Алег Качан

Алег Леанідавіч Качан (нарадзіўся 3 кастрычніка 1967 году, Ігумен Менскай вобласьці БССР) — беларускі дзяржаўны дзяяч, міністар спорту і турызму Рэспублікі Беларусь (2009—2012).

Алег Качан лац. Aleh Kačan
Міністар спорту і турызму Рэспублікі Беларусь
26 чэрвеня 2009 — 28 кастрычніка 2012
Прэзыдэнт	Аляксандар Лукашэнка
Прэм’ер-міністар	Сяргей Сідорскі
Папярэднік	Аляксандар Грыгараў
Наступнік	Аляксандар Шамко
Асабістыя зьвесткі
Нарадзіўся	3 кастрычніка 1967 (57 гадоў) г. Ігумен, Менская вобласьць, БССР
Адукацыя	Берасьцейскі дзяржаўны ўнівэрсытэт імя А. С. Пушкіна (1992) Сьмілавіцкі дзяржаўны аграрны коледж[d] (1986)

Біяграфія

Алег Качан нарадзіўся ў 1967 годзе ў Ігумене Менскай вобласьці.

У 1986 годзе скончыў Сьмілавіцкі саўгас-тэхнікум Дзяржаграпраму БССР, у 1992 — Берасьцейскі дзяржаўны пэдагагічны інстытут імя А. С. Пушкіна па спэцыяльнасьці «фізычнае выхаваньне». 1992—1998 — трэнэр-выкладчык у дзіцяча-юнацкіх спартовых школах Менскай вобласьці. 1998—2002 — загаднік аддзелу па фізычнай культуры, спорце і турызьме Лагойскага райвыканкаму Менскай вобласьці. 2002—2004 — намесьнік старшыні Лагойскага райвыканкаму. 2004—2009 — начальнік управы фізычнай культуры, спорту і турызму Менскага аблвыканкаму. 26 чэрвеня 2009 году прызначаны міністрам спорту і турызму Беларусі, адстаўлены быў 28 кастрычніка 2012 году.

Вонкавыя спасылкі

• Старонка на праекце «Хто ёсьць хто ў Рэспубліцы Беларусь» (рас.)