Koeh Giâm-bûn

Koeh Giâm-bûn (1988 nî 10 goe̍h 25 ji̍t chhut-sì ), sī Tâi-oân ê chit-gia̍p iá-kiû soán-chhiú, bat tī Bí-kok Chit-pāng Cincinnati Âng-lâng Sió-liân-bêng hē-thóng hoat-tián, bo̍k-chiân tī Bī-choân Liông hāu-le̍k, siú-pī ūi-tì sī jī-lúi-chhiú.

Koeh Giâm-bûn 郭嚴文
Bī-choân Liông – No. 6
Lāi-iá-chhiú
Chhut-sì: 1988 nî 10 goe̍h 25 ji̍t （1988-10-25）(36 hòe)  Tiong-hôa Bîn-kok Tâi-lâm-chhī Koan-biō-khu
Táⁿ-kek: tò Tâu-kiû: chiàⁿ
Tiong-hôa Chit-pāng Chho͘-chhù chhut-sài
2011 nî 4 goe̍h 2 hō, tī Lamigo Thô-oân
Tiong-hôa Chit-pāng sò͘-kì thóng-kè (chì 2024 nî ûi-chí)
Táⁿ-kek-lu̍t	0.301
An-táⁿ	1269
Choân-lûi-táⁿ	98
Táⁿ-tiám	666
Thau-luí	33
Tūi-ngó͘
Cincinnati Âng-lâng (Sió-liân-bêng, 2008 nî－2010 nî) Lamigo Thô-oân / Lo̍k-thian Thô-oân (2011 nî 1 goe̍h 11－2023 nî) Bī-choân Liông (2024 nî－)
Seng-gâi cheng-chhái piáu-hiān kah ti̍t-chióng
Tiong-hôa Chit-pāng nî-tō͘ chóng-koan-kun: 2012, 2014, 2015, 2017－2019 Tiong-hôa Chit-pāng Chòe-ka 10-jîn Chióng (jī-lúi-chhiú): 2011, 2014, 2017, 2019 Tiong-hôa Chit-pāng Kim-chhiú-thò Chióng (jī-lúi-chhiú): 2017, 2018 Tiong-hôa Chit-pāng Bêng-seng-sài: 2011–2016, 2018, 2019 Tiong-hôa Chit-pāng Bêng-seng-sài MVP: 2014

Seng-gâi

Koeh Giâm-bûn tī 2008 nî ka-ji̍p Bí-kok Chit-pāng Cincinnati Âng-lâng, tī Sió-liân-bêng siāng koân bat kàu Ko-kai 1A. 2010 nî kiû-kùi kiat-sok hőng sek-chhut liáu-āu tńg-khì kàu Tâi-oân chham-ka Tiong-hôa Chit-pāng soán-siù-hōe, lo̍h-bóe hō͘ La New Hîm tī thâu-chi̍t-lûn kéng-tio̍h, chiâⁿ-chò hit-tang soán-siù-hōe ê póng-gán.

2023 nî-té hō͘ Lo̍k-thian Thô-oân khǹg tī 60-lâng miâ-toaⁿ gōa-kháu, āu--lâi tī 2024 nî ka-ji̍p Bī-choân Liông.

Keng-le̍k

• Tâi-lâm-chhī Tang-khu Chông-ha̍k Kok-sió Siàu-pāng-tūi
• Tâi-lâm-chhī Kiàn-heng Kok-tiong Chheng-siàu-pāng-tūi
• Tâi-lâm-chhī Lâm-eng Siong-kang Chheng-pāng-tūi
• Bûn-hòa Tāi-ha̍k (Bí-hu Kī-jîn) Iá-kiû-tūi
• Bí-kok Chit-pāng Cincinnati Âng-lâng (2008 nî－2009 nî), Sin-lâng Liân-bêng→Ko-kai 1A
• Kok-ka Tû-hùn Iá-kiû-tūi (2010 nî)
• Tiong-hôa Chit-pāng Lamigo Thô-oân (2011 nî 1 goe̍h 11－2019 nî 12 goe̍h 16)
• Tiong-hôa Chit-pāng Lo̍k-thian Thô-oân (2019 nî 12 goe̍h 17－2023 nî)
• Tiong-hôa Chit-pāng Bī-choân Liông (2024 nî －)

Te̍k-sû Sū-chek

• 2015 nî 7 goe̍h 5 hō í tan-kùi liân-sòa 32-tiôⁿ an-táⁿ chhiau-kòe 1997 nî Hiaⁿ-tī Chhiōⁿ kiû-oân Lîm Ī-cheng ê kì-lo̍k, chiâⁿ-chò Tiong-hôa Chit-pāng sú-siōng thâu-chi̍t-lâng. 7 goe̍h 8 hō koh jiok-pêⁿ tan-kùi liân-sòa siāng-chē tiôⁿ an-táⁿ ê A-chiu kì-lo̍k － Ji̍t-pún Chit-pāng Kóng-tó Tāi ê Ko-kiô Khèng-gān (高橋慶彥) tī 1979 nî phah-chhut ê liân-sòa 33-tiôⁿ an-táⁿ kì-lo̍k, Hân-kok Chit-pāng ê kì-lo̍k sī Phok Chèng-thài [ko] (朴正泰)tī 1999 nî ê 31-tiôⁿ; nā hāⁿ-kùi ū Phok Chiong-hō (朴鍾皓) tī 2003 kàu 2004 nî ê liân-sòa 39-tiôⁿ an-táⁿ, lēng-gōa Tiong-hôa Chit-pāng ê Chiúⁿ Tì-hiân mā bat tī 2015 kàu 2016 nî ta̍t-sêng liân-sòa 39-tiôⁿ an-táⁿ ê kì-lo̍k.
• Tī 2015 nî Sè-kài Iá-kiû 12-kiông Sài tùi-chiàn Í-tāi-lī ê pí-sài, in-ūi bē-kì-chit chah kiû-saⁿ, chí-hó chhēng Ngô͘ Ho̍k-liân kàu-liān ê kiû-saⁿ chiōⁿ-tiôⁿ, kiat-kó kòng-chhut hőng-bú-láng^[1]。
• 2020 nî 7 goe̍h 31, tī Thô-hn̂g Kok-chè Iá-kiû-tiôⁿ tùi-chiàn Thóng-it Sai ê pí-sài, khà-chhut kò-jîn Tiong-chit seng-gâi tē-200-ki jī-lúi an-táⁿ, sī liân-bêng tē-17-lâng.
• 2013 nî 6 goe̍h 21, tī Thô-hn̂g Kok-chè Iá-kiû-tiôⁿ tùi-chiàn Gī-tāi Sai-gû, bīn-tùi hō͘-oān tâu-chhiú Eng-khek [en] (Jesse English) khà-chhut seng-gâi thâu-chi̍t-ki chài-kiàn an-táⁿ^[2].
• 2014 nî 5 goe̍h 28, tùi-chiàn Thóng-it 7-ELEVEn Sai, bīn-tùi tâu-chhiú Bonser (Boof Bonser) khà-chhut tē-2-ki chài-kiàn an-táⁿ, tān-sī sûi in-ūi hó-pêng-iú Tân Ú-hun chhut-sài tiôⁿ-chhù ê būn-tê soah siak bō-á^[3].
• 2018 nî 7 goe̍h 12, tī Thô-hn̂g Kok-chè Iá-kiû-tiôⁿ tùi-chiàn Hù-pang Hān-chiòng, bīn-tùi hō͘-oān tâu-chhiú Lô Kok-hôa, cha̍p-kio̍k-hā kòng-chhut seng-gâi thâu-chi̍t-ki chài-kiàn hőng-bú-láng, ū nn̄g-hun ê táⁿ-tiám.

Chit-pāng Seng-gâi Sêng-chek

Bí-kok Chit-pāng

• Pêng-kin táⁿ-kek-lu̍t / chiōⁿ-lúi-lu̍t / tn̂g-táⁿ-lu̍t sī 0.263 / 0.317 / 0.331, lóng-chóng ū 85-ki an-táⁿ, kî-tiong 1-ki sī hőng-bú-láng.

Tiong-hôa Chit-pāng

Nî-tō͘	Kiû-tūi	Chhut-sài	Táⁿ-sò͘	An-táⁿ	Hőng-bú-láng	Táⁿ-tiám	Thau-luí	Sa̋n-sín	Sì-sí	Lúi-táⁿ-sò͘	Siang-sat	Táⁿ-kek-lu̍t	Chiōⁿ-lúi-lu̍t	Tn̂g-táⁿ-lu̍t	OPS
2011	Lamigo Thô-oân	109	432	130	5	55	1	65	20	179	11	0.301	0.333	0.414	0.747
2012		112	374	112	15	72	4	36	30	181	11	0.299	0.350	0.484	0.834
2013		87	294	81	3	32	0	35	25	109	7	0.276	0.333	0.371	0.704
2014		94	333	99	8	49	4	44	32	138	11	0.297	0.356	0.414	0.770
2015		109	421	125	9	71	14	71	34	176	9	0.297	0.349	0.418	0.767
2016		52	194	67	4	37	2	30	11	96	6	0.345	0.380	0.495	0.875
2017		93	347	112	7	48	3	49	35	159	7	0.323	0.381	0.458	0.839
2018		85	323	104	10	52	2	37	27	159	6	0.322	0.372	0.492	0.864
2019		114	426	138	17	94	0	65	33	215	11	0.324	0.368	0.505	0.873
2020	Lo̍k-thian Thô-oân	101	351	94	10	54	2	74	30	143	13	0.268	0.322	0.407	0.729
2021		51	137	30	0	20	0	24	8	39	4	0.219	0.267	0.285	0.552
2022		66	201	62	4	32	1	29	8	83	6	0.308	0.333	0.413	0.746
2023		37	127	39	2	13	0	17	3	51	4	0.307	0.326	0.402	0.728
2024	Bī-choân Liông	80	262	76	4	37	0	34	11	108	13	0.290	0.315	0.412	0.727
Ha̍p-kè	14-tang	1190	4222	1269	98	666	33	610	326	1836	119	0.301	0.347	0.435	0.782