聚居地

聚居地（粵音：zeoi6 geoi1 dei6）係指一笪有好多人聚埋一齊長住嘅地方，可以按規模分做城市同村等。簡單講，即係人類「成群結隊」噉定居，唔會四圍流動，而係喺某個位起建築物、發展社區、搞生產活動，並形成一個穩定嘅生活環境。聚居地通常會具備幾個共通特徵：^[1][2]

• 正路實會喺大嘅河或者湖附近，方便啲人攞水（對生存嚟講不可或缺）嚟用；
• 有相對固定嘅建築群：例如屋、舖頭、道路、基建等；
• 有組織嘅社會活動：例如買賣、教育、宗教、交通等；

福建土樓；人類多數都會成班噉聚埋一齊居住，長時間共處。

東京係一笪人口好密集嘅聚居地。

聚居地亦會因為地理條件、歷史背景、文化傳統或者經濟活動而形成唔同面貌。例如香港有漁村、圍村、高密度嘅城市核心，每種聚居地都有佢嘅空間形態同社會特質。

有啲聚居地係自然噉逐步形成，例如人搵到水源或者適合耕種嘅土地，就開始喺度落腳，慢慢就發展成村甚至城市；亦有啲係規劃出嚟嘅，例如城市規劃就成日會計劃新市鎮呀噉。無論係咩形式，聚居地都係人類活動同空間互動嘅結果。

睇埋

• 城市規劃
• 埞方
• 鬼域