut seng-gâi tē-3-ki chài-kiàn hőng-bú-láng, ū 2-hun táⁿ-tiám, mā sī Tiong-hôa Chit-pāng liân-bêng sú-siōng tē-100-ki chài-kiàn hőng-bú-láng.
• 2018 nî 9 goe̍h 1 hō tī À-ūn tâng-pâi-chiàn bīn-tùi Tiong-kok-tūi kòng-chhut 2-hun táⁿ-tiám hőng-bú-láng.
• 2025 nî 6 goe̍h 1 hō tī Tâi-tiong Chiu-chè Iá-kiû-tiôⁿ tùi-chiàn Bī-choân Liông, 7-kio̍k-hā bīn-tùi Koeh Hiok-chèng kòng-chhut tò-gōa-iá hong-hiàng ū nn̄g-hun táⁿ-tiám ê hőng-bú-láng, sī i seng-gâi tē-100-ki hőng-bú-láng, chiâⁿ-chò Tiong-hôa Chit-pāng lāi-té tē-26-ūi ta̍t-sêng pah-hong (百轟) ê kiû-oân.