Ігар Тур

Ігар Тур — беларускі журналіст, прапагандыст рэжыму Лукашэнкі.

Ігар Тур
Род дзейнасьці	журналіст, прапагандыст
Дата нараджэньня	26 сакавіка 1989(1989-03-26) (36 гадоў)
Месца нараджэньня	Горадня
Месца вучобы	факультэт журналістыкі Беларускага дзяржаўнага ўнівэрсытэту[d]
Занятак	журналіст
Месца працы	Першы Нацыянальны канал Беларускага радыё Радыё Бі-Эй[d] Агульнанацыянальнае тэлебачаньне
Узнагароды	Мэдаль Францішка Скарыны (2021) і іншыя

Біяграфія

Вырас у пасёлку Першамайскі Лідзкага раёну. Скончыў Інстытут журналістыкі БДУ. Працаваў на Беларускім радыё й Радыё «Бі-Эй»^[1]. З 2014 году працуе на тэлеканале «АНТ». Асьвятляў падзеі з удзелам Аляксандра Лукашэнкі.

Тур знаходзіцца пад санкцыямі Канады, ЭЗ (гл. Чорны сьпіс Эўразьвязу), Швайцарыі і Украіны^[2].

Прапагандысцкая дзейнасьць

Здымаў сюжэты з ачарненьнем дэмакратычнай апазыцыі(be)^[3][4][5][6]. Пасьля масавых пратэстаў у 2020 годзе, якія суправаджаліся арыштамі, катаваньнямі й забоствамі пратэстоўцаў, а таксама звальненьня шматлікіх супрацоўнікаў тэлевізіі, нязгодных з інфармацыйнаю палітыкаю рэжыму Лукашэнкі, стаў адной з цэнтральных фігураў прапаганды ў Беларусі^[6][7]. Дэманстраваў у перадачах матэрыялы тэлефоннай праслушкі няяснага паходжаньня^[8].

Сям’я

Бацька — інжынэр-энэргетык, маці — дырэктар Палацу культуры Ліды^[9].

Узнагароды

Пераможца XIII нацыянальнага конкурсу «Тэлевяршыня» ў намінацыі «Найлепшы рэпартэр» (2017)^[1].

11 студзеня 2021 году Аляксандар Лукашэнка ўзнагародзіў Тура Мэдалём Францішка Скарыны «за прафэсіяналізм і асабісты ўнёсак у разьвіцьцё дзяржаўнай інфармацыйнай палітыкі й нацыянальнай журналістыкі». Разам зь ім розныя ўзнагароды таксама атрымалі прапагандысты Рыгор Азаронак, Андрэй Мукавозчык і іншыя^[10].