Pisaw Kunyu

Pisaw Kunyu (1991 nî 4 goe̍h 27 chhut-sì ), Hàn-miâ Chan Tô-iông, sī Tâi-oân ê iá-kiû soán-chhiú, a-pah sī Truku-cho̍k, a-bú sī Rukai-cho̍k^[1], phian-miâ "Tōa-ba̍k-á", "Tô-iông tāi-tè", "Phùn-hóe Iông"^[2], bat tī Tiong-hôa Chit-pāng Tiong-sìn Hiaⁿ-tī kah Bī-choân Liông hāu-le̍k, lī-khui chit-pāng liáu-āu mā bat tī Tâi-tiong Tâi-siū Pà-liông Sêng-pāng-tūi phah-kiû.

Chan Tô-iông Pisaw Kunyu
Gōa-iá-chhiú
Chhut-sì: 1991 nî 4 goe̍h 27 ji̍t （1991-04-27）(34 hòe)  Tiong-hôa Bîn-kok Hoa-liân-koān Bān-êng-hiong
Táⁿ-kek: chiàⁿ Tâu-kiû: chiàⁿ
Chho͘-chhù chhut-sài
2015 nî 10 goe̍h 11, tī Tiong-sìn Hiaⁿ-tī
Seng-gâi sò͘-kì thóng-kè (chì 2023 nî ûi-chí)
Táⁿ-kek-lu̍t	0.245
Choân-lûi-táⁿ	27
Táⁿ-tiám	112
Thau-luí	16
Tūi-ngó͘
Tiong-sìn Hiaⁿ-tī (2015 nî－2019 nî) Bī-choân Liông (2020 nî－2023 nî)
Seng-gâi cheng-chhái piáu-hiān kah ti̍t-chióng
Tiong-hôa Chit-pāng tan-goe̍h MVP: 2017/05 Tiong-hôa Chit-pāng Bêng-seng-sài: 2017, 2022

Seng-gâi

Chan Tô-iông tī 2015 Kùi-tiong Soán-siù-hōe hō͘ Tiong-sìn Hiaⁿ-tī tī tē-10-lûn kéng tio̍h, tī jī-kun tio̍h in-ūi gâu phah chhut-miâ, bat sī táⁿ-kek-lu̍t, táⁿ-tiám kah choân-lúi-táⁿ ê "sam-koan-ông"^[3]. M̄-koh in-ūi khah bô siú-pī ê ūi-tì, só͘-í tī it-kun tio̍h ài seng chē í-liâu^[4]. 2017 nî 5 goe̍h 5 hō tan-tiûⁿ kòng chhut 3-ki hőng-bú-láng, keh-ji̍t ê thâu-chi̍t-ê táⁿ-se̍k koh kòng chi̍t-ki, chiâⁿ-chò Tiong-chit sú-siōng thâu-chi̍t-ê hāⁿ-tiûⁿ liân 4 táⁿ-se̍k hőng-bú-láng ê kiû-oân, jî-chhiáⁿ mā sī sú-siōng thâu-chi̍t-ê liân-sòa nn̄g-kang lóng-chóng 5-hong ê kiû-oân, hit-kùi i lóng-chóng kòng chhut 15-ki hőng-bú-láng.

2019 nî 11 goe̍h-té, tī "Khok-pian Soán-siù-hōe" lāi-té, Chan Tô-iông hō͘ Bī-choân Liông kéng-tio̍h, ka-ji̍p Bī-choân Liông^[5]. 2021 nî 3 goe̍h 23, tī Bī-choân Liông tùi-chiàn Lo̍k-thian Thô-oân ê pí-sài, kòng chhut Bī-choân Liông tńg-khì Tiong-chit it-kun liáu-āu ê thâu-chi̍t-ki móa-lúi choân-lúi-táⁿ. M̄-koh āu--lâi tī 2023 nî 11 goe̍h 30 hō͘ Bī-choân Liông sek-chhut^[6].

2024 nî 4 goe̍h 27, ka-ji̍p Tiong-sìn Kim-khòng kî-hā Tâi-oân Jin-siū koàn-miâ chàn-chō͘ ê gia̍p-î-tūi Tâi-tiong Tâi-siū Pà-liông Sêng-pāng-tūi^[7]. 2025 nî 2 goe̍h 13, soan-pò͘ thè-hiu.

Keng-le̍k

• Thô-hn̂g-koān Hēng-hok Kok-sió Siàu-pāng-tūi
• Thô-hn̂g-koān Kong-bêng Kok-tiong Chheng-siàu-pāng-tūi
• Ko-hiông-koān Ko-oán Kang-siong Chheng-pāng-tūi
• Ko-oán Kho-ki Tāi-ha̍k Iá-kiû-tūi
• Tiong-hôa Chit-pāng La New Hîm jī-kun chioh-chiòng (2010 nî)
• Tâi-tang Kî-lē San-ô͘ Sêng-pāng-tūi (2013 nî)
• Kok-hùn Tiong-sim Iá-kiû-tūi (2013 nî 9 goe̍h－2014 nî 8 goe̍h)
• Tâi-tang Kî-lē San-ô͘ Sêng-pāng-tūi (2014 nî 9 goe̍h－2015 nî 7 goe̍h)
• Tiong-hôa Chit-pāng Tiong-sìn Hiaⁿ-tī (2015 nî 8 goe̍h 10 hō－2019 nî)
• Tiong-hôa Chit-pāng Bī-choân Liông (2020 nî－2023 nî)
• Tâi-tiong Tâi-siū Pà-liông Tūi (2024 nî)

Chit-pāng Seng-gâi Sêng-chek

Nî-tō͘	Kiû-tūi	Chhut-sài	Táⁿ-sò͘	An-táⁿ	Hőng-bú-láng	Táⁿ-tiám	Thau-luí	Sì-sí	Sa̋n-sín	Lúi-táⁿ-sò͘	Siang-sat	Táⁿ-kek-lu̍t	Chiūⁿ-lúi-lu̍t	Tn̂g-táⁿ-lu̍t	OPS
2015	Tiong-sìn Hiaⁿ-tī	2	6	1	0	0	0	1	4	1	0	0.167	0.286	0.167	0.453
2016		26	59	19	1	4	0	4	23	31	3	0.322	0.359	0.525	0.884
2017		90	251	67	15	50	12	34	106	127	8	0.267	0.354	0.506	0.860
2018		22	36	6	1	5	0	3	13	11	0	0.167	0.225	0.306	0.531
2019		30	43	11	0	2	1	3	10	13	2	0.256	0.304	0.302	0.606
2021	Bī-choân Liông	69	216	50	6	29	2	23	81	85	3	0.231	0.304	0.394	0.698
2022		26	79	15	1	8	1	13	36	20	2	0.190	0.304	0.253	0.557
2023		15	52	13	3	14	0	4	19	24	1	0.250	0.304	0.462	0.766
Ha̍p-kè	8-tang	280	742	182	27	112	16	85	292	312	19	0.245	0.322	0.420	0.742

Te̍k-sû Sū-chek

• 2015 nî 10 goe̍h 11 tī Thian-bú Iá-kiû-tiûⁿ bīn-tùi Thóng-it 7-ELEVEn Sai tâu-chhiú Liāu Bûn-iông, kòng chhut chit-pāng it-kun seng-gâi thâu-chi̍t-ki an-táⁿ.
• 2016 nî 10 goe̍h 10 hō tī Tâi-lâm Iá-kiû-tiûⁿ bīn-tùi Thóng-it 7-ELEVEn Sai tâu-chhiú Khu Hō-kun, kòng chhut ko͘-hun hőng-bú-láng, sī chit-pāng it-kun seng-gâi thâu-chi̍t-ki hőng-bú-láng. Hit-tiûⁿ pí-sài kòng chhut 4-ki an-táⁿ tit-tio̍h tan-tiûⁿ MVP^[8].
• 2017 nî 3 goe̍h 25 tī Sin-chng Iá-kiû-tiûⁿ bīn-tùi Hù-pang Hān-chiòng tâu-chhiú N̂g Sèng-hiông, kòng chhut tāi-táⁿ 3-hun hőng-bú-láng.
• 2017 nî 5 goe̍h 5 hō tī Tōa-pi-ô͘ Iá-kiû-tiûⁿ bīn-tùi Hù-pang Hān-chiòng tâu-chhiú Seddon kah Chhòa Bêng-chìn kòng chhut 3-hiáng-phàu, sī Tiong-hôa Chit-pāng sú-siōng tē-21-lâng.
• 2017 nî 5 goe̍h 6 hō tī Tōa-pi-ô͘ Iá-kiû-tiûⁿ bīn-tùi Hù-pang Hān-chiòng tâu-chhiú Loree kòng chhut hőng-bú-láng, hāⁿ-tiûⁿ liân-sòa 4 táⁿ-se̍k kòng chhut hőng-bú-láng, sī Tiong-hôa Chit-pāng sú-siōng tē-1-lâng, kāng-chi̍t-ji̍t bīn-tùi Cheng Siông-úi koh kòng chhut chi̍t-ki hőng-bú-láng, nn̄g-kang lóng-chóng 5-ki hőng-bú-láng mā sī Tiong-hôa Chit-pāng sú-siōng thâu-chi̍t-lâng.
• 2017 nî 6 goe̍h 6 hō tī Chiu-chè Iá-kiû-tiûⁿ bīn-tùi Thóng-it 7-ELEVEn Sai tâu-chhiú Kang Sîn-àn, kòng chhut seng-gâi thâu-chi̍t-ki móa-lúi choân-lúi-táⁿ.