Абаб’е

Аба́б’е^[4] — возера ў Браслаўскім раёне Віцебскай вобласьці, знаходзіцца за 16 км на паўночны ўсход ад Браслава, каля вёскі Вялікае Абаб’е (Плюскі сельсавет).

Возера Абаб’е Краіна Беларусь Плошча 1,4 км²[1] Плошча вадазбору 32,8 км²[1] Максымальная глыбіня 2,9 м[1] Сярэдняя глыбіня 1,8 м[2] Празрыстасьць 2,3 м[3] Найбольшая даўжыня 3,27 км[1] Найбольшая шырыня 0,87 км[1] Даўжыня берагавой лініі 10,5 км[1] Аб’ём вады 2,54 млн м³[1] Каардынаты 55°45′20″ пн. ш. 27°13′35″ у. д. Абаб’е на мапе Беларусі ± Абаб’е Абаб’е

Возера знаходзіцца ў басэйне ракі Друйка (Дзьвіна). Плошча яго паверхні — 1,4 км², вадазбору (пласкахвалісты, 57 % пад лесам) — 32,8 км², найбольшая глыбіня — 2,9 м, працягласьць берагавой лініі — 10,5 км^[1].

Возера эўтрофнае, слабапраточнае. Пратокамі злучанае з азёрамі Дубрай, Вялікай Ельняй, Дуброкам, з возера выцякае рака Абабіца. У выніку мэліярацыі ўзровень возера панізіўся на 1 м.

Будова

Берагавая лінія зьвілістая, утварае некалькі доўгіх вузкіх заліваў. Берагі нізкія, абалона шырынёй 10—50 м, на поўначы да 300 м, балоцістая.

Катлавіна тэрмакарставага тыпу, лопасьцевай формы, выцягнутая з поўначы на поўдзень. Схілы вышынёй 1—4 м, спадзістыя, парослыя лесам і хмызьняком, на захадзе разараныя.

Дно плоскае, пакрытае сапрапэлем, уздоўж берагоў пясчанае. Зарастае падводнай расьліннасьцю па ўсёй плошчы.

Фаўна

Водзяцца карась, лін, шчупак, акунь, лешч, краснапёрка, укляя.