Andreas Jung

De Andreas Jung (* 13. Mai 1975 z Friiburg im Briisgau) isch en badischer Politiker (CDU). Er isch sit em 2005i Mitglied vom dütsche Bundestag.

Andreas Jung MdB

Labe un Bruef

Im 1994i het de Andreas Jung sis Abitur am Nellenburg-Gymnasium z Stockach gmacht un im Aaschluss do dra het er an de Uni Konschtanz sis Jus-Schtudium ufgnoh, wo er im 2000 mit em Schtaatsexame abgschlosse het. Nach em Referendariat het er 2002 au s zweite Schtaatsexame abglägt un im 2003 het er sini Zulassig als Rechtsawalt übercho. Sither schafft er bi de Kanzlei Rittershaus z Manne.

Partei

De Andreas Jung isch im 1990i Mitglid vo de Junge Union (JU) worde un im 1993i vo de CDU. Vo 1993 bis 1999 isch er Vorsitzender vom JU-Kreisverband Konschtanz gsi un von 2000 bis 2002 au im JU-Bundesvorschtand. Vo 2002 bis 2006 isch er Vorsitzender vom JU-Bezirksverbandes Südbade gsi.

De Andreas isch au Mitglid vom Vorschtand vom CDU-Kreisverband Konschtanz un zwar sit em 1995i un sit em 2007 als Vorsitzener. Ausserdem isch er sit em Johr 2001 im Landesvorschtand vo de CDU Bade-Württebärg.

Abgeordneter

Sit em 2005 isch de Andreas Jung Mitglid vom dütsche Bundestag un derte schtellvertretender Vorsitzender vo de Junge Gruppe vo de CDU/CSU-Bundestagsfraktion. Er isch als Wahlkreisabgordeneter vom Wahlkreis Konschtanz in de Bundestag iizoge. Bi de Bundestagswahl 2009 het er 43,1 % vo de Erschtschtimme gha^[1].