Агароднікі (Воўчынскі сельсавет)

Агаро́днікі^[2] (таксама — Угуро́днікі^[2], Гаро́днікі^[2]) — вёска ў Камянецкім раёне Берасьцейскай вобласьці. Уваходзіць у склад Воўчынскага сельсавету.

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Агароднікі (неадназначнасьць).

Агароднікі
трансьліт. Aharodniki
Дот каля Агароднікаў
Краіна:	Беларусь
Вобласьць:	Берасьцейская
Раён:	Камянецкі
Сельсавет:	Воўчынскі
Насельніцтва:	36 чал. (2009)[1]
Часавы пас:	UTC+3
Тэлефонны код:	+375 1631
Паштовы індэкс:	225085
СААТА:	1240817066
Нумарны знак:	1
Геаграфічныя каардынаты:	52°13′24″ пн. ш. 23°20′35″ у. д.
Агароднікі на мапе Беларусі ± Агароднікі Агароднікі
Галерэя здымкаў у Вікісховішчы

Гісторыя

У сярэдзіне XIX стагодзьдзя Агароднікі належалі Берасьцейскаму павету Гарадзенскай губэрні і ўваходзілі ў склад маёнтку Ставы, якім валодала графіня Красінскі. Да 1865 году ў вёсцы дзейнічаў каталіцкі храм XVIII стагодзьдзя пабудовы, пасьля падаўленьня паўстаньня 1863 году драўляны храм быў перададзены праваслаўным, перабудаваны і асьвечаны як царква сьвятога Ануфрыя^[3].

У 1897 годзе ў Агародніках было 53 двары і 399 жыхароў, у 1905 годзе — 443 жыхары^[3].

Згодна з Рыскай мірнай дамовай (1921) вёска ўвайшла ў склад міжваеннай Польшчы, дзе ўваходзіла да Берасьцейскага павету Палескага ваяводзтва. У 1923 годзе тут пражывала 257 жыхароў. У верасьня 1939 году ў складзе БССР. У 1940—1941 гадах на ўскраіне вёскі пабудаваны адзін з дотаў Берасьцейскага ўмацаванага раёну (захаваўся)^[3].

Насельніцтва

• 2009 год — 36 чалавек^[1]
• 1999 год — 68 чалавек