Адраджэньне (выдавецтва)

«Адраджэ́ньне»  — беларускае каапэратыўна-выдавецкае таварыства, заснаванае ў сакавіку 1922 году ў Менску. Таварыства ставіла перад сабой асьветніцкія задачы й мела на мэце выданьне мастацкіх твораў і падручнікаў для беларускіх школ.

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Адраджэньне (неадназначнасьць).

Адраджэньне
Тып	Акцыянэрнае таварыства
Заснаваная	1 сакавіка 1922 (103 гады таму)
Заснавальнікі	Народны камісарыят асьветы
Краіна	Беларусь
Разьмяшчэньне	Менск
Закрытая	сьнежань 1922
Ключавыя фігуры	Антон Баліцкі , Сьцяпан Некрашэвіч, Язэп Дыла
Галіна	Выдавецкая
Прадукцыя	Кнігі, літаратурна-навуковы весьнік «Адраджэньне»

Гісторыя

Выдавецтва паўстала па ініцыятыве Акадэмічнага Цэнтру ў складзе: Народны камісарыят асьветы (5704 паі), Цэнтрабелсаюз (2852 пая), Наркамзем (100 паёў), Народны камісарыят унутраных спраў (25 паёў), Цэнтрабелсельгас (25 паёў), Беларускі Акадэмічны Тэатар (25 паёў) і прыватныя асобы (7 паёў). Пай лічыўся па 10 рублёў золатам. Выдавецтвам было выдадзена 15 кніжных найменьняў, адзін нумар часопіса «Адраджэньне»^[1]. Кнігарня выдавецтва месьцілася ў былым гатэлі «Эўропа» на Губэрнатарскай вуліцы. Кнігі прадаваліся ў Ігумене, Слуцку, Бабруйску, Барысаве, Віцебску, Гомлі й Маскве.

Цэнтральны камітэт КПБ заўважыў у артыкулах часопіса «Адраджэньне» пра адраджэньне беларускай культуры й літаратуры антысавецкі напрамак, і дзеля ўзмацненьня кіраўніцтвам выдавецтва «Адраджэньне» ператварылі ў каапэратыўна-выдавецкае таварыства «Савецкая Беларусь», якому пляны выдавецкай працы замацоўваліся Агітацыйна-прапагандысцкім аддзелам ЦБ КПБ. Плян складаўся з трох частак: школьныя падручнікі й навуковая літаратура; палітычная літаратура; мастацкая літаратура^[2][3].

Кіраўнікі

• Антон Баліцкі (1891—1937) — старшыня праўленьня.
• Сьцяпан Некрашэвіч (1883—1937) — заступнік старшыні на правах дырэктара Таварыства.
• Язэп Дыла (1880—1973), Біруля, Валадкевіч — чальцы праўленьня.

Бібліяграфія

Адраджэньне: літаратурна-навуковы весьнік Інстытута Беларускай Культуры / рэдактар Язэп Лёсік. — Менск: Беларускае кааперацыйна-выдавецкае таварыства «Адраджэньне», 1922. — Т. Сшытак 1. — 330 с. — 1000 ас. Багушэвіч, Францішак. Дудка беларуская ; Смык беларускі / прадмова: Максім Гарэцкі. — Менск: Беларускае кааперацыйна-выдавецкае таварыства «Адраджэньне», 1922. — 92 с. — 3000 ас. Зоркі — Беларуская дзіцячая часопісь. — Менск: Беларускае кааперацыйна-выдавецкае таварыства «Адраджэньне», 1922. — 52 с. — 1750 ас. Валасковіч С. і Лукашэвіч Т. Зборнік арытмэтычных задач. Ч. І. — Менск: Беларускае кааперацыйна-выдавецкае таварыства «Адраджэньне», 1922. — 122 с. — 15 000 ас. Валасковіч С. і Лукашэвіч Т. Зборнік арытмэтычных задач. Ч. ІІ. — Менск: Беларускае кааперацыйна-выдавецкае таварыства «Адраджэньне», 1922. — 152 с. — 10 000 ас. Валасковіч С. і Лукашэвіч Т. Методыка арытметыкі. — Менск: Беларускае кааперацыйна-выдавецкае таварыства «Адраджэньне», 1922. — X,176 с. — 2000 ас. Кармовыя расьліны «сэрадэля» й «пялюшка» / Народны камісарыят земляробства ССРБ. — Менск: Беларускае кааперацыйна-выдавецкае таварыства «Адраджэньне», 1922. — 16 с. — 5000 ас. Колас, Якуб. Водгульле : вершы. — Менск: Беларускае кааперацыйна-выдавецкае таварыства «Адраджэньне», 1922. — 4,107.ІІІ с. — 3000 ас. Купала, Янка. Спадчына. — Менск: Беларускае кааперацыйна-выдавецкае таварыства «Адраджэньне», 1922. — 221 с. — 4000 ас.

Лёсік, Язэп. Практычная граматыка. Ч.1, Асноўныя правілы беларускага правапісу з практыкаваннямі. — 2-е выданьне пераробленае. — Менск: Беларускае кааперацыйна-выдавецкае таварыства «Адраджэньне», 1922. — 98 с. — 20 000 ас. Лёсік, Язэп. Практычная граматыка. Ч. 2: Кароткі курс этымалогіі і сінтаксу. — Менск: Беларускае кааперацыйна-выдавецкае таварыства «Адраджэньне», 1922. — 314 с. Маладая Беларусь : навукова-літаратурны зборнік. Бюро беларускіх студэнцкіх арганізацый у Маскве. — Менск: Беларускае кааперацыйна-выдавецкае таварыства «Адраджэньне», 1922. — Т. Сшытак 1. — 83,3л.карт с. — 2000 ас. Некрашэвіч С. Роднае слова : другая пасля лемантара кніга да чытання / пад рэдакцыяй Сьцяпана Некрашэвіча. — Менск: Беларускае кааперацыйна-выдавецкае таварыства «Адраджэньне», 1922. — 161 с. — 22 000 ас. Чарот, Міхась. Босыя на вогнішчы : Паэма з 10-ма малюнкамі і з крытычным нарысам Ў. Ігнатоўскага і артыкулам В. Кнорына / Малюнкі М.Філіповіча. — Менск: Беларускае кааперацыйна-выдавецкае таварыства «Адраджэньне», 1922. — 48ст.тэксту+20ст.малюнкаў с. — 10 000 ас. Янчук, Мікалай. Нарысы па гісторыі беларускай літаратуры : старадаўні перыяд : (курс прачытаны ў Маскоўскім універсітэце) / пад рэдакцыяй Уладзімера Дзяржынскага. — Менск: Беларускае кааперацыйна-выдавецкае таварыства «Адраджэньне», 1922. — 118 с. — 3000 ас. Ясакар. Пад родным небам : зборнік вершаў. (З году ў год ; Грымоты й цішы ; Зачарованы край). — Менск: Беларускае кааперацыйна-выдавецкае таварыства «Адраджэньне», 1922. — 134 с. — 3000 ас.