Historia de la ciencia, y de la téunica o de la ciencia y la teunoloxía son denominaciones de la disciplina qu'estudia'l desenvolvimientu históricu de la ciencia y la téunica o teunoloxía, según la interrellación que tuvieron ente sigo y col restu de los aspeutos de la cultura (la economía, la sociedá, la política, la relixón, la ideoloxía, etc.).
L'analís históricu de la ciencia y la teunoloxía recurre a los conteníos y a la metodoloxía de les distintes subdivisiones de la historia, tantu temátiques (historia de les idees, historia cultural, historia social, historia económica) como temporales y espaciales.