Heze
From Wikipedia, the free encyclopedia
Remove ads
Coordenaes: 
13h 34m 41.591s, -0° 35′ 44.939″
Heze ye'l nome de la estrella ζ Virginis (ζ Vir / 79 Virginis), de magnitú aparente +3,37. Ye la cuarta estrella más brillosa de la constelación de Virgu, dempués d'Espiga (α Virginis), Porrima (γ Virginis) y Vindemiatrix (ε Virginis). Desconozse l'orixe del so nome.[6]
Heze ta asitiada mui cerca del ecuador celeste, apenes mediu grau al sur y, xunto a α Sextantis, ye una referencia útil p'alcontralo.[6]
Remove ads
Carauterístiques
Heze ye una estrella blanca de la secuencia principal de tipu espectral A3V[7][8] que s'atopa a 73 años lluz del Sistema Solar. La so temperatura superficial de 8400 K y la so lluminosidá, 18 vegaes mayor que la del Sol, dexen envalorar la so masa y radio. La so masa ye 1,9 vegaes mayor que la masa solar y el so radiu ye'l doble que'l radiu solar. Tien una edá averada de 510 millones d'años,[9] lo que supón que percorrió'l 54% del so trayeutu dientro de la secuencia principal.[10] Con una velocidá de rotación nel so ecuador de siquier 222 km/s,[11] realiza un xiru completu en menos d'un día. El so conteníu metálico ye sensiblemente inferior a la solar ([Fe/H] = -0,26).[12]
Remove ads
Compañera estelar
En 2010 afayóse que Heze tien una tenue compañera estelar que'l so rellumu ye unes 7 magnitúes inferior —en banda H— al de la estrella primaria. Modelos d'evolución estelar dexen envalorar la so masa en 0,17 mases solares. Asumiendo que dambos oxetos tienen la mesma edá, la so masa suxer que ye una nana colorada de tipu espectral M4V - M7V, lo que foi confirmáu por midíes espectroscópicas. El semiexe mayor de la órbita ye de, siquier, 24,9 UA y el so periodu orbital ye cimeru a 124 años. La escentricidá de la órbita ye igual o mayor de 0,16.[13]
Remove ads
Referencies
Wikiwand - on
Seamless Wikipedia browsing. On steroids.
Remove ads