Gemini-program

Die Gemini-program was Nasa se tweede bemande ruimtevlugprogram. Dit het die Mercury-program opgevolg en is op sy beurt deur die Apollo-program opgevolg. Dit het in 1961 begin en het in 1966 tot 'n einde gekom. Die Gemini-ruimtetuie het 'n bemanning van twee gehad. Tien Gemini-bemannings het lae-wentelbaan missies om die aarde tussen 1965 en 1966 voltooi. Dit het verseker dat Amerika die leiding in die ruimtewedloop geneem het.

Hierdie artikel handel oor die Gemini ruimtevlugprogram. Vir ander gebruike, sien Gemini.

'n Illustrasie van die Gemini ruimtetuig

Die doelwit van die program was om tegnieke vir ruimtevaart te ontwikkel om sodoende 'n persoon op die maan te plaas. Die missies was net so lank soos reise na die maan en hulle het ook ruimtewandelings en werkstegnieke in die ruimte vervolmaak. Ook die tegnieke om ruimtetuie in die ruimte te stuur, wentelbane te verander en om ruimtetuie te dok is vervolmaak. Nadat hierdie tegnieke ontwikkel is kon die Apollo-program voortgaan om mense op die maan te plaas.

Gemini 1 en Gemini 2 was twee onbemande vlugte.

Ruimtevaarders

Groep	Ruimteman	Diens/Werkgewer	Missie, Titel
Ruimtevaardergroep 1 (Mercury-program veterane)	Gordon Cooper	Amerikaanse Lugmag	Gemini 5 Beheervlieënier
	Gus Grissom		Gemini 3 Beheervlieënier
	Wally Schirra	Amerikaanse Vloot	Gemini 6A Beheervlieënier
Ruimtevaardergroep 2	Neil Armstrong	Privaatsektor[a]	Gemini 8 Beheervlieënier
	Frank Borman	Amerikaanse Lugmag	Gemini 7 Beheervlieënier
	Pete Conrad	Amerikaanse Vloot	Gemini 5 Vlieënier
			Gemini 11 Beheervlieënier
	Jim Lovell	Amerikaanse Vloot	Gemini 7 Vlieënier
			Gemini 12 Beheervlieënier
	James McDivitt	Amerikaanse Lugmag	Gemini 4 Beheervlieënier
	Thomas P. Stafford		Gemini 6A Vlieënier
			Gemini 9A Beheervlieënier
	Edward Higgins White		Gemini 4 Vlieënier
	John W. Young	Amerikaanse Vloot	Gemini 3 Vlieënier
			Gemini 10 Beheervlieënier
Ruimtevaardergroep 3	Buzz Aldrin	Amerikaanse Lugmag	Gemini 12 Vlieënier
	Eugene Cernan	Amerikaanse Vloot	Gemini 9A Vlieënier
	Michael Collins	Amerikaanse Lugmag	Gemini 10 Vlieënier
	Richard F. Gordon	Amerikaanse Vloot	Gemini 11 Vlieënier
	David Scott	Amerikaanse Lugmag	Gemini 8 Vlieënier

Notas

1. Armstrong tree uit die diens van die Amerikaanse Vloot in 1960.