Indiana

Indiana sī Bí-kok ê chi̍t-ê chiu. Indianapolis sī i ê siú-hú kap siāng toā ê siâⁿ-chhī.

Indiana Chiu State of Indiana
Chiu-kî Chiu-chiong
Chhiok-hō: The Hoosier State
Piau-gí: The Crossroads of America ("Bí-kok ê Si̍p-jī-lō͘-kháu")
Chiu-koa: "On the Banks of the Wabash, Far Away"
Map of the United States with Indiana highlighted
Koan-hong gí-giân	Eng-gí
Liû-thong gí-giân	Eng-gí, Se-pan-gâ-gí, kî-tha giân-gí
Chū-bîn chheng-ho͘	Hoosier
Siú-hú (kiam siāng-tōa siâⁿ-chhī)	Indianapolis
Siāng-tōa to͘-hōe	Greater Indianapolis
Bīn-chek	Pâi-miâ tē-38
• Ha̍p-kè	36,418 sq mi (94,321 km2)
• Tang-sai khoah	140 mí (225 km)
• Lâm-pak khoah	270 mí (435 km)
• % chúi-bīn	1.5
• Hūi-tō͘	37° 46′ N to 41° 46′ N
• Keng-tō͘	84° 47′ W to 88° 6′ W
Jîn-kháu	Pâi-miâ tē-17
• Ha̍p-kè	6,691,878 (2018)
• Bi̍t-tō͘	183/sq mi  (70.7/km2) Pâi-miâ tē-16
• Hō͘-kháu siu-ji̍p tiong-ta̍t	$51,983 [1] (tē-35)
Koân-tō͘
• Ko-tiám	Hoosier Hill[2][3] 1,257 ft (383 m)
• Pêng-kin	700 ft  (210 m)
• Kē-tiám	Ohio Khe kap Wabash Khe sio-tú-tiám[2][3] 320 ft (97 m)
Siat chiu chìn-chêng	Indiana Léng-thó͘
Sin chiu seng-li̍p	D1816 nî 12 goe̍h 11 (tē-19)
Chiu-tiúⁿ	Eric Holcomb (R)
Hù-chiu-tiúⁿ	Suzanne Crouch (R)
Li̍p-hoat	Chóng Chi̍p-hōe
• Siōng-gī-īⁿ	Indiana Goân-ló-hōe
• Hā-gī-īⁿ	Indiana Tāi-piáu-hōe
Liân-pang Chham-gī-goân	Todd Young (R) Mike Braun (R)
Liân-pang Chiòng-gī-goân	7-ê Kiōng-hô-tóng, 2-ê Bîn-chú-tóng (lia̍t-toaⁿ)
Sî-khu
• 80 kūn	Eastern: UTC −5/−4
• 12 kūn	Central: UTC −6/−5
ISO 3166	US-IN
Kán-siá	IN, Ind.
Bāng-chām	www.in.gov

Tē-hō-miâ

Indiana ê ì-sù sī "Indian lâng ê Thó͘-tē", ia̍h kán-tan kóng "Indian Kok".^[4] Che khí-goân chū Indiana chò léng-thó ê le̍k-sú. 1800 nî 5 goe̍h 7 ji̍t, Bí-kok Kok-hōe thong-kòe li̍p-hoat-àn, kā Sai-pak Léng-thó͘ koah chò nn̄g hūn, hō sai-pêng hit hūn sī Indian Léng-thó͘. Tī 1816 nî, Kok-hōe leh thong-kòe chi̍t hāng Sūi-khoân Hoat-àn (Enabling Act) beh khai-sí kā Indian kiàn-li̍p chò chiu-hūn ê sî, goân léng-thó͘ ê chi̍t pō͘-hūn pìⁿ chò beh li̍p sin chiu ê tē-khu.^[5][6][7]

Koan-hong kā Indian ê chū-bîn hō chò Hoosier.^[8] Chit jī ê gí-goân iáu koh bô chheng-hó, chóng nā chiàu Indiana Le̍k-sú Kio̍k (Indiana Historical Bureau) kap Indiana Le̍k-sú Hia̍p-hōe (Indiana Historical Society) chàn-sêng ê chú-liû lí-lūn, "Hoosier" ê lâi-goân sī Virginia, Carolina, kap Tennessee (Upland South tē-khu) kóng ê "nâ-á-tē-lâng" (backwoodsman), chháu-tē-lâng ê ì-sù.^[9][10]

Le̍k-sú

Angel Mounds Chiu-li̍p Le̍k-sú Tē-tiám sī siāng óa pak ê Mississippi bûn-hòa chū-lo̍h chi it, sî-tāi sio̍k 1100 nî chì 1450 nî kan.

Kó͘-Indian lâng tī Chêng 8000 nî ê sî toh lâi kài chit-ê só͘-chāi, he tng sī Pêng-hô Sî-tāi tú soah, pêng-hô iûⁿ--khì liáu-āu. In pun-sòaⁿ chò sè tīn kûn-thé, chia-ê Kó͘-Indian sī iû-bo̍k-bîn, thang lia̍h pí-lūn mastodon (chi̍t khoán kó͘-chhiūⁿ) téng tōng-bu̍t. In iā lī-ēng kak-gâm (chert), keng-kòe phut (chipping), kòng (knapping), kap phoe (flaking) ê hong-hoat chè-chō chio̍h-thâu ke-si.^[11]

1679 nî, Hoat-kok thàm-hiám-ka René-Robert Cavelier, Sieur de La Salle chò thâu-chi̍t-ê kòe Indian ê Au-chiu-lâng, khì kàu kin-á-ji̍t ê South Bend, tī leh Saint Joseph Khe piⁿ.^[12] I kè-tang koh tńg hit-ūi liáu-kái tē-hng. Hoat-kok-hē Ka-ná-tah-lâng ê mô͘-phôe seng-lí-lâng bô lōa kú mā lâi kàu ūi, the̍h nâ-á, chu-pó, ke-si, whiskey kap bú-khì khì kap Bí-chiu Goân-chū-bîn ka-e̍k phôe-mn̂g.

1702 nî ê hit-chūn, Sieur Juchereau ūi Vincennes hū-kīn kiàn-li̍p khí thâu chi̍t keng bō͘-e̍k-chām. Tī 1715 nî, Sieur de Vincennes khí-siat Fort Miami tī leh Kekionga, tiō sī chit-má ê Fort Wayne. Chì 1717 nî, lēng-gōa chi̍t-ê Ka-ná-tah-lâng Picote de Beletre, mā siat Fort Ouiatenon tī Wabash Khe piⁿ, chhì beh khòng-chè Bí-chiu Goân-chū-bîn tùi Erie Ô͘ khì kàu Mississippi Kang ê bō͘-e̍k lō͘-sòaⁿ.

Keng-chè

Indiana tī 2015 nî ê GDP sī 336,053 pa̍h-bān bí-kim.^[13] Chiàu 2015 nî ê chu-liāu, pún chiu siāng-chē jîn-kang ê sán-gia̍p sī chè-chō-gia̍p.^[14]

Indiana tī 2015 nî kui tang ê n̂g-tāu sán-liōng ū 7.5 pa̍h-bān tòng.^[15]