Leeds

Leeds (Engels: [ˈliːdz]) is 'n stad en metropolitaanse borough in Wes-Yorkshire, Noord-Engeland wat as die kulturele, finansiële en kommersiële sentrum van die stedelike gebied van Wes-Yorkshire (West Yorkshire Urban Area) met 'n bevolking van 1,5 miljoen dien.

Leeds
Ligging in Engeland	Kaart



	Wapen


Land	Verenigde Koninkryk
Land (VK)	Engeland
Graafskap	Wes-Yorkshire
Koördinate	53°48′N 1°33′W
Oppervlakte:
- Totaal	551,72 vk km
Bevolking:
- Totaal (2017)	784 800
- Bevolkingsdigtheid	1 422/km²
Tydsone	UTC +0 (GMT)
- Somertyd	UTC +1 (BST)
Lord Mayor	Eileen Taylor
Amptelike webwerf	www.leeds.gov.uk

Leeds maak daarnaas deel uit van die metropolitaanse gebied van Leeds-Bradford, die vierde grootste in die Verenigde Koninkryk met 'n bevolking van sowat 2,3 miljoen en vorm die kernstad van die Leeds City Region, 'n ekonomiese streek met 'n bevolking van 2,9 miljoen. Vandag is Leeds die Verenigde Koninkryk se belangrikste sentrum vir sake-, regs- en finansiële dienste buiten Londen.

Die stad voer sy oorsprong terug na die 5de eeu toe die Koninkryk Elmet deur die bos van Loidis bedek was. Leeds het later 'n belangrike sentrum vir die wolbedryf geword wat ook tydens die nywerheidsomwenteling die basis van die plaaslike ekonomie sou vorm. Die stadsgebied van Leeds het vinnig uitgebrei en steeds meer nedersettings in die omgewing geabsorbeer om in die middel van die 20ste eeu tot een van Engeland se digsbevolkte stede te groei. Die huidige kernstad is met 'n bevolking van sowat 441 000 volgens die sensus van 2010 die vyfde grootste stedelike nedersetting in die Verenigde Koninkryk.

'n Aantal nedersettings in die Verenigde State en Kanada is na Leeds genoem.

Leeds was een van die gasheerstede tydens die krieketwêreldbekertoernooie in 1975, 1979, 1983, 1999, 2019, die Rugbywêreldbeker 2015 en die T20I-vrouewêreldbeker 2026.

Leeds

Demografie

Susterstede

Eksterne skakels

Wikiwand - on