Іван Пляхімовіч

Іва́н Пляхімо́віч (нар. 30 студзеня 1978, Ашмяны) — беларускі юрыст. Кандыдат юрыдычных навук (2004), дацэнт (2007).

Іван Пляхімовіч лац. Ivan Plachimovič
Дата нараджэньня	30 студзеня 1978(1978-01-30) (47 гадоў)
Месца нараджэньня	Ашмяны, Гарадзенская вобласьць, БССР, СССР
Месца вучобы	Гарадзенскі дзяржаўны ўнівэрсытэт імя Янкі Купалы (1999)
Занятак	юрыст
Месца працы	Нацыянальны цэнтар законапраектнай дзейнасьці пры прэзыдэнце Рэспублікі Беларусі[d] БДУ
Навуковая ступень	кандыдат юрыдычных навук[d] (2004)

Біяграфія

Скончыў Гарадзенскі дзяржаўны ўнівэрсытэт імя Янкі Купалы (спэцыяльнасьць «Правазнаўства», 1999), асьпірантуру Беларускага дзяржаўнага ўнівэрсытэту (спэцыяльнасць «Канстытуцыйнае права; муніцыпальнае права», 2002).

З 2002 году працаваў дацэнтам катэдры канстытуцыйнага права Юрыдычнага факультэту Беларускага дзяржаўнага ўнівэрсытэту, у 2004—2008 гадох намесьнік дырэктара ў Нацыянальным цэнтры законапраектнай дзейнасьці. У 2007 годзе атрымаў нагрудны знак Міністэрства юстыцыі Рэспублікі Беларусь «За адзнаку» 2 ступені.

У 2015 годзе ў двухтомным «Камэнтары да Канстытуцыі Рэспублікі Беларусь», сярод іншага, прывёў прыклады парушэньня асноўнага закону з боку рэжыму Лукашэнкі, па чым у 2016 годзе ў яго адабралі прадмет «Канстытуцыйнае права»^[1], а ў 2019 годзе, увогуле, звольнілі з БДУ^[2].

У студзені 2021 году выступіў з прапановай замацаваць беларускі нацыянальны дэвіз «Жыве Беларусь!» у Канстытуцыі як дзяржаўны сымбаль, што мае спрыяць разьвіцьцю і адзінству беларускай нацыі, умацаваньню яе духу, паказваць адметнасьць беларусаў^[3].

Навуковая дзейнасьць

Вывучае канстытуцыйнае права (асновы канстытуцыйнага ладу, праўныя акты, нарматворчы працэс).

Асноўныя працы

• Основы конституционного строя: теория института. — Минск, 2008. — 160 с — ISBN 978-985-442-586-3.
• Система конституционного законодательства Беларуси // Веснік Канстытуцыйнага Суда Рэспублікі Беларусь. — 2008. — № 2. — С. 65—78.
• Канстытуцыйнае заканадаўства Беларусі: агульнасістэмны і іерархічны аспекты // Вестник Полоцкого государственного университета. — 2008. ― № 4. ― С. 127―132.
• Комментарий к Конституции Республики Беларусь : в 2-х т. — Минск, 2015. Т. 1. — 1221 с; Т. 2. — 981 с — ISBN 978-985-7077-80-9.
• Дэмакратыя. Аўтарытарызм. Навука // Демократия. Закон. Право: сб. материалов круглого стола, посвящ. 90-летию со дня рождения А. А. Головко, Минск, 12 дек. 2015 г. / Белорус. гос. ун-т. — Минск, 2016. — С. 112—115.