Hù-pang Hān-chiòng

Hù-pang Hān-chiòng (富邦悍將) sī Tiong-hôa Chit-pāng ê chi̍t ki kiû-tūi, chú-tiûⁿ tī Sin-chng, tāi-piáu-sek sī nâ-sek, pau-hâm chiân-sin Chùn-kok Hîm, Heng-lông Gû, Gī-tāi Sai-gû lóng-chóng bat the̍h-kòe 8-ê kùi-koan-kun kah 3-ê chóng-koan-kun.

Hù-pang Hān-chiòng 富邦悍將
tóng-àn:Fubon Guardians logo.svg Tūi-hui Bō-hui
Só͘-sio̍k liân-bêng	Tiong-hôa Chit-gia̍p Pāng-kiû Tāi Liân-bêng
Kiû-thoân hoat-jîn	Hù-pang Io̍k-lo̍k Kó͘-hūn Iú-hān Kong-si
Sêng-li̍p sî-kan	1989 nî 3 goe̍h 20
Kiat-sok sî-kan
Le̍k-sú	Chùn-kok Kiàn-siat Iá-kiû-tūi (1989 nî－1992 nî) Chùn-kok Hîm (1993 nî－1995 nî) Heng-lông Hîm (1996 nî) Heng-lông Gû (1996 nî－2012 nî) Gī-tāi Sai-gû (2013 nî－2016 nî) Hù-pang Hān-chiòng (2017 nî－)
Só͘-chai-tē	Sin-pak-chhī
Chú-tiôⁿ	Sin-pak Chhī-li̍p Sin-chng Iá-kiû-tiûⁿ
Tūi-hùn
Ióng-iú-chiá	Hù-pang Kim-khòng
Léng-tūi	Lîm Huâ-uí
Chóng-kàu-liān	Tân Kim-hong
Siōng-bóe chi̍t-ê léng-tūi	{{{last_leader}}}
Siōng-bóe chi̍t-ê chóng-kàu-liān	{{{last_manager}}}
Kùi-koan-kun	(8) 1998 2000 siōng 2003 siōng 2004 hā 2005 hā 2010 siōng 2013 siōng 2016 hā
Nî-tō͘ chóng-koan-kun	(3) 2004 2005 2016
Tāi-piáu-sek	Nâ-sek
Koaⁿ-hong bāng-chí	www.fubonguardians.com

Le̍k-sú

Chùn-kok Hîm (1989 nî－1995 nî)

Chùn-kok Hîm sī Tiong-hôa Chit-pāng tī 1993 nî kàu 1995 nî ê chi̍t-ki iá-kiû-tūi, bú-kong-si sī Chùn-kok Kiàn-siat. Chiân-sin sī 1989 nî chhòng-li̍p ê gia̍p-û kiû-tūi "Chùn-kok Kiàn-siat Iá-kiû-tūi", 1993 nî kah Sî-pò Eng chò-hóe ka-ji̍p Tiong-hôa Chit-pāng liáu-āu kái-miâ Chùn-kok Hîm^[1]. Chùn-kok Hîm tī chit saⁿ-tang ê chiàn-chek lóng bô-siáⁿ-hó, tû-liáu thâu-chi̍t-tang pâi tī tē-sì-miâ í-gōa, sòa--lo̍h-lâi nn̄g-tang lóng sī thiām-té.

Heng-lông Hîm (1996 nî Siōng-pòaⁿ-kùi)

1995 nî Kiû-kùi kiat-sok liáu-āu, Heng-lông chi̍p-thoân tī 11 goe̍h 5 hō í Sin-tâi-phiò 2-ek 9-chheng-bān kho͘ kā Chùn-kok Hîm 55% ê kó͘-khoân bé--lo̍h-lâi, kái-miâ chò Heng-lông Hîm, sī Tâi-oân thâu-chi̍t-pái ê chit-pāng kiû-tūi kau-e̍k-àn^[2]. 1996 nî kiû-kùi siōng-pòaⁿ-kùi Heng-lông Hîm 14-sèng 36-pāi, iu-goân sī thiām-té.

Heng-lông Gû (1996 nî Hā-pòaⁿ-kùi－2012 nî)

Heng-lông Gû ê soán-chhiú

1996 nî 6 goe̍h 7 hō, Heng-lông koh í Sin-tâi-phiò 2-ek 3-chheng 7-pah 20-bān kho͘ kā chhun--ê 45% ê kó͘-koân bé--lo̍h-lâi, chiâⁿ-chò kiû-tūi ûi-it ê ióng-iú-chiá. In-ūi Heng-lông sī seng-sán lông-io̍h khai-sí ê, só͘-í kái-chò iōng gû chò kiû-tūi ê kiat-siông-bu̍t, kái-miâ chò "Heng-lông Gû".

1997 nî khai-sí kah Lo̍k-sam-ki Dodgers ha̍p-chok, Dodgers tī iông-chiòng kah kiû-oân hùn-liān ê hong-bīn pang-chō͘ chiâⁿ-tōa, chêng bêng-seng kiû-oân Ióng-chòng tio̍h-sī thàu-kòe Dodgers kài-siāu ji̍p-khì ê, lēng-gōa Dodgers koh thê-kiong gōa-che̍k kàu-liān kah hái-gōa hùn-liān ê tē-tiûⁿ hō͘ Heng-lông Gû. 1998 nî, Gû-tūi í nî-tō͘ tē-1 phah ji̍p-khì chóng-koan-kun-sài, tān-sī tī chóng-koan-kun-chiàn lāi-té í 3-sèng 4-pāi su-hō͘ ōe-bián-kun Bī-choân Liông. Bī-choân Liông oân-sêng 3-liân-pà liáu-āu, hō͘ Téng-sin Chi̍p-thoân kái-sàn, āu-lâi pau-hâm Tiuⁿ Thài-san, Ia̍p Kun-chiong téng-téng Liông-tūi ê kiû-oân lóng ka-ji̍p Gû-tūi.

2000 nî, si̍t-le̍k kah jîn-khì lóng chìn-pō͘ chiâⁿ chē ê Heng-lông Gû chài-tō͘ phah--ji̍p-khì chóng-koan-kun-sài, kah Thóng-it Sai phah kah tē-7-tiûⁿ, lo̍h-bóe phah-su. 2003 nî, Gû-tūi tē-saⁿ-pái chham-ka chóng-koan-kun-sài, tān-sī chòe-āu iá-sī í 2-sèng 4-pāi su hō͘ beh thiau-chiàn 3-liân-pà ê Hiaⁿ-tī Chhiūⁿ. 2004 nî, Heng-lông Gû koh chi̍t-pái phah ji̍p-khì Tâi-oân Tōa-sài, í 4-sèng 3-pāi phah-pāi Thóng-it Sai, chóng-sǹg sī tit-tio̍h tūi-sú thâu-chi̍t-ê Tâi-oân Tōa-sài koan-kun. Keh-nî, koh í 4-chiàn choân-iâⁿ phah-pāi Sêng-thài COBRAS tit-tio̍h Tâi-oân Tōa-sài koan-kun, oân-sêng jī-liân-pà, ē-tàng kóng sī Gû-tūi ê choân-sēng sî-kî. 2006 nî, Gû-tūi phah ji̍p-khì kùi-āu-sài, tān-sī lo̍h-bóe 3-chiàn lóng su hō͘ Thóng-it Sai bô-iân chìn-kip, thiáu-chiàn 3-liân-pà sit-pāi.

2010 nî, Heng-lông Gû koh-chi̍t-pái tit-tio̍h nî-tō͘ chiàn-chek tē-1, pēng-chhiáⁿ tit-tio̍h siōng-pòaⁿ-kùi koan-kun, kah hā-pòaⁿ-kùi koan-kun Hiaⁿ-tī Chhiūⁿ chìn-hêng 2010 nî Tâi-oân Tōa-sài, tān-sī chòe-āu 4-chiàn lóng su. Kiû-kùi kiat-sok liáu-āu, kiû-tūi si̍t-si choân-pún-thó͘ chèng-chhek, chiâⁿ chē iông-chiòng pī-pek lī-khui, Tiuⁿ Thài-san mā hőng kau-e̍k khì Thóng-it Sai. Tān-sī in-ūi si̍t-si choân-pún-thó͘ chèng-chhek, ōaⁿ-lâi liân-sòa nn̄g-tang thiām-té, phiò-pâng siū-tio̍h chiâⁿ giâm-tiōng ê éng-hióng, lo̍h-bóe Heng-lông koat-tēng kā kiû-tūi bē-tiāu. 10 goe̍h 27, Heng-lông Gû tī Tâi-tiong kí-pān Kám-siā Kìⁿ-bīn-hōe, siōng-teng Heng-lông Gû ê sî-tāi kiat-sok. 11 goe̍h 6 hō, Heng-lông Gû tī Tâi-tiong Chiu-chè Iá-kiû-tiûⁿ ê jia̍t-sin-sài lāi-té, í 5:3 phah-pāi Tiong-hôa-tūi, chit-tiûⁿ pí-sài mā sī Heng-lông Gû siōng-bóe chi̍t-tiûⁿ pí-sài. 12 goe̍h 17, Gû-tūi chèng-sek bē hō͘ Gī-liân Chi̍p-thoân, kái-miâ Gī-tāi Sai-gû.

Gī-tāi Sai-gû (2013 nî－2016 nî)

Manny Ramirez tī 2013 nî ka-bêng Gī-tāi Sai-gû

Gī-tāi Sai-gû tī chhú-tāi Heng-lông Gû liáu-āu, tī soán-siù-hōe téng-koân kā Ô͘ Kim-liông, Ko Kok-hui, Iûⁿ Koàn-ui kéng ji̍p-khì, hō͘ kiû-tūi chiàn-le̍k ke chiok kiông--ê, koh lô-bāng chêng Bí-kok Chit-pāng Tāi-liân-bêng ê thûi-á-chhiú Manny Ramirez, ín-hoat "Manny Soān-hong", ka-siōng 2013 nî Sè-kài Iá-kiû Keng-tián-sài ê jia̍t-tiâu, hō͘ hit-nî ê koan-chiòng jîn-sò͘ ke khah-chè. 2013 nî kiû-tūi ōaⁿ lâng chiap-chhiú liáu-āu, thâu-chi̍t-ê kiû-kùi tio̍h tit-tio̍h siōng-pòaⁿ-kùi koan-kun, chiâⁿ-chò Tiong-hôa Chit-pāng sú-siōng thâu-chi̍t-ki tī bē-tiāu liáu-āu thâu-chi̍t-tang tio̍h tit-tio̍h kùi koàn-kun ê kiû-tūi. Tān-sī chhōa-niá Sai-gû tit-tio̍h kùi-koan-kun ê chóng-kàu-liān Chhî Seng-bêng tī 2013 nî 8 goe̍h 24 kòe-sin, hō͘ lâng chiâⁿ gông-ngia̍h. Āu--lâi Gī-tāi tī Tâi-oân Tōa-sài tùi-koat goân-ló kiû-tūi Thóng-it 7-ELEVEn Sai, lo̍h-bóe 4-chiàn lóng su, hō͘ Thóng-it tit-tio̍h 2013 nî ê chóng koan-kun. 2015 nî, Gī-tāi Sai-gû hāu-hoat Lamigo Thô-oân chiâⁿ-chò tē-2-ki kā kui-nî só͘-ū ê chú-tiûⁿ sài-sū lóng khǹg tī kâng-chi̍t-ê kiû-tiûⁿ (Ko-hiông-chhī Tōa-pi-ô͘ Iá-kiû-tiûⁿ) ê kiû-tūi. Chit-nî sui-jiân bô-iân chóng-koan-kun-sài, tān-sī tit-beh pau-pān Tiong-hôa Chit-pāng ê só͘-ū kò-jîn chióng-hāng.

2016 nî 5 goe̍h 26 tī Thô-hn̂g Iá-kiû-tiûⁿ í 6:3 phah-iâⁿ Lamigo Thô-oân, tit-tio̍h pau-hâm chiân-sin Chùn-kok Hîm, Heng-lông Gû ê tūi-sú tē 1100-sèng, sī tē-3-ki ta̍t-sêng chit-ê kì-lo̍k ê kiû-tūi ^{[chù 1]}. 6 goe̍h 16 ē-po͘, Gī-liân Chi̍p-thoân soan-pò͘ beh chhōe choán-chhiú tùi-siōng. 10 goe̍h 8 hō, Gī-tāi Sai-gû í 8:3 phah-iâⁿ Lamigo Thô-oân tit-tio̍h hā-pòaⁿ-kùi koan-kun. Khak-tēng ē tī 2016 nî Tâi-oân Tōa-sài tùi-chiàn Tiong-sìn Hiaⁿ-tī. Tī Tâi-oân Tōa-sài lāi-té, sui-jiân chêng-nn̄g-tiûⁿ lóng su-hō͘ Tiong-sìn Hiaⁿ-tī, m̄-koh tī sòa--lo̍h-lâi 4-tiûⁿ ê pí-sài, Gī-tāi Sai-gû phah chhut sì-liân-sèng, Gī-tāi Sai-gû tit-tio̍h kiû-thoân-sú thâu-chi̍t-pái ê chóng-koan-kun, mā sī siōng-bóe chi̍t-ê chóng-koan-kun.

Hù-pang Hān-chiòng (2017 nî－)

2016 nî 10 goe̍h 24, Hù-pang soan-pò͘ í Sin-tâi-phiò 3-ek-kho͘ kā Gī-tāi Sai-gû bé--lo̍h-lâi, pēng-chhiáⁿ tī 11 goe̍h 1 hō chiap-chhiú kiû-thoân keng-êng^[3]. 11 goe̍h 15, Hù-pang Chi̍p-thoân kong-pò͘ sin ê tūi-miâ sī "Hù-pang Hān-chiòng"^[4][5].

2017 nî kiû-kùi kiat-sok liáu-āu, Hù-pang Hān-chiòng khak-tēng chiâⁿ-chò tē-3-ki lē-hêng-sài thiām-té ê ōe-bián kiû-tūi ^{[chù 2][6]}. 2018 nî Tiong-sìn Hiaⁿ-tī po̍k-hoat "Ngó͘-hó͘-chiòng Sū-kiāⁿ" sek-chhut 7-ê soán-chhiú, Hù-pang Hān-chiòng chiap-siu kî-tiong ê 4-ūi^[7][8]. 10 goe̍h 4 hō, tī chú-tiûⁿ Sin-chng Iá-kiû-tiûⁿ phah-pāi Tiong-sìn Hiaⁿ-tī liáu-āu khak-tēng nî-tō͘ chiàn-chek tē-3^[9], keh-ji̍t Lamigo Thô-oân tit-tio̍h hā-pòaⁿ-kùi koan-kun liáu-āu, Hù-pang kah Thóng-it 7-ELEVEn Sai khak-tēng chìn-ji̍p kùi-āu thiau-chiàn-sài, nn̄g-tūi beh cheng-chhú phah ji̍p-khì chóng-koan-kun-sài ê ki-hōe^[9]. Tān-sī tī 10 goe̍h 22, Hù-pang Hān-chiòng tī chú-tiûⁿ í 8:9 su-kiû, Thóng-it Sai í 3-sèng 1-pāi chìn-kip Tâi-oân Tōa-sài^[10]. 2019 nî 10 goe̍h 4 hō, in-ūi Lamigo Thô-oân phah iâⁿ Tiong-sìn Hiaⁿ-tī, kah Hù-pang pēng-lia̍t choân-nî-tō͘ sèng-lu̍t tē-it, Hù-pang Hān-chiòng in-ūi bô tan-to̍k tit-tio̍h nî-tō͘ tē-it bô-iân chìn-kip kùi-āu-sài, sī Tiong-chit sú-siōng tē-3-pái nî-tō͘ sèng-lu̍t tē-it tān-sī bô tit-tio̍h kùi-koàn-kun^[11]. 2020 nî, Hù-pang Hān-chiòng keng-le̍k kòe siōng-pòaⁿ-kùi 23-sèng 37-pāi thiām-té liáu-āu, tī hā-pòaⁿ-kùi bat ū ki-hōe phah ji̍p-khì kùi-āu-sài, tān-sī lo̍h-bóe tī chòe-āu chi̍t-tiûⁿ í 0:2 su hō͘ Thóng-it Sai liáu-āu, khak-tēng hőng tô-thài.

2021 nî 4 goe̍h 26, tī Thô-hn̂g Iá-kiû-tiûⁿ tùi-chiàn Lo̍k-thian Thô-oân, í 3:5 su-kiû, chhòng-chō Tiong-chit 33 nî lâi khui-kùi chêng 14-tiûⁿ chiàn-chek siōng bái ê kì-lo̍k^[12]. 5 goe̍h 12, Hù-pang Hān-chiòng í 1:6 su hō͘ Thóng-it Sai, siōng-pòaⁿ-kùi chêng 25-tiûⁿ pí-sài 4-sèng 21-pāi, phah-phòa 1996 nî chiân-sin Heng-lông Hîm ê kì-lo̍k, hit-tang-chūn Heng-lông Hîm 25-tiûⁿ 5-sèng 20-pāi, Hù-pang mā chhòng-chō tūi-sú lāi-té siōng chhám ê kì-lo̍k; āu-lâi chiàn-chek hôe-seng, 6 goe̍h tan-goe̍h sèng-lu̍t mā bat chhiau-kòe gō͘-siâⁿ, tān-sī tī 6-goe̍h-té kiû-tūi lāi po̍k-hoat e̍k-chêng hō͘ chōng-hóng cháu-cheng khì, it-ti̍t kàu siōng-pòaⁿ-kùi siōng-bóe chi̍t-tiûⁿ í 4:3 phah-iâⁿ Thóng-it Sai liáu-āu chiah kiat-sok 13-liân-put-sèng, kî-kan koh bat tú-tio̍h 11-liân-pāi, kah tūi-sú tan-kùi siōng tn̂g ê liân-pāi kì-lo̍k pêⁿ chē. Siōng-pòaⁿ-kùi chiàn-chek 16-sèng 43-pāi 1-hô, sèng-lu̍t 0.271 m̄-nā phah phòa Tiong-sìn Hiaⁿ-tī tī 2014 nî siōng-pòaⁿ-kùi ê siōng bái chiàn-chek (19-sèng 40-pāi 1-hô, sèng-lu̍t 0.322), siâng-sî mā sī chū 2009 nî khai-sí chhái-iōng 120-tiûⁿ, siōng-hā pòaⁿ-kùi kok 60-tiûⁿ ê sài-chè í-lâi, Tiong-chit sú-siōng pòaⁿ-kùi chiàn-chek siōng-bái ê kì-lo̍k ^{[chù 3][13][14][15]}. 2024 nî 8 goe̍h 31, Hù-pang Hān-chiòng tùi-chiàn Tiong-sìn Hiaⁿ-tī, í 5:7 su-kiû, sī tan-goe̍h tē-17-pāi, phah-phòa liân-bêng ê kì-lo̍k, sī tan-goe̍h su siōng chē tiûⁿ ê kì-lo̍k.

Ta̍k-nî Sèng-chek

Ta̍k-nî Siōng-hā Pòaⁿ-kùi kah Choân-nî Chiàn-chek

• (Chho͘-o͘-jī sī tūi-sú siōng-hó ê sêng-chek)

Kiû-kùi	Siōng-pòaⁿ-kùi					Hā-pòaⁿ-kùi					Choân-nî Chiàn-chek
	Sèng	Pāi	Hô	Sèng-lu̍t	Miâ-chhù	Sèng	Pāi	Hô	Sèng-lu̍t	Miâ-chhù	Sèng	Pāi	Hô	Sèng-lu̍t	Miâ-chhù
Chùn-kok Hîm sî-kî
1993	21	24	0	0.467	4	19	23	3	0.452	4	40	47	3	0.460	4
1994	14	31	0	0.311	6	15	28	2	0.349	6	29	59	2	0.330	6
1995	19	30	1	0.388	6	21	28	1	0.429	6	40	58	2	0.408	6
Heng-lông Hîm & Heng-lông Gû sî-kî
1996	14	36	0	0.280	6	14	33	3	0.298	6	28	69	3	0.289	6
1997	20	26	2	0.435	5	25	22	1	0.532	3	45	48	3	0.484	5
1998	Tan-it kiû-kùi chè										58	45	2	0.563	1
1999	Tan-it kiû-kùi chè										30	61	2	0.330	6
2000	27	17	1	0.614	1	24	21	0	0.533	2	51	38	1	0.573	1
2001	17	25	3	0.405	4	17	26	2	0.395	4	34	51	5	0.400	4
2002	21	23	1	0.477	3	23	22	0	0.511	3	44	45	1	0.494	3
2003	34	15	1	0.694	1	28	17	5	0.622	3	62	32	6	0.660	2
2004	25	22	3	0.532	2	27	21	2	0.563	1	52	43	5	0.547	2
2005	28	21	2	0.571	2	25	21	4	0.543	1	53	42	6	0.558	1
2006	25	23	2	0.521	3	23	26	1	0.469	4	48	49	3	0.495	3
2007	24	25	1	0.490	5	18	32	0	0.360	5	42	57	1	0.424	6
2008	19	30	1	0.388	6	18	32	0	0.360	5	37	62	1	0.374	6
2009	29	29	2	0.500	3	28	31	1	0.475	3	57	60	3	0.487	3
2010	36	23	1	0.610	1	29	30	1	0.492	3	65	53	2	0.551	1
2011	20	38	2	0.345	4	25	34	1	0.424	4	45	72	3	0.385	4
2012	22	35	3	0.386	4	16	42	2	0.276	4	38	77	5	0.330	4
Gī-tāi Sai-gû sî-kî
2013	35	24	1	0.593	1	27	33	0	0.450	4	62	57	1	0.521	2
2014	26	33	1	0.441	3	32	27	1	0.542	2	58	60	2	0.492	3
2015	29	30	1	0.492	2	29	31	0	0.475	3	58	61	1	0.487	3
2016	27	33	0	0.450	4	34	25	1	0.576	1	61	58	1	0.513	2
Hù-pang Hān-chiòng sî-kî[16]
2017	20	38	2	0.345	4	28	32	0	0.467	3	48	70	2	0.407	4
2018	27	33	0	0.450	3	27	33	0	0.450	4	54	66	0	0.450	3
2019	31	27	2	0.534	2	32	28	0	0.533	2	63	55	2	0.526	1
2020	23	37	0	0.383	4	31	28	1	0.525	2	54	65	1	0.454	4
2021	28	31	1	0.475	4	26	31	3	0.456	4	54	62	4	0.466	4
2022	16	43	1	0.271	5	30	27	3	0.526	3	46	70	4	0.397	5
2023	21	35	4	0.375	5	27	32	1	0.458	5	48	67	5	0.417	5
2024	29	31	0	0.483	4	24	35	1	0.405	6	53	66	1	0.445	5

Kùi-āu-sài Chiàn-chek

Kiû-kùi	Kùi-āu-sài			Tâi-oân Tōa-sài
	Tùi-chhiú	Sèng	Pāi	Tùi-chhiú	Sèng	Pāi
Heng-lông Gû sî-kî
1998	bô			Bī-choân Liông	3	4
2000	bô			Thóng-it Sai	3	4
2003	bô			Hiaⁿ-tī Chhiūⁿ	2	4
2004	bô			Thóng-it Sai	4	3
2005	bô			Sêng-thài COBRAS	4	0
2006	Thóng-it Sai	0	3	bô chìn-kip
2010	bô			Hiaⁿ-tī Chhiūⁿ	0	4
Gī-tāi Sai-gû sî-kî
2013	bô			Thóng-it 7-ELEVEn Sai	0	4
2016	bô			Tiong-sìn Hiaⁿ-tī	4	2
Hù-pang Hān-chiòng sî-kî
2018	Thóng-it 7-ELEVEn Sai	1	3	bô chìn-kip

Kiû-oân

Hù-pang Hān-chiòng hiān-ia̍h sêng-oân hián lūn pian
Kiû-oân			Kàu-liān
Tâu-chhiú  12 Kang Kok-hô  13 Liāu Jīm-lúi  15 Hoān Pek-hiat  16 Phoaⁿ E̍k-sêng  17 N̂g Chú-sîn  18 N̂g Pó-lô  19 Tiuⁿ E̍k  21 Nâ Khái-chheng  25 Lōa Tì-hoân  30 Tân Uí-lîm  32 Lōa Hông-sêng  34 Ông Ùi-éng  37 Ông Úi-hian  38 Lí-Ngô͘ Éng-khîn  44 Morimando  48 Ga̍k Siáu-hôa  49 N̂g Eng-kî  50 Ngô͘ Sè-hô  54 Lí Kiàn-hun  55 Elias  57 Au Su-sêng  58 Tân Sèng-bûn  60 Chan Chùn-ga̍k  64 Buchanan  66 Lí Tong-bêng  69 Lêng-bo̍k Chùn-hú  71 Kang Siàu-khèng  72 Tiuⁿ Sūi-lîn  73 Lîm Ōng-hi  75 Tân Ì-tiong  76 Lí Iū-hiân  80 Iû Têng-ui  81 Tân Sū-pêng  89 Lîm Io̍k-sîn  94 Lîm Tīm-thêng  96 Koeh Thài-thêng  00 Tân Phín-hông 016 ◎Lí Su-te̍k 018 Ko Khèng-lîn 021 Chio̍h Chú-lîm	Pó͘-chhiú  10 Iûⁿ Hō-jiân  11 Iâu Koàn-úi  43 Lé Úi  47 Tiuⁿ Chìn-tek  59 Gūi Choân  61 Siau Ek-bêng  74 Tiuⁿ Io̍k-hô  83 Lô͘ Pek-hôa  95 Tè Pôe-hong 015 ◎Iûⁿ Chhiàu-hó͘ 022 Kang Têng-gē Lāi-iá-chhiú   2 Lîm Te̍k-pin   3 Ông Sèng-úi   4 Ko Chia̍t   5 Ông Liām-hó   6 Ia̍p Chú-têng  22 Lí Chong-hiân  31 N̂g Tiāu-ûi  46 Hoān Kok-sîn  56 Tân Khái-iū  62 Lîm Ga̍k-kok  63 Iûⁿ Bín-î  67 Sin Goân-hiok  78 Táng Chú-un  85 Lâu Chùn-hô  97 Tî Un-chê  98 Ko Kok-lîn  99 Tiuⁿ Io̍k-sêng 012 ◎Chhòa-Oân Hôa-sîn	Gōa-iá-chhiú   0 Phoaⁿ Úi-siông   1 Lîm Tiat-soan   7 Tân Chin   9 Lîm Têng-io̍k  14 Ông Í-sêng  29 Sin Hō-úi  33 Tiuⁿ Bêng-ú  35 Ông Chèng-tông  65 Chhòa Ka-gān  77 Chiu Ka-lo̍k  82 Khóng Liām-un 013 Lâu Sêng-iū 017 ◎Tâng Io̍k-sêng 019 Ông Kun-iū 020 N̂g Thêng-ui 025 Tēⁿ Chiau-sêng	It-kun chóng-kàu-liān 52 Tân Kim-hong It-kun kàu-liān  8 Chiam Tì-giâu (Cháu-lúi kàu-liān) 20 Lîm Khun-seng (Pó͘-chhiú kàu-liān) 36 Chhòa Kiàn-úi (Gōa-iá kàu-liān) 40 Koeh Ióng-chì (Gû-tiâu kàu-liān) 45 Ia̍p Tek-hian (Lāi-iá kàu-liān) 53 Tō͘ Chèng-bûn (Thé-lêng kàu-liān) 68 Si Kim-tián (Lāi-iá kàu-liān) 70 Tân Liân-hông (Siú-se̍k / táⁿ-kek kàu-liān) 88 Poe (Táⁿ-kek kàu-liān) 91 Khó͘ Bêng-kia̍t (Tâu-chhiú kàu-liān) 92 Tân Pek-éng (Thé-lêng kàu-liān) Jī-kun chóng-kàu-liān 51 Hō͘-têng Kong-chun (Chóng-kàu-liān / Iá-chhiú chong-ha̍p kàu-liān) Jī-kun kàu-liān 26 Tân Phín-chia̍t (Táⁿ-kek / cháu-lúi kàu-liān) 27 N̂g Hō-jiân (Pó͘-chhiú kàu-liān) 28 Ko Kok-hui (Táⁿ-kek kàu-liān) 41 Lâu Pó-hiân (Chō͘-lí thé-lêng kàu-liān) 42 Lîm Chèng-hong (Tâu-chhiú kàu-liān) 79 Tó-kiā Gē [ja] (Tâu-chhiú kàu-liān) 86 Kin-pún Sûn-pêng (Thé-lêng thóng-tiû kàu-liān) 90 Liāu Kong-tî (Ki-tē chū-siú tâu-chhiú kàu-liān) 93 Chhî Io̍k-têng (Gōa-iá kàu-liān)
Chù-kha: Ū piau "◎" ê sī chū-chú pôe-hùn soán-chhiú.

Chù-kha

1. Thâu-nn̄g-ki sī Thóng-it 7-ELEVEn Sai kah Hiaⁿ-tī Chhiūⁿ
2. Chêng-nn̄g-ki sī 2010 nî ê Sai-tūi kah 2016 nî ê Oân-tūi.
3. Goân kì-lo̍k sī chiân-sin Heng-lông Gû 2012 nî hā-pòaⁿ-kùi ê 16-sèng 42-pāi 2-hô, sèng-lu̍t 0.276.