HD 155358
From Wikipedia, the free encyclopedia
Remove ads
Coordenaes: 
17h 9m 34.618s, 33° 21′ 21.086″
HD 155358 (HIP 83949 / BD+33 2840 / Wolf 646)[10] ye una estrella na constelación d'Hércules. De magnitú aparente +7,27, nun ye visible a simple vista. En 2007 afayáronse dos planetes estrasolares orbitando alredor d'esta estrella.[11]
Asitiada a 142 años lluz del Sistema Solar, HD 155358 ye una subxigante mariella de tipu espectral G0. Tien una temperatura superficial de 5760 ± 101 K y el so radiu ye un 37% más grande que'l del Sol.[12] La so masa ye igual al 87% de la masa solar. Estos parámetros indiquen que HD 155358 abandonó yá la secuencia principal.[11]
Especialmente notable ye la baxa metalicidá de HD 155358, con una rellación fierro / hidróxenu de namái'l 21% de la solar,[11] lo que la convierte na estrella qu'alluga un sistema planetariu con menor metalicidá. Ye una estrella del discu gruesu de la galaxa muncho más vieya que'l Sol, con una edá envalorada de siquier 12.000 millones d'años.[13]
Remove ads
Sistema planetariu
El primer planeta, HD 155358 b, ye un xigante gaseosu que xira en redol a la estrella a una distancia media de 0,63 UA a lo llargo d'una órbita moderadamente escéntrica. La so masa mínimo ye igual al 89% de la masa de Xúpiter.[14] El segundu planeta, HD 155358 c, ye tamién un xigante gaseosu que se mueve a 1,224 UA de la estrella nuna órbita escéntrica que completa cada 530,3 díes. La so masa mínimo ye daqué más de la metá de la de masa de Xúpiter.[14]
Los dos planetes interactúan gravitacionalmente: considerando la masa de cada planeta como la masa mínimo determinada empíricamente, intercambien escentricidaes cada 2700 años y los sos argumentos del periastru cada 2300 años.[11]
Remove ads
Ver tamién
Referencies
Wikiwand - on
Seamless Wikipedia browsing. On steroids.
Remove ads