Tân Chú-hô

Tân Chú-hô (1995-nî 7-goe̍h 29 chhut-sì ), A-bí-cho̍k, sī Tâi-oân Tâi-tang-koān ê lâng, bo̍k-chiân sī Tiong-hôa Chit-pāng Bī-choân Liông ê gōa-iá-chhiú, tī 2013-nî Tiong-hôa Chit-pāng le̍k-sú-siōng ûi-it ê ko-tiong-seng soán-siù tong-tiong hō͘ Hiaⁿ-tī Chhiōⁿ kéng-tio̍h^{[chù 1]}. Mā-sī siōng siàu-liân ta̍t-sêng 100-ki hőng-bű-láng ê iá-kiû soán-chhiú. 2024-nî 12-goe̍h Hêng-sú chū-iû kiû-oân choán-tūi kàu Bī-choân Liông, í 10-nî 1.3-ek ê ha̍p-iok chiâⁿ-chò Tiong-chit sú-siōng thâu-chi̍t-tioⁿ phòa-ek ê ha̍p-iok.

Tân Chú-hô 陳子豪
Bī-choân Liông – No. 1
gōa-iá-chhiú
Chhut-sì: 1995 nî 7 goe̍h 29 ji̍t （1995-07-29）(30 hòe)  Tiong-hôa Bîn-kok Tâi-tang-koān Lo̍k-iá-hiong
Táⁿ-kek: tò Tâu-kiû: tò
Chho͘-chhù chhut-sài
2013-nî 10-goe̍h 13, tī Hiaⁿ-tī Chhiōⁿ
Seng-gâi sò͘-kì thóng-kè (chì 2024 nî ûi-chí)
打擊率	0.288
安打	990
全壘打	131
打點	639
偷壘	42
Tūi-ngó͘
Hiaⁿ-tī Chhiōⁿ (2013-nî 8-goe̍h 31－2014-nî 1-goe̍h 4-hō) Tiong-sìn Hiaⁿ-tī (2014-nî 1-goe̍h 5-hō－2024-nî) Bī-choân Liông (2025-nî－)
Seng-gâi cheng-chhái piáu-hiān kah ti̍t-chióng
Tiong-hôa Chit-pāng nî-tō͘ chóng-koan-kun: 2021, 2022, 2024 Tiong-hôa Chit-pāng Chòe-ka 10-jîn Chióng (gōa-iá-chhiú): 2018 Tiong-hôa Chit-pāng Kim-chhiú-thò Chióng (gōa-iá-chhiú): 2020 Tiong-hôa Chit-pāng tan-goe̍h MVP: 2017/06, 2022/10, 2024/06 Tiong-hôa Chit-pāng Bêng-chheⁿ-sài: 2014, 2015, 2017, 2018, 2019, 2022

Keng-le̍k

• Tâi-tang-koān Lo̍k-iá Kok-sió Siàu-pāng-tūi (jī-nî ka-ji̍p)
• Tâi-tang-koān Pi-lâm Kok-tiong Chheng-siàu-pāng-tūi
• Tâi-tang-koān Sin-seng Kok-tiong Chheng-siàu-pāng-tūi
• Ko-hiông-chhī Ko-oán Kang-siong Chheng-pāng-tūi
• Tiong-hôa Chit-pāng Hiaⁿ-tī Chhiōⁿ (2013-nî 8-goe̍h 31－2014-nî 1-goe̍h 4-hō)
• Tiong-hôa Chit-pāng Tiong-sìn Hiaⁿ-tī (2014-nî 1-goe̍h 5-hō－2024-nî)
• Tiong-hôa Chit-pāng Bī-choân Liông (2025-nî－)

Sêng-pāng Kok-chhiú Keng-le̍k

• 2017-nî A-chiu Chit-pāng Koan-kun Cheng-pà-sài Tiong-hôa-tūi

Te̍k-sû Sū-chek

• In-ūi Tân Chú-hô ê ka-bêng hőng jīn-ûi ē-tàng ka-kiông hit-tang-chūn Hiaⁿ-tī Chhiōⁿ khah-bô hiah-nī hó ê kong-kek lêng-le̍k, só͘-í keh-nî tio̍h ū khah chē it-kun ê chhut-sài ki-hōe, mā tiāⁿ-tiāⁿ kái-siá Tiong-hôa Chit-pāng, sīm-chì sī Tâi-oân chit-pāng-sú ê "siōng siàu-liân kì-lo̍k":
  • 2013-nî 10-goe̍h 13, tī Hiaⁿ-tī Chhiōⁿ pún-kùi siōng bóe chi̍t-tiôⁿ lē-hêng-sài tam-jīm sian-hoat chó-gōa-iá-chhiú, í 18 hòe 76-kang chiâⁿ-chò Tâi-oân chit-pāng le̍k-sú lāi-té siōng siàu-liân chhut-sài ê kiû-oân.
  • 2014-nî 4-goe̍h 12, tī Thian-bú Iá-kiû-tiôⁿ bīn-tùi Thóng-it 7-ELEVEn Sai ê pí-sài, bīn-tùi Lí Kim-bo̍k kòng-chhut seng-gâi thâu-chi̍t-ki hőng-bú-láng, mā-sī seng-gâi thâu-chi̍t-ki an-táⁿ, í 18-hòe 257-kang chhòng-chō Tiong-hôa Chit-pāng siōng siàu-liân ê kì-lo̍k^{[chù 2]}.
  • 2014-nî 4-goe̍h 25 cháu-chhut seng-gâi thâu-chi̍t-pái thau-lúi sêng-kong, í 18-hòe 270-kang ê nî-kí chiâⁿ-chò Tiong-hôa Chit-pāng siōng siàu-liân thau-lúi sêng-kong ê kì-lo̍k.
  • tī 2014-nî Tâi-oân Tōa-sài lāi-té, seng tī tē-1-chiàn chiâⁿ-chò Tâi-oân Tōa-sài siōng siàu-liân ê chhut-sài kiû-oân, koh tī tē-3-chiàn chiâⁿ-chò Tâi-oân Tōa-sài siōng siàu-liân sian-hoat chhut-sài ê kiû-oân
• 2016-nî 7-goe̍h 30 tī Thô-hn̂g Kok-chè Iá-kiû-tiôⁿ bīn-tùi Lamigo Thô-oân, thâu-chi̍t-pái ta̍t-sêng tan-tiôⁿ 2-ki hőng-bú-láng.
• 2016-nî 9-goe̍h 18 tī Sin-chng Iá-kiû-tiôⁿ tùi-chiàn Thóng-it 7-ELEVEn Sai ê pí-sài, bīn-tùi Ông Gio̍k-phó͘ kòng-chhut chit-pāng seng-gâi thâu-chi̍t-ki móa-lúi hőng-bú-láng.
• 2017-nî 4-goe̍h 30 tī Chiu-chè Iá-kiû-tiôⁿ tùi-chiàn Thóng-it 7-ELEVEn Sai hun-pia̍t tùi Âng Sim-kî, Ông Kèng-bêng, Pò͘ Û-kong kòng-chhut tan-tiôⁿ 3-hiáng-phàu, sī Tiong-hôa Chit-pāng sú-siōng tē-20-ūi, mā sī Tiong-hôa Chit-pāng siōng siàu-liân kòng-chhut 3-hiáng-phàu ê kiû-oân
• 2019-nî 7-goe̍h 23 tī Thô-hn̂g Kok-chè Iá-kiû-tiôⁿ tùi-chiàn Lamigo Thô-oân, 2-kio̍k-siōng bīn-tùi Kang Kok-khiam kòng chhut 2-hun ê hőng-bú-láng, 6-kio̍k-siōng kah 8-kio̍k-siōng bīn-tùi Ngô͘ Sêng-tiat hun-pia̍t kòng-chhut 3-hun hőng-bú-láng kah ko͘-hun hőng-bú-láng, seng-gâi tē-2-pái tan-tiôⁿ 3-hiáng-phàu, tē-4-pái siōng-chió 2-hong, 8-hun ê táⁿ-tiám mā sī kò-jîn seng-gâi tan-tiôⁿ siōng-koân.^[1]
• 2021-nî 11-goe̍h 20 tī Chiu-chè Iá-kiû-tiôⁿ tùi-chiàn Lo̍k-thian Thô-oân, 7-kio̍k-hā bīn-tùi Chu Chùn-siông kòng-chhut iū-gōa-iá hong-hiòng ko͘-hun hőng-bú-láng, ta̍t-sêng seng-gâi pah-hong, pēng-chhiáⁿ í 26-hòe 114-kang chiâⁿ-chò liân-bêng lāi-té siōng siàu-liân oân-sêng pah-hong ê thûi-á-chhiú. (Goân kì-lo̍k sī Tiuⁿ Thài-san 26-hòe 180-kang)
• 2025-nî 4-goe̍h 20, tī Toā-pi-ô͘ Iá-kiû-tiôⁿ tùi-chiàn Tâi-kǹg Hiông-eng, 6-kio̍k-siōng bīn-tùi Kang Sêng-gān khà chhut tó-gōa-iá hong-hiòng ê jī-lúi an-táⁿ, sī i seng-gâi tē-1000-ki an-táⁿ, chiâⁿ-chò Tiong-hôa Chit-pāng tē-32-lâng.

Chit-pāng Seng-gâi Sêng-chek

• (Chho͘-o͘-jī sī hit1-nî siōng-hó ê sêng-chek)

Nî-tō͘	Kiû-tūi	Chhut-sài	Táⁿ-sò͘	An-táⁿ	Hőng-bú-láng	Táⁿ-tiám	Thau-luí	Sì-sí	Sa̋n-sín	Lúi-táⁿ-sò͘	Siong-sat	Táⁿ-kek-lu̍t	Chiōⁿ-lúi-lu̍t	Tn̂g-táⁿ-lu̍t	OPS
2013	Hiaⁿ-tī Chhiōⁿ	1	3	0	0	0	0	0	0	0	0	0.000	0.000	0.000	0.000
2014	Tiong-sìn Hiaⁿ-tī	85	251	62	4	29	6	17	57	92	5	0.247	0.293	0.367	0.660
2015		100	295	88	5	44	4	39	54	120	1	0.298	0.378	0.407	0.785
2016		102	314	110	15	70	2	34	56	174	2	0.350	0.410	0.554	0.964
2017		78	307	103	19	64	9	36	57	191	6	0.336	0.403	0.622	1.025
2018		115	414	120	13	80	3	52	95	186	12	0.290	0.364	0.449	0.813
2019		111	369	110	19	78	4	44	71	183	13	0.298	0.368	0.496	0.864
2020		85	281	81	11	52	2	44	71	139	5	0.288	0.382	0.495	0.877
2021		114	388	107	14	68	3	73	60	174	8	0.276	0.388	0.448	0.836
2022		94	319	91	10	65	8	56	49	142	13	0.285	0.388	0.445	0.833
2023		68	197	35	4	29	1	42	57	52	7	0.178	0.320	0.264	0.584
2024		87	301	83	17	60	0	39	73	155	11	0.276	0.355	0.515	0.870
Ha̍p-kè	12-tang	1040	3439	990	131	639	42	476	700	1608	83	0.288	0.371	0.468	0.839

Chù-kha

1. Tē-2-lûn soán-siù Hiaⁿ-tī Chhiōⁿ kah Lamigo Thô-oân siāng-sî kéng-tio̍h Tân Chú-hô, lo̍h-bóe thiu-chhiam sī Hiaⁿ-tī Chhiōⁿ thiu-tio̍h
2. Chit-ê kì-lo̍k āu--lâi hō͘ Lamigo Thô-oân ê Lîm Sêng-hui phah-phòa