Kerriebos

Die kerriebos (Hypericum revolutum) is 'n bosserige struik of klein boompie. Die boompie is immergroen en is dikwels 'n pioneerspesie in woudkolle. Die boom groei verkieslik aan stroomoewers en woudrande op hoë hoogtes. Die boompie word 1 tot 3 m hoog. Die bas is rooibruin met hoekige takkies. Die blare is enkelvoudig, ellipties en blougroen. Hulle is by takpunte saamgebondel. Die blomme is heldergeel en pieringvormig met breë kroonblare. Die baie meeldrade is in die middel van die blom.

Lenteblomme van 'n kerriebos in Jan Celliers Park, Pretoria.

Kerriebos
'n Kerriebos in Ethiopië.
Wetenskaplike klassifikasie
Koninkryk:	Plantae
(geen rang):	Angiosperms
(geen rang):	Eudicots
(geen rang):	Rosids
Orde:	Malpighiales
Familie:	Hypericaceae
Genus:	Hypericum
Spesie:	H. revolutum
Binomiale naam
Hypericum revolutum Vahl

Sien ook

• Alfabetiese lys van Suid-Afrikaanse bome

Bron

• Natuurlewe van Suid-Afrika Duncan Butchart Struik Nature 2012 ISBN 978-1-4317-0248-0

Eksterne skakels

• Wikimedia Commons het meer media in die kategorie Kerriebos.
• Wikispecies het meer inligting verwant aan Kerriebos