Área metropolitana de Nueva York
From Wikipedia, the free encyclopedia
L'área metropolitana de Nueva York, tamién conocida como Área de los trés estaos (Tri-State Area) ye la mayor área metropolitana del mundu por estensión de superficie urbana, con 11.640 km²[1]. Inclúi la ciudá de Nueva York (la más poblada d'Estaos Xuníos), Long Island y los tramos mediu y baxu del valle del Hudson, nel estáu de Nueva York; les cinco ciudaes mayores del estáu de Nueva Jersey (Newark, Jersey City, Paterson, Elizabeth y Edison) y la so rodiada; y seis de les siete mayores ciudaes de Connecticut (Bridgeport, New Haven, Stamford, Waterbury, Norwalk y Danbury) y la so rodiada.
Área metropolitana de Nueva York | |
---|---|
Alministración | |
País | Estaos Xuníos d'América |
Tipu d'entidá | Área estadística metropolitana |
Nome oficial | New York metropolitan area (en) |
Nome llocal | New York metropolitan area (en) |
División |
ver
|
Xeografía | |
Coordenaes | 40°48′31″N 74°01′13″W |
Superficie | 34,490 km² |
Altitú media | 509 m |
Demografía | |
Población | 20 140 470 hab. (1r abril 2020) |
Densidá | Error d'espresión: Caráuter de puntuación "," non reconocíu. hab/km² |
Más información | |
Estaya horaria | UTC−05:00 y UTC−04:00 |
L'área metropolitana de Nueva York ye la más poblada del país: si la definimos en términos de la so área estadística metropolitana, de 17.405 km² d'estensión, tenía 20,3 millones d'habitantes en 2017[2], y si la definimos en términos de la so área estadística combinada, qu'abarca 34.493 km², la so población yera de 23,7 millones de residentes en 2016[3]. Ye la décima mayor aglomeración urbana del mundu[4], y la principal puerta d'entrada d'inmigrantes ilegales nel país[5]; ye l'área metropolitana del mundu con un porcentaxe mayor de xente nacida fuera del país. La población del área ye mayor que la del conxuntu del estáu de Nueva York, y al so espaciu aereu aportaron, en 2016, 130 millones de pasaxeros[6].
L'área ye una de las rexones económiques más importantes del mundu; agospia la sede y los centros productivos de munches industries, instituciones financieres y educatives, medios de comunicación, industries de moda y bioteunoloxía, servicios llegales, industries del entretenimientu... El productu interior brutu del área estadística metropolitana foi, en 2015, de 1,6 billones de dólares[7], y el del área estadística combinada superaba, en 2015, los 1,83 billones, que faen d'ella la más rica del país y ser, respeutivamente, el décimu y octavu "país" más ricu del mundu. Nella tán 7 de los 25 condaos más ricos por ingresu mediu por hogar del país, y cinco de los 10 llugares más ricos d'Estaos Xuníos según una encuesta de Bloomberg: Scarsdale y Bronxville, nel estáu de Nueva York; Short Hills, en Nueva Jersey; y Old Greenwich y Darien, en Connecticut[8].
La rede d'instituciones d'educación superior del área inclúi cientos d'universidaes, incluyendo la Universidá de Columbia, la Universidá de Princeton y la Universidá de Yale, que figuren davezu nos primeros puestos de los ránkings del país y del mundu, siempre ente les diez primeres[9][10]. Otres, como la Universidá de Nueva York, la Universidá Rockefeller y el campus teunolóxicu de la Universidá de Cornell apaecen tamién ente les 40 meyores del mundu[11][12].