Santali

Santali (ᱥᱟᱱᱛᱟᱲᱤ, সাঁওতালি) is 'n Austro-Asiatiese taal wat deur sowat 7,6 miljoen mense in Oos-Indië, Bangladesj, Nepal en Bhoetan gepraat word. Santali is een van die amptelike tale van Indië naas Engels en Hindi. Santali word, afhangende van die gebied, met die Ol Chiki-alfabet, Devanagari, die Oostelike Nagari-skrif, die Latynse alfabet of die Odia-alfabet geskryf.

Die woord "Santali" in die Ol Chiki-alfabet

Santali se Ol Chiki-alfabet

 

Santali ᱥᱟᱱᱛᱟᱲᱤ, সাঁওতালি
Gepraat in:	Indië  Bangladesj  Nepal  Bhoetan
Gebied:	Suid-Asië
Totale sprekers:	7,6 miljoen[1]
Taalfamilie:	Austro-Asiaties  Moenda   Noord-Moenda    Santali
Skrifstelsel:	Ol Chiki-alfabet Devanagari Oostelike Nagari-skrif Latynse alfabet Odia-alfabet
Amptelike status
Amptelike taal in:	Indië[2] Jharkhand
Gereguleer deur:	geen
Taalbedreigingstatus
Uitgesterf EXUitgestorwe taal Bedreig CRKrities bedreigde SEErg bedreigde DEBedreigde VUKwesbare    Veilig    NENie bedreig nie Dit is 'n kwesbare taal volgens die UNESCO-wêreldatlas van bedreigde tale.
Taalkodes
ISO 639-1:	geen
ISO 639-2:	sat
ISO 639-3:	sat

Santali is ná Viëtnamees en Khmer die derde mees gesproke Austro-Asiatiese taal en by verre die belangrikste van dié taalfamilie in Suid-Asië. Dit is verwant aan Ho en Moendari, al drie vorm die amptelike tale van die Indiese deelstaat Jharkhand. Daarbenewens word Santali in die Indiese deelstate Orissa en Wes-Bengale gepraat.