Аляксандар Грыгараў

Алякса́ндар Уладзі́меравіч Гры́гараў (нар. 9 верасьня 1948, Баранавічы, цяпер у Берасьцейскай вобласьці Беларусі) — беларускі дзяржаўны дзяяч, былы міністар спорту і турызму Рэспублікі Беларусь (2005—2009).

Аляксандар Грыгараў лац. Alaksandar Hryharaŭ
Міністар спорту і турызму Рэспублікі Беларусь
6 ліпеня 2005 — 26 чэрвеня 2009
Прэзыдэнт	Аляксандар Лукашэнка
Прэм’ер-міністар	Сяргей Сідорскі
Папярэднік	Юры Сівакоў
Наступнік	Алег Качан
Асабістыя зьвесткі
Нарадзіўся	9 лістапада 1948 (76 гадоў) Баранавічы, Баранавіцкая вобласьць
Адукацыя	Беларускі дзяржаўны інстытут фізычнай культуры
Узнагароды	Заслужаны трэнэр БССР[d] (1984)

Вікіпэдыя мае артыкулы пра іншых асобаў з прозьвішчам Грыгараў (неадназначнасьць).

Жыцьцяпіс

Скончыў 57-ю менскую сярэднюю школу, Беларускі дзяржаўны інстытут фізычнай культуры і Менскую найвышэйшую партыйную школу. У юнацтве займаўся боксам^[1].

Пасьля службы ў шэрагах Савецкай Арміі працаваў на розных пасадах у ЦС ДСТ «Ураджай», затым быў начальнікам управы Рэспубліканскага ДФСТ прафсаюзаў, намесьнікам старшыні Рэспубліканскага савету ДФСТ прафсаюзаў.

З 1987 па 1996 узначальваў рэспубліканскі фізкультурна-спартовы клюб «Спорт».

З 1996 па 2003 займаў пасаду намесьніка міністра спорту і турызму Беларусі.

З 2003 року быў дарадцам Выканаўчага камітэту СНД.

Зь ліпеня 2005^[2] па чэрвень 2009 року — міністар спорту і турызму Рэспублікі Беларусь^[3]. У 2005—2010 таксама старшыня Беларускай фэдэрацыі аматарскага боксу^[4].

У ліпені 2010 ачоліў Беларускую фэдэрацыю веславаньня^[5].

З 2010 року працаваў кіраўніком найвышэйшай школы трэнэраў пры Беларускім дзяржаўным інстытуце фізычнай культуры^[6]. У цяперашні час працуе загадчыкам катэдры фізычнага выхаваньня і спорту Беларускага дзяржаўнага аграрнага тэхнічнага ўнівэрсытэту^[7].

Кандыдат пэдагагічных навук. Заслужаны трэнэр БССР (1984). Заслужаны працаўнік фізычнай культуры і спорту Рэспублікі Беларусь (2000).