Ігар Гомэс

І́гар Сылвэ́йра Го́мэс (па-партугальску: Igor Silveira Gomes; нар. 17 сакавіка 1999 году) — бразыльскі футбаліст, паўабаронца клюбу «Атлетыку Мінэйру». Праз свой стыль гульні гульца часта параўноўваюць з суайчыньнікам Кака, які таксама ёсьць гадаванцам моладзевай сыстэмы «Сан-Паўлу»^[2].

Ігар Гомэс
Пэрсанальная інфармацыя
Нарадзіўся	17 сакавіка 1999(1999-03-17)[1] (26 гадоў) Сан-Жазэ-ду-Рыю-Прэту, Сан-Паўлу, Бразылія
Пазыцыя	паўабаронца
Клюбная інфармацыя
Клюб	Атлетыку Мінэйру
Нумар	17
Клюбы
Гады	Клюб	Гульні (галы)¹
2018—2022	Сан-Паўлу	168 (10)
2023—4	Атлетыку Мінэйру	89 (5)
¹ Колькасьць гульняў і галоў за прафэсійны клюб лічыцца толькі для нацыянальнай лігі, адкарэктавана на 13 чэрвеня 2025.

Біяграфія

У юнацтве выступаў у шэрагу нязначных футбольных клюбаў перш чым ва ўзросьце 14 гадоў далучыўся да акадэміі «Сан-Паўлу». У пачатку 2016 году футбаліст быў пераведзены ў клюбную дружыну да 17 гадоў, а ўжо ў канцы таго ж году быў пераведзены ў дружыну да 20 гадоў. У 2018 годзе ў складзе рэзэрвовай каманды стаў уладальнікам Кубка Бразыліі сярод моладзі да 20 гадоў^[3][4]. 11 верасьня падоўжыў кантракт да 31 сакавіка 2023 году^[5]. 26 верасьня 2018 году Ігар разам з шэрагам іншых маладых гульцоў быў пераведзены да табару асноўнай дружыны^[6]. 26 лістапада адбыўся дэбют у прафэсійным футболе, калі атлет выйшаўшы на замену замест Фэліпэ Араруны ў нічыйным матчы супраць клюбу «Спорт», які скончыўся зь лікам 0:0^[7]. Ужо ў сэзоне 2019 годзе гулец стаў часта зьяўляцца на пляцоўцы. 24 сакавіка 2019 году Гомэс двойчы забіў у пераможным матчу супраць «Ітуану», які скончыўся зь лікам 2:1. 6 студзеня 2023 году стаў футбалістам клюбу «Атлетыку Мінэйру», склаўшы чатырохгадовую ўгоду^[8].

Дасягненьні

«Сан-Паўлу»:

• Чэмпіён штату Сан-Паўлу: 2021

«Атлетыку Мінэйру»:

• Чэмпіён штату Мінас-Жэрайс: 2023, 2024, 2025